Biblia Todo Logo
La Biblia Online
- Anuncios -




DUNGWVNC 3:2 - Hawa Naga Bible 2001

2 Kvruex baung kvyuq Yehowa raungkamx waz kuex rumz vshiz mungx kvmaq wvrluic ikhoc dung kaz tueq. Rumz nuex wvrluic thuiyc yaq kuex Moshe rueq khiz tueq, yuq muinz rumz kuex khamc muq.

Ver Capítulo Copiar

ASII LAKDAP Bible (BSI)

2 Kiijaq Tatiwe rase ka apaiq ma walütu ma jaraüta nyiimtamse mong na tiichhikito. Mosheq raq rumtamse ka walütu mong na anyai rai chhito. Shatmaq nyiimtamse ka wa raq khiimbaiq mak.

Ver Capítulo Copiar




DUNGWVNC 3:2
29 Referencias Cruzadas  

Tishox rueq nox khoarc tay tueq, Tishox raungkamx waz rueq raungx maq Hagar muex ngoc, “Hagar lex, yvmx ngoz tueq lac rvwvl tvmaung laq shuiux? Nauk hiz kaz. Tishox rueq nox khoarc kuex tay tueq.


Yuq muinz Yehowa raungkamx waz rueq, “Abraham, Abraham!” ngoz tueq raungx maq gvl tueq. Piq rueq, “Ayc, ngaz vyuq luez,” ngoz tueq tvralc tueq.


Ngaz kuex vgvrx vtsvrx htenc wawc palc wvnc jix raungkamx waz rueq vruex nox nueyc vmac ruimrix mkuq shueq! Ngvy muingc, Ijix iwaz Abraham nuiyc Esak muingc kuex tsuinghez rueq mtv-phaungx ngaungx shueq! Tsuingshiq suiuz vsaz phvnx htenc kuex paunghvlc mpux paung wvnc kueq!”


Nuiyshiq ralx htenc muex nuiyshiq htauk nuex mnoz rueq tvnuiuz vtueq; nuiyshiq kuex thuimkux wvr nuiyc thuimkux yuix puingc muex tvrvhumc wvnc phux, yuq muinz majuiuc kuex mnoz rueq nuiyshiq kuex kvwungx juing baung nuex shvlx wvnc phux.


Sinai Kanx kuex wvr khuiuq rueq buingc wvnc tueq, yvmx khoc lac ngoz ruiux lec Yehowa kuex wvr ikhoc httuiuc kaz tueq. Wvr khuiuq kuex wvrkez wawc khuiuq yaq ikhoc raungx nuex duiz wvnc vtueq, wvkanx tuimx ghaq kvbuilc hvlc kvbuilc tueq.


“Nuimshiq khuemx vtuinx nuex tvkhup wungx kuy tvkoc nuiyc ngaz rueq vtvhungx shec baung nuex nuimshiq shvlc wvnc tvkoc nuimshiq khaungx tvmax kox nuex raungkamx waz kuex ngaz rueq tvkaz shaungx.


Mnoz kaz vtueq Israel miqsaz walaungx bix kuex tvtuimx ruiux, tsuingshiq muex jungx shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kox nuex kvkhic kaz tueq lvmz tsuingshiq muex jungx shuiuz, ngaz tsuingshiq kox nuex kaz vtueq Ejip miqsaz rueq tsuingshiq muex ruez yaq kuex khiz tauk.


Thuiuz hvlc yuix mnoz rueq rvp wvnc shuiux nuex, ngaz kuex mnoz rulc vdvmz rvtaungx; mnoz kuilc daz jamjaux htenc rueq mnoz kuex luimz wvnc shuex rvmuq. Mnoz rueq wvrkez yanz wvnc shuiux nuex, khamc gay kv-phuinx rvmuq; songhvlc taruiyx htenc rueq mnoz kuex tvthuiuz sac kv-phux rvmuq.


tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,


Hokhvmx sahez, mungx yauk shuimc jix, mungtuc bix, vganc vyungx vlaungx bix kuex wvr mungx nuex thuiuz sac rvhumc muq wathuimx kuex lawc vtueq rvjungc phvnc wuez tueq. Tsuinghez khux mul loshiz muinz khamc muq, tsuinghez khoz vkhvy htenc khamc muq, tsuinghez nuex wvr khuiuq thuingc doc muinz thuingx muq.


