DUNGWVNC 7:23 - Hawa Naga Bible 200123 Piq rueq kvruex kuex yvmx vkhek rvmuq muex tvyaungc vtueq hokhvmx hoc nuex yek waung tueq. Ver CapítuloASII LAKDAP Bible (BSI)23 Apaiq ka, kra mra pin kra chhi raüta bomtai rii na khoti, jamlai atsan atsii min kuqmak maq, tiiphe phok raüta, apaiq ahokham jam nü kiina kokkok wawanto. Ver Capítulo |
Mnoz rueq mralx hez muex murx tvgurc shuiux lvmz kuex tsuingshiq rueq tuiuz wuez muq. Yehowa lex, tsuingshiq kuex tvyvlc sac vtueq kuilc daz tvrvhumc shuiuz; mnoz rueq tvhungx toq murx kuex tsuingshiq muex tvgurc shuiuz. Mmiqsaz muex mnoz rueq mtanc lac lungwawx vshuiux lvmz kuex tsuingshiq muex tvkhic shuiuz.
Yehowa rueq vsuing tvmtuing httaz tvkoc lawc yaq. Vpiq rueq nuimshiq muex murx tvgurc tueq, yuq muinz nuimshiq rueq bvlvmx lawx muit; vpiq rueq nuimshiq kuex tvbunx gay tueq, yuq muinz tvhonc tvtharc kuex nuimshiq rueq lvlc gay tuit. Nuimshiq kuex lung htauk nuex muinz khux vtsanz ningkhvnc nuex tharc humc wuez muit.
Vpiq rueq ngaz muex jungx phuex, “Vthueyc rvyaq miq lex, lawc shuiuz. Mnoz vyuq shvlx wvnc phaungx ningkhvnc nuex ngaz rueq mnoz muex tvkhic phaungx phvnx ruip saz kuex vhvlx waq tay vtueq tvtsuingc taq shuiuz. Israel miqsaz muex mnoz rueq khiz toq phvnx ruip saz kuex jungx kuq shuiux,” ngoz tueq jungx phuex.
Kvruex yimaq Yehowa rueq vpiq miqsaz htenc muex, “Nuimshiq tvroz nuex httax yaq miqphvnx htenc kuex lawc tvtsuingc shuinz, kvmaq nuimshiq rueq yvmx lac khiz shuinz kvmac wangc langc wuez tuinx. Nuimshiq rueq kvruex tay ruiux yuq, nuimshiq kvmx muit juing lvmx phvnx shishiz kuex ngaz rueq tvyaungc gay shaungx.
Nuimshiq shuimc vkay maq ngaz muex tvtsanc nganc kuq phuinx. Mkhoc shoc maq ngvy kvjaz kuex nuimshiq rueq tay muit ngoz ruiux yuq, ngaz rueq nuimshiq htauk nuex mvnhttonx tvrvhumc phaungx. Nuimshiq rueq tvluimc vshuinx htenc kvmuinz mvnhttonx tvrvhumc shaungx. Vsuingc suing kvruex htenc kuex majuiuc doc muinz mvnhttonc rvhumc wuez yaq, yvmx khoc lac ngoz ruiux lec ngaz rueq nuimshiq muex nvrc phaungx kuex tvtsanc nganc muit ningkhvnc nuex rvtueq.