DUNGWVNC 3:9 - Hawa Naga Bible 2001

⁹ Ngvy miqsaz khoarc sez tvruingc kuex tay tauk, tsuingshiq kuex Ejip miqsaz rueq yvmx khoc lac guirguenz yaq nguinx kvmuinz ngaz rueq khiz tauk.

ASII LAKDAP Bible (BSI)

⁹ Ngi raq isenginok hoqsii trangtlaq kriika taikang she. Kiimaq Ejip mungti raq tsangshiq ka ümtinkhan wa hok maq nishishi haihiitlaq kra chhikang she.

DUNGWVNC 3:9 Referencias Cruzadas

RAPHA HIQWA LAK 16:11

Mnoz rueq msaz miqwaz saz lvp vtueq, vmuingc kuex Eshmael ngoz tueq muingc shuiux, yvmx khoc lac ngoz ruiux lec Yehowa rueq mnoz yonzyex khoar vtuiux kuex tay tueq.

RAPHA HIQWA LAK 31:12

‘Laban rueq mnoz muex guirguenz yaq htenc kuex ngaz rueq khiz tauk ningkhvnc nuex, lawc shuiuz, rvlaungx rvyaq khelx pung htenc kuex wuiyq tuimz, wuiyq baungx, wuiyq tsulc httaz tvkoc tvhungx htaungx tauk.

2 HOKHVMX 13:4

Kvruex yimaq Jehoahaza rueq Yehowa kox wawc vjux thoz koq tueq, Israel miqsaz htenc Siria hokhvmx rueq mtanc khvnc lac guirguenz tuinghtuing yaq nguinx kuex Yehowa rueq khiz vtueq, piq vjux thoz bomc kuex tay kuq tueq.

2 HOKHVMX 20:5

piq muex ngoc, “Mjix m-waz Dawid Tishox ngaz, Yehowa rueq mnoz vjux thoz bomc kuex tay tauk, mmuik phic kuex khiz tauk. Ngaz rueq mnoz kuex nuiyq thuimx hvlwvl vyuq tvhvlc kuq ruiux, kvkaq Shomc Yuimx nuex mnoz kaz lot tuiux.

NEHEMIA 9:9

“Nuiyshiq jix vwaz tamx Ejip mungx nuex kuilc daz rvhumc yaq kuex mnoz rueq khiz toq; Svmuktvrax Yuix Shawx Jumx maq tsuingshiq muex romc kuy tvkoc guyc yaq kuex mnoz rueq tay toq.

Tvtsvmc 12:5

Yehowa rueq, “Yuq muinz htem-suiuz rvmsaz jix tvkuilc daz rvhumc yaq ningkhvnc nuex muinz, vguirc vguenc rvhumc jix kuex vthuiuz vsac nuiyc vhuinc vsez rvyaq ningkhvnc nuex muinz, ngaz majuiuc dvyx kaz raungx. Tsuingshiq rueq raungc raq yaq vhiz rac muq kvwungx juing kuex ngaz rueq kuq shaungx,” ngoz tueq jungx tueq.

Tvtsvmc 9:14

kvkaq Yerusalem miqsaz htenc htumc nuex ngaz kvtenc jvp vtueq, ngaz rueq mnoz muex tvtsvmc kvmc vphaungx phvnx htenc kuex jungx kuq shaungx. Mnoz rueq ngaz palc daungc wvnc phux ningkhvnc nuex kokez lvp vtaungx.

DUNGWVNC 1:11

Kvkhoc rvtueq Ejip miqsaz rueq tsuingshiq htauk nuex dax yauk shuimc lawc jix kuex thvl taq vtueq, vgvrx vtsvrx yauk shuimc nuiyc tsuingshiq thuinz htenc kuex tvnulx tawk gay tueq. Israel miqsaz htenc rueq hokhvmx tvkoc taungx vwawx tvy juing baung Pithom nuiyc Ramese ghaqyungx kuex Israel miqsaz muex tvguirc tueq.