Tvphaungc Tvsuip Yehowa rueq, “Yaung lex, kvtenc kuiuz, ngvy tvkoc yauk shuimc jix khelbuenx remc jix waz kuex khvt shuiuz! Piq kuex thvt gay shuiuz, kvkaq khelbuenx htenc kuex panx wvnc tuex. Ngaz rueq ngvy miqsaz kuex khvt shaungx yuq,


Tvphaungc Tvsuip Yehowa rueq, “Ngvy tvkoc lvmx tvyoalc lvy muex ngvy kamx waz kuex tvkaz shaungx. Kvruex yimaq nuimshiq rueq thuiyx vshuinx Taungjix kuex vpiq Shomc Yuimx nuex huingc rvhek laz maq httuiuc kaz tuex. Nuimshiq rueq vkhic roc tvlungx wanx vshuinx kamx waz kuex httuiuc kaz vtueq ngvy bomkhvrc kuex jungphvnx shuex,” ngoz tueq tvralc tueq.


Majuiuc vthueyc jix yuing kvtenc wvnc tuex lvmx nuex seng vtueq, Tishox rueq Moshe muex, ‘Ngaz kuex Abraham Tishox, Esak Tishox, Yaku Tishox rvtauk,’ ngoz tueq Moshe luik nuex httax yaq wvrluic thuiyc yaq rumbuq lvmz wuiyq shec tueq kuex nuimshiq rueq wvl muit doc haz?


Moshe rueq vthueyc kay wuez jix htenc yuing kvtenc wvnc tueq lvmx raungshuex raung hakhix tvkhic yaq. Wvrluic dung yaq rumruix lvmz wuiyq shec tueq nuex, piq rueq Taungjix muex, ‘Abraham Tishox, Esak Tishox, Yaku Tishox,’ ngoz tueq jungx tueq.


Bomjungc kuex miqsaz gvnngvmx muex yaungx kaz vtueq, kejux nuiyc tsuingrux lvmx mvrc ruiux naungshiq rulc httax wvnc tueq. Naungshiq rueq vpiq ngauz vngax kuex khiz wvnc tiq, kvruex ngauz vngax kuex Vwaz kox wawc Vsaz vshiz lauklauk waz rueq lvp wvnc tueq lvmz rvtueq.


Miqsaz gvnngvmx hungc vnulx ningkhvnc nuex, Tvrac rueq shuimx kuq lot muq khac kuex Tishox rueq shuimx kuq yaq. Vpiq rueq miqsaz gvnngvmx nuex thuiuzthuic tvraungx kvmoay shay yaq mvrax tvrac kuex phoc gay tvkoc vpiq Saz kuex mungkawx nuex tvkaz tueq, Vsaz rueq mvrax kuex tvbac gay tvkoc miqsaz gvnngvmx muex yaungx kaz tueq.


Tsuingshiq ghaq vraungx nuex vhvlx rungx vwanx lvmz htenc mmvrc kueq; Wvr luic yaq rumz mungx maq kvjak yaq waz Yehowa vhvlx ningkhvnc nuex ruimrix kejux mlvp wvnc shueq. Yosep kuex phuz vnox hez muex shunshvlc jix ningkhvnc nuex Piq phvnx rueq ruimrix kejux kuex mlvp wuez shueq.


Yuq muinz nuimshiq kuex wvrkez kalc ikhoc kalx yaq Ejip mungx wawc Yehowa rueq vtvdung shvlx wvnc miqphvnx rvtuit. Vpiq miqsaz muex tvyaungc tvkoc nuimshiq kuex tvdung shvlx wvnc tueq, kvkhoc rvtueq nuimshiq kuex vpiq miqsaz ngoz tueq majuiuc raungnuiyq jvp wuez vtuinx.


Taungjix Yesu rueq Tishox muex tvdux gay jix htenc nuiyc naungshiq Taungjix Yesu Thuix Thaungx Vhvlx kuex tay phvnx muq jix htenc muex murx tvgurc kuy tvkoc vpiq hungc vlaungc httax yaq raungkamx bix rulc vdvmz wvrluic rulc nongx raungmungx maq dung kaz tuex nuex Tishox rueq kuilc daz rvhumc vtuinx nuimshiq rulc vdvmz nuiyshiq muex muinz thuinz hvlc juing tvlvp kuq shuex.


Yehowa raungkamx waz rueq muinz, “Ngaz rueq piq muex jungx tauk phvnx ruip saz kuex mtaungx nyuiuz rueq vsuingc suing shuimc juing rvtueq.


Síguenos en:

Anuncios


Anuncios


¡Síguenos en WhatsApp! Síguenos