DUNGWVNC 3:12 - Hawa Naga Bible 2001

¹² Tishox rueq, “Ngaz kuex mnoz rulc vdvmz httax taungx, mnoz rueq miq htenc kuex Ejip mungx wawc tvdung shvlx wvnc vtueq, vruex kanx vmaq ngaz muex nawk palx kuq phuinx. Vruex kuex ngaz rueq mnoz tvkaz phaungx lvmz hakhix rvtuex,” ngoz tueq jungx tueq.

ASII LAKDAP Bible (BSI)

¹² Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

DUNGWVNC 3:12 Referencias Cruzadas

RAPHA HIQWA LAK 15:1

Kvruex yimaq Yehowa rueq romzyac tvkhic vtueq Abram muex ngoc, “Abram lex nauk hiz kaz. Ngaz rueq mnoz kuex vhiz juing wawc tvwungx wvnc vtueq yauk noalc yunghvlc kuq phaungx,” ngoz tueq jungx yaq kvjaz kuex tay tueq.

RAPHA HIQWA LAK 15:8

Yuq muinz Abram rueq, “Yehowa Tishox lex, vruex ghaq vraungx kuex ngaz muex kuy tvlanc kuq phux kuex yvmx khoc maq lac tuiuz lot shaungx?” ngoz tueq wiz tueq.

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

RAPHA HIQWA LAK 31:3

Kvkhoc rvtueq Yehowa rueq piq muex ngoc, “Mjix m-waz nuiyc mtaungx nyuing sanox httax yaq mungx nuex yek kaz kuiuz. Ngaz kuex mnoz rulc vdvmz rvtaungx,” ngoz tueq jungx tueq.

2 HOKHVMX 19:29

Kvruex yimaq Esaia rueq Hokhvmx Hezekia muex ngoc, “Vruex kuex yvmx khoc yaungc wvnc juing lac lvmz vmawz rawz dvyx rvtueq. Majuiuc raungwawc nuiyc raungwawc nuex httuiuc laz mnoz rueq tsvmz raz dvyx saq shuiux, yuq muinz kvruex raungwawc htenc lvy yix maq kuex tuiz vtsvmz htenc mnoz rueq khic yuingc vtueq, kvruex phauk saq lvp shuiux, svpiq ruiuz htenc muinz mnoz rueq khic vtueq vthuey htenc kuex saq lvp shuiux.

1 KAÜWA WERAÜ 9:20

Eleazar saz Phineha rueq mvnnuex laukshiz tsuingshiq kuex shunshvlx lawc wvnc tueq, Yehowa kuex piq rulc vdvmz mhttax kueq!

Tvtsvmc 86:17

Yehowa lex, mnoz vhvlx hakhix ngaz muex tvkhic kuq koq; mnoz rueq ngaz muex thuinz tvhvlc kuq vphux nuiyc romc kuq vphux lvmx kuex khiz vtueq, ngvy shuiuc pac jix htenc yvlc svy rvhumc wuez tuex.

DUNGWVNC 18:5

Jethro rueq Moshe taungnyuiuz vsaz thuimx kuex kumtsvy tvnx wawc vsawc kanx nuex jerak tec vtueq httax yaq Moshe kox kvyuq shvlx laq tueq.

DUNGWVNC 3:1

Raungnuiyq shiz nuex Moshe kuex Midian shomc waz vguz Jethro khelbuenx nuiyc khelkhix htenc kuex remc kuq yaq nuex, khelbuenx nuiyc khelkhix htenc kuex kumtsvy tvnx maq tvyanz goalx laq vtueq Sinai ngoz yaq vsawc kanx nuex httuiuc kaz tueq.

DUNGWVNC 3:13

Yuq muinz Moshe rueq, “Ngaz kuex Israel miqsaz kox nuex kaz vtueq tsuingshiq muex ngoc, ‘Nuimshiq jix vwaz tamx Tishox rueq ngaz kuex nuimshiq kox nuex tvkaz phuex,’ ngoz tueq jungx ruiux yuq, tsuingshiq rueq, ‘Piq muingc kuex yvmx khoc lac?’ ngoz tueq wiz ruiux, ngaz rueq yvmx khoc lac jungx shaungx?” ngoz tueq tvralc tueq.

DUNGWVNC 33:14

Yehowa rueq, “Ngaz kuex mnoz rulc kaz naungx vtueq, ngaz rueq mnoz muex tvtaungx kuq phaungx,” ngoz tueq jungx tueq.

DUNGWVNC 4:12

Majuiuc kaz kuiuz! Mnoz muex kvjaz ngaz rueq romc kuq phaungx, mnoz rueq yvmx khoc jungc juing lac kuex ngaz rueq jungx kuq phaungx,” ngoz tueq jungx tueq.

DUNGWVNC 4:15

Yvmx khoc jungc juing lac kuex mnoz rueq piq muex jungx kuq shuiuz. Ngaz rueq nuimnueyc wvtaungx muex romc kuq ruiux, nuimnueyc rueq shuimc juing kuex ngaz rueq jungx kuq phaungx.

DUNGWVNC 8:27

Nuiyshiq kuex Yehowa nuiyshiq Tishox rueq nvr yaq rulc rv-ngvlc nuiyq thuimx lvmx kumtsvy tvnx nuex kaz vtueq shomc kuy kay juing,” ngoz tueq jungx tueq.

ISAIA 37:30

Kvruex yimaq Esaia rueq Hokhvmx Hezekia muex ngoc, “Vruex kuex yaungx wvnc tuex lvmz vyac khawx vshiz rvtueq. Majuiuc raungwawc nuiyc raungwawx kuex tsvmz raz dvyx saq shuinx, yuq muinz wawc kvyix maq kuex tuiz vtsvmz khic yuingc vtueq kvruex yut saq shuiux, svpiq kuex khic vtueq vthuey htenc kuex saq lvp shuiux.

ISAIA 41:10

Nauk hiz kaz, ngaz kuex mnoz rulc vdvmz! Ngaz kuex m-Tishox rvtauk, mnoz muex yvmx muinz tvhiz sungx muq mruez shueq! Ngaz rueq mnoz muex tvhung ruiux, romc kuq phaungx; Ngaz rueq mnoz kuex tvkhup wungx ruiux palc wvnc phaungx.

ISAIA 43:2

Thuiuz hvlc yuix mnoz rueq rvp wvnc shuiux nuex, ngaz kuex mnoz rulc vdvmz rvtaungx; mnoz kuilc daz jamjaux htenc rueq mnoz kuex luimz wvnc shuex rvmuq. Mnoz rueq wvrkez yanz wvnc shuiux nuex, khamc gay kv-phuinx rvmuq; songhvlc taruiyx htenc rueq mnoz kuex tvthuiuz sac kv-phux rvmuq.

ISAIA 7:14

Kvkhoc rvtueq Taungjix vpiq rueq nuimshiq muex vyac mal vshiz kuq kv-phuinx; yalxtux nyuiuz shiz rueq nox miqwaz saz jawx shuex, vpiq muingc kuex, ‘Emanuel’ ngoz tueq muingc shuex.

JEREMIA 1:8

Tsuingshiq muex nauk hiz kaz, ngaz rueq mnoz muex tvkhup wungx kuy tvkoc mnoz rulc vdvmz httax taungx. Ngaz, Yehowa kvjaz rvtueq!” ngoz tueq jungx tueq.

WEAWEA 16:28

Moshe rueq, “Yehowa rueq nvrc ningkhvnc nuex ngaz rueq vkhoc shuimx vshaungx lvmz kuex ngaz rueq shuimx roc vtueq shuimx vshaungx rvmuq lvmz nuimshiq rueq tuiuz wvnc juing kuex vkhoc rvtueq.

WEAWEA 23:21

Israel miqsaz kuex yix maq pat nuex kuilc daz rvhumc tuex lvmz kuex ngaz rueq khiz mauk. Yehowa tsuingshiq Tishox kuex tsuingshiq rulc vdvmz httax yaq; Vpiq kuex tsuingshiq Hokhvmx rvtueq lvmz thaungbaungx wuez yaq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Mark 16:20

Sangac bix muinz kaz wvnc vtueq baung ruip saz nuex jungphvnx kuq tueq, Taungjix muinz tsuinghez rulc vdvmz yauk shuimx vtueq tsuinghez rueq jungphvnx yaq bomc kuex vsuing rvtueq lvmx hakhix tvkhic tvkoc tsuinghez muex vwangc juing htenc shuimc lot juing hungc kuq tueq.] [

Acts 11:21

Taungjix luimc vkawc kuex tsuingshiq nuex httax vtueq miq paunghvlc kvmluimx wvnc ruiux Taungjix kox nuex kvroz wvnc wuez tueq.

Acts 7:7

Yuq muinz tsuingshiq kuex dax muex tvyaungc jix miqsaz htenc kuex ngaz rueq phox gay shaungx, kvruex yimaq tsuingshiq kuex kvruex mungx kvwawc dung wvnc vtueq vruex baung vmaq ngaz muex nawk palx kuq phuex,’ ngoz tueq jungx tueq.

Romans 8:31

Kvkhoc ngoz ruiux kuex vtanc khvnc maq lawc vtueq naungshiq rueq yvmx jungc lot juing lac? Tishox kuex naungshiq kox nuex httax ruiux yuq, uraq lac naungshiq kuex khawx lvlx gay lot phvnx?

TRI CHONGKE 31:23

Kvruex yimaq Yehowa rueq Nun saz Yoshua muex ngoc, “Hungc vlaungc tvyungc vtueq thuinz tvtsanc shuiuz. Mnoz rueq Israel miqsaz kuex shvlx vtueq ngaz rueq bomkhvmc vkuq mungx kvyuq kay rax, ngaz kuex mnoz rulc vdvmz httax taungx,” ngoz tueq jungx tueq.

Hebrews 13:5

Nuimshiq kuex kuimphox luekshawx muex nauk rvnphvnx kaz. Lvp luz shuinx tanc khvnc maq thuinhvlx wuez kuinz. Yvmx khoc lac ngoz ruiux lec Tishox rueq, “Ngaz rueq mnoz kuex mkaq muinz gay shec mauk, ngaz rueq mnoz kuex mkaq muinz httvr gay mauk,” ngoz tueq jungx tueq.

JOSHUA 1:5

Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

PHOWEBI 6:12

Yehowa raungkamx waz kuex piq khaungkac nuex dung kaz vtueq piq muex ngoc, “Hungc vlaungc httaz hvlc shvrvyx waz lex, Yehowa kuex mnoz rulc vdvmz httax yaq!” ngoz tueq jungx tueq.

PHOWEBI 6:16

Yehowa rueq, “Ngaz rueq mnoz muex romc kuq phaungx mnoz rueq kvruex shuimx lot shuiux. Mnoz rueq tsuingshiq kuex miq washiz ikhoc Median miqsaz htenc kuex yoalx rek rek dvyx rop gay lot shuiux,” ngoz tueq tvralc tueq.

PHOWEBI 6:17

Gideon rueq, “Mnoz rueq ngaz kuex raungc raq vphux ngoz ruiux kuex, mnoz vsuingc suing Yehowa rvtoq lvmz hakhix tvkhic kuq koq.

PHOWEBI 6:21

Kvkaq Yehowa raungkamx waz rueq muinz piq rueq shuimx yaq ngvlhtulc kuex tenz vtueq, ngvmx nuiyc wanx kuex htuinc koq tueq, lung kvwawc wvr dung vtueq ngvmx nuiyc wanx htenc kuex khamc gay tueq. Kvruex yimaq raungkamx waz kuex waung wvnc tueq.

PHOWEBI 7:11

Tsuingshiq rvjungc phvnc yaq kvjaz kuex mnoz rueq tay shuiux, kvkaq mnoz rueq khvt tvkoc hungc vlaungc khvmc thuinz lvp shuiux,” ngoz tueq jungx tueq. Kvkhoc rvtueq Gideon kuex vnvrc waz Pura rulc vdvmz ralx nuk jerak kvyuq kvnvp kaz tueq.

1 SAMUEL 14:10

Yuq muinz tsuingshiq rueq kaz luit, ngoz tueq ngoz ruiux kuex naungnueyc kaz ix, yvmx khoc lac ngoz ruiux lec kvruex kuex Yehowa rueq naungnueyc muex taungx lot juing kuq phuex, tvtsuingc juing kuex kvkhoc rvtuex,” ngoz tueq jungx tueq.