DUNGWVNC 15:2 - Hawa Naga Bible 2001

² Yehowa kuex ngvy kvwungx juing hungc vlaungc; vpiq kuex ngvy palc jix waz rvtueq. Vpiq kuex ngvy Tishox rvtueq, ngaz rueq vpiq kuex tvtsvmc shaungx, iwaz Tishox ningkhvnc nuex vpiq yungx luz yaq lvmz kuex ngaz rueq tvtsvmc shix taungx.

ASII LAKDAP Bible (BSI)

² Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

DUNGWVNC 15:2 Referencias Cruzadas

RAPHA HIQWA LAK 17:7

“Mnoz rulc nuiyc httuiuc wvnc yaq pat wawc msuiuz msaz hez rulc pattup pat-sac bomkhvrc ngoz yaq ngvy bomkhvmc kuex ngaz rueq taq shaungx. Ngaz kuex m-Tishox nuiyc msuiuz msaz hez Tishox muex yaungx taungx.

RAPHA HIQWA LAK 49:18

“Yehowa lex, ngaz kuex Mnoz rueq palc daungc wvnc kejux kuex bvmc vshaungx.

2 SAMUEL 22:3

Ngvy Tishox kuex ngvy tvkhup wungx kuy jix waz rvtueq, vpiq rulc vdvmz ningkhvnc nuex ngaz kvguing vtaungx. Vpiq rueq ngaz kuex lak vshiz ikhoc tuinggawx kuq vtueq; vpiq rueq ngaz tvguing vtueq tvwungx taq yaq. Vpiq kuex ngaz palc daungc jix waz rvtueq; ngaz muex tvwungx kuq ruiux yauk laungc yalawx jix kox wawc palc wvnc phuex.

2 SAMUEL 22:47

Yehowa kuex tvraungx httax yaq! Ngvy kvguing juing waz muex tvtsvmc wuez shuinz! Ngaz muex palc daungc hungc vlaungc httaz hvlc Tishox yungx luz yaq lvmz kuex jungphvnx wuez shuinz!

2 SAMUEL 22:51

Tishox rueq vpiq hokhvmx muex yunghvlc taungx wvnc lvmz kuq tueq; vpiq rueq vthvl taq waz ngoz yaq, Dawid nuiyc piq suiuz vsaz htenc muex pattup pat-sac lungwawc thuinz kuex tvkhic kuq tueq.

2 SAMUEL 7:24

Mnoz rueq Israel kuex pattup mmiqsaz shauk muex tvyaungc vshuiux, kvkhoc rvtueq Yehowa lex, mnoz kuex tsuingshiq Tishox muex yaungx toq.

2 SAMUEL 7:5

“Ngvy nvrc waz Dawid muex ngaz rueq jungx vphaungx kvjaz kuex jungx kaz kuiuz, ‘Mnoz kuex ngvy httaz juing ngoz yaq ngvy tvkoc shomc yuimx guirc jix waz rvmuq.

1 HOKHVMX 8:13

Majuiuc kuex mnoz tvkoc shomc yuimx vshiz, mnoz pattup httaz tvkoc baungshiz kuex ngaz rueq guirx tauk.”

1 HOKHVMX 8:27

“Yuq muinz O Tishox lex, mnoz kuex ghaq htauk vyuq vsuing haz httax lot tuiux? Raungx mungtan lotlaz doc muinz mnoz kuex suinx taq lot laz juing yungx yaq rvmuq, kvkhoc rvtueq ngaz rueq vguirx Shomc Yuimx kuex yvmx khoc lac vyungc hungx lot tvnx?

1 KAÜWA WERAÜ 16:14

Yehowa kuