DUNGWVNC 7:22 - Hawa Naga Bible 2001

²² Kvruex yimaq hokhvmx mvntan thenc jix hez rueq muinz kvkhoc ruez lot koq tueq, hokhvmx waz khux kuex tsanz hvt dvyx rvtueq. Yehowa rueq jungx tueq rulc rv-ngvlc Moshe nuiyc Arun kvjaz kuex piq rueq tay muq khawx gay tueq.

ASII LAKDAP Bible (BSI)

²² Kiijiishe hokhamwe sengi mintin klotibi raq tsangshiq mintin klo raüta kiikhiisii kham ka tiijai ma tiijato. Kiimaq hokhamwe ka kongkhuji na jamkho kiikha wanshak shak, akhiismin riilap makli riito. Tatiwe raq chongtaq kra phan phan, hokhamwe raq Mosheq nai Aron bom ka taimak ngiimra li riito.

DUNGWVNC 7:22 Referencias Cruzadas

RAPHA HIQWA LAK 41:8

Raungnvp nuex piq kuex japa vtueq, Ejip mungx wawc luinglawc jix hez nuiyc wvtharc jix miqwaz rulx htenc kuex gvl tueq. Piq rueq vmaung kuex jungx koq tueq, washiz raung rueq muinz vlvmz kuex jalc jungx kuq lot muq.

DUNGWVNC 7:11

Kvruex yimaq hokhvmx waz rueq piq miq wvtharc jix nuiyc mvntan thenc jix htenc kuex gvl vtueq, tsuingshiq rueq muinz kvkhoc rvwuez tueq.

DUNGWVNC 7:13

Yuq muinz Yehowa rueq jungx tueq rulc rv-ngvlc hokhvmx waz kuex thuinz tsanz vtueq, Moshe nuiyc Arun kvjaz kuex tay kuq muq.

DUNGWVNC 7:21

Yuix ruilx wawc ngaq htenc thueyc tueq, yuix kuex thuingc hvlc ningkhvnc nuex Ejip miqsaz rueq yuix kuex nuingx wuez muq. Ejip mungx baung ruip saz nuex tvguiy toloc yaungx kaz tueq.

DUNGWVNC 7:23

Piq rueq kvruex kuex yvmx vkhek rvmuq muex tvyaungc vtueq hokhvmx hoc nuex yek waung tueq.

JEREMIA 27:18

Mkhoc shoc maq tsuinghez kuex vsuing shvmmax bix nuiyc ngvy bomjungc lvp tay jix hez ngoz ruiux kuex, Shomc Yuimx nuiyc hokhvmx hoc wawc tsak vnyvmx kuex Babelon nuex lvmz wvnc lot muq tvkoc ngaz, Tvphaungc Tvsuip Yehowa kox wawc tsuingshiq rueq mthoz phueq,” ngoz tueq jungx tauk.

2 Timothy 3:8

Janne nuiyc Janbre rueq Moshe muex khawx lvlx tueq rulc rv-ngvlc, vruex miq htenc vraq muinz tsuingrux lvmx kuex khawx lvlx wuez yaq, kvruex miq htenc kuex tsuingshiq thuinz maq rvwvlc tvmaung lvmz vguez shex rvtueq kvmluimx lvmz nuex bac wvnc rvhumc tueq.