DUNGWVNC 1:22

Kvkhoc ningkhvnc nuex hokhvmx rueq, “Hebre nyuiuz tamx rueq vjawx miqwaz saz vngoz htenc kuex Sinai yuix yungx kvyuq tuip gay rax, yalxjuik sahez kvdvyx vtvraungx tvy rax,” ngoz tueq piq miq muex bomc tvdvy kuq tueq.

DUNGWVNC 1:8

Kvruex yimaq Yosep lvmz raungluingx muinz tuiuz muq, hokhvmx nyalx washiz, Ejip mungx nuex duiz tueq.

DUNGWVNC 2:23

Raungwawc loayc hvlc httvmx yix maq Ejip hokhvmx waz kuex thueyc kaz tueq, yuq muinz Israel miqsaz kuex dax muex yaungx ruq dvyx ningkhvnc nuex romc kuy tvkoc kvbot nyvnx khoar wuez yaq. Tsuingshiq khoarc tvruingc kuex Tishox kox nuex httuiuc waung tueq,

DUNGWVNC 2:25

Israel miqsaz dax muex yaungx vtueq kuilc daz wuez yaq kuex vpiq rueq khiz tueq.

DUNGWVNC 3:7

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

THARC TVLUINGC 4:1

Kvruex yimaq ngaz rueq vruex mungkawx nuex yaungx yaq tvrac vlvmz rvmuq kuex lawc wvnc tauk. Htuingtuing rvhumc yaq jix khoar wuez yaq tsuingshiq muex uraq muinz romc kuq muq. Htuingtuing jix hez kuex luimc vkawc httaz hvlc ningkhvnc nuex tuinghtuing rvhumc jix muex uraq muinz romc kuq wuez muq.

THARC TVLUINGC 5:8

Mungx yauk shuimc jix bix rueq htemc saz jix htenc kuex tuinghtuing guirguenz yaq kvmuinz, tsuingshiq rueq lvp aungx yaq htenc nuiyc tvrac vlvmz kuex kuq muq maq taq yaq kvmuinz, mnoz rueq khiz ruiux yuq nauk kawc yawc kaz. Vyungx vlaungx bix tek vtueq tsuingshiq htauk wawc waz rueq tvkhup wungx lvp yaq, tsuingnueyc kvmuinz johvlc vyungx vlaungx rueq tvkhup wungx lvp wuez yaq.

AMO LUIK DVP (AMOS) 4:1

Hungc vlaungc vnulx jix guirguenz ruiux htemc saz jix htenc kuex tuinghtuing vtueq, miqmac taungwaz muex nuiyshiq rueq nuingc muex joal lvmz laq loq ngoz tueq nvr ruiux, phuiuz vsvy vhvlx phuiuz svy jix Bashan wawc manx kuiux htenc ikhoc puiz yaq Samaria shvlx rulx lex, vruex kvjaz kuex tay shuinz!

TRI CHONGKE 26:7

Kvkaq naungshiq kuex Yehowa naungshiq jix vwaz tamx Tishox rueq romc lawc kuy tvkoc thoz wvnc wuez tiq. Naungshiq rueq thoz tiq kvjaz kuex vpiq rueq tay kuq vtueq, naungshiq rvhumc wvnc tiq guirguenz naqsaq yaq nuiyc htemrvmc kuilc daz kuex khiz kuq phuex.

1 SAMUEL 9:16

“Invp raungnuiyq vtanc jauz Benjamin phvnx wawc miq washiz kuex mnoz kox nuex ngaz rueq tvkaz phaungx; ngvy miqsaz Israel kuex guimz lawc jix waz muex tvyaungc vtueq, piq kuex ruimruimc puiz tix maq shvy kuq shuiuz, kvkaq piq rueq tsuingshiq kuex Philistin miqsaz yauk wawc tvkhup wungx kuq shuex. Ngvy miqsaz htenc rvhumc yaq kuilc daz kuex ngaz rueq khiz tauk, tsuingshiq muex romc kuy tvkoc tsuingshiq rueq guyc thoz yaq kvmuinz tay tauk shex,” ngoz tueq jungx tueq.