DUNGWVNC 3:20 - Hawa Naga Bible 2001

²⁰ Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

ASII LAKDAP Bible (BSI)

²⁰ Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.

DUNGWVNC 3:20 Referencias Cruzadas

RAPHA HIQWA LAK 15:14

Yuq muinz tsuingshiq muex dax tvyaungc yaq mungtan wawc miqsaz htenc kuex ngaz rueq murx tvgurc shaungx, kvruex pungmungx kvmaq waung wvnc ruiux yuq tsuingshiq rueq hup vsvmx paunghvlc lvmz wvnc vtueq waung wvnc tuex.

NEHEMIA 9:10

Mnoz rueq Hokhvmx waz muex muinz, piq miq vyungx vlaungx bix nuiyc mungx miqsaz htenc rueq mmiqsaz htenc kuex tuinghtuing ningkhvnc nuex, tsuingshiq muex mnoz rueq vkawc yawc vwangc juing htenc kuex tvkhic vtueq murx tvgurc toq. Mnoz kuex majuiuc raungnuiyq nuex httuiuc laz muingc dung yaq kuex rvhumc vtuiux.

Tvtsvmc 105:27

Tsuingshiq rueq Tishox vwangc juing yauk shuimc htenc nuiyc vromz yac phvnx ruip saz htenc kuex Ejip mungx nuex tvkhic kuq tueq.

Tvtsvmc 105:38

Ejip miqsaz htenc muinz tsuingshiq muex hiyaz wuez tueq, tsuingshiq dung kaz wvnc koq tueq kokez wuez tueq.

Tvtsvmc 106:22

Kvruex mungtan nuex vpiq rueq shuimx wvnc tueq yauk shuimc kuex vwangc juing rvtueq! Yuix Shawx Jumx nuex vpiq rueq shuimx wvnc tueq yauk shuimc muinz vwangc juing rvtueq!

DUNGWVNC 11:1

Yehowa rueq Moshe muex ngoc, “Ngaz rueq Ejip hokhvmx waz nuiyc piq miq htenc muex murx phvnx shiz dvyx shex tvgurc shaungx. Kvruex yimaq jix piq rueq nuimshiq kuex tvkaz kv-phuinx. Vsuing, nuimshiq lotlaz kuex vruex mungx vwawc yurc gay kv-phuinx.

DUNGWVNC 12:39

Tsuinghez rueq Ejip mungx wawc wungwanx vhttuingx vlvmz laq kuex wisiz lomx muq wansawx lumc wuez tueq, yvmx khoc lac ngoz ruiux lec tsuingshiq kuex Ejip mungx maq vhuingc rvhek laz dvyx yurc gay rvhumc ningkhvnc nuex, tsuingshiq rueq phuiuz vsvy tvyoalc lvp muq rvtueq.

DUNGWVNC 13:3

Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

DUNGWVNC 13:9

Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

DUNGWVNC 15:11

“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

DUNGWVNC 15:6

“Yehowa lex, m-yaukkeq kox luimc vkawc kuex vkawc yawc juing rvtueq; m-yauk phumz maq ralx htenc kuex tvbunx gay toq.

DUNGWVNC 4:21

Kvruex yimaq muinz Yehowa rueq Moshe muex ngoc, “Mnoz majuiuc Ejip mungx nuex yek vtuiux ningkhvnc nuex, ngaz rueq mnoz muex kuq phaungx luimc vkawc maq hokhvmx waz khaungkac nuex vwangc juing yauk shuimc lotlaz kuex shuimx shuiuz. Yuq muinz ngaz rueq piq thuinz kuex tvtsanc kuy ningkhvnc nuex piq rueq Israel miqsaz kuex tvkaz shuex rvmuq.

DUNGWVNC 6:1

Kvkaq Yehowa rueq Moshe muex ngoc, “Hokhvmx waz kuex ngaz rueq yvmx khoc lac ruez shaungx mnoz rueq khiz shuiux. Ngaz rueq ngvy miqsaz htenc tvkay tvkoc piq kuex shvkeng shaungx. Vsuingc suing tsuingshiq kuex piq mungtan wawc yurc gay laz juing ngaz rueq piq kuex ruez shaungx,” ngoz tueq jungx tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 9:15

Mkhoc shoc maq mnoz nuiyc mmiq htenc htauk nuex htaungc bac tvkop tvkoc ngvy yauk tvlanc ruiux yuq, nuimhez tvsawc ric tvbac gay rvhumc tuinx.

ISAIA 19:22

Yehowa rueq Ejip miqsaz muex murx tvgurc shuex, yuq muinz vpiq rueq tsuingshiq muex tvhvlc kuq shuex. Tsuingshiq kuex vpiq kox nuex kvroz wvnc wuez tuex, vpiq rueq tsuingshiq vjux thoz yaq bomc htenc kuex tay kuq ruiux, tsuingshiq muex tvhvlc kuq shuex.

ISAIA 26:11

Mnoz rueq mralx hez muex murx tvgurc shuiux lvmz kuex tsuingshiq rueq tuiuz wuez muq. Yehowa lex, tsuingshiq kuex tvyvlc sac vtueq kuilc daz tvrvhumc shuiuz; mnoz rueq tvhungx toq murx kuex tsuingshiq muex tvgurc shuiuz. Mmiqsaz muex mnoz rueq mtanc lac lungwawx vshuiux lvmz kuex tsuingshiq muex tvkhic shuiuz.

EJEKIEL 20:33

“Ngaz kuex Johvlc Yehowa, vtvraungx Tishox rvtauk, ngvy thuinz tvkhaq vtueq nuimshiq kuex ngvy hungc vlaungc yauk, ngvy luimc vkawc lotlaz maq guimz lawc phaungx, ngoz tueq ngaz rueq nuimshiq muex tharc tvsvmz vphaungx.

Mikha 7:15

Yehowa lex, mnoz rueq nuiyshiq kuex Ejip mungx wawc shvlx wvnc phux raungnuiyq mnoz rueq shuimc wvnc toq ikhoc nuiyshiq tvkoc vwangc juing htenc kuex tvkhic koq.

Acts 7:36

Piq kuex Ejip mungx nuiyc Yuix Shawx Jumx maq muinz, wawc rok bvlic tup kumtsvy tvnx nuex muinz, vwangc juing romzyac htenc tvkhic wvnc vtueq, Israel miqsaz htenc kuex Ejip mungx wawc shvlc tvdungc wvnc jix waz rvtueq.

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

TRI CHONGKE 6:22

Yehowa rueq Ejip phvnx muex muinz, tsuingshiq hokhvmx waz nuiyc vyungx vlaungx bix htenc muex muinz, vwangc juing phvnx htenc kuex tvkhic kuq ruiux vkawc yawc juing thuimkux htenc tvhttuiuc kuq tueq lvmz kuex naungshiq miqmac pumz maq khiz wvnc tiq.

PHOWEBI 6:8

Yehowa Israel Tishox rueq tsuingshiq kox nuex vruex bomjungc kuex jungc tvkoc shvmmax washiz kuex tvkaz tueq: “Ngaz rueq nuimshiq kuex Ejip mungx nuex dax muex yaungx tuit wawc shvlx tvdung wvnc phaungx.

PHOWEBI 8:16

Kvkaq piq rueq kumtsvy tvnx wawc shuiuq jungx kawz htenc kuex lvmz vtueq Sukkot ghaq wawc walaungx bix htenc muex murx tvgurc muex shuimx tueq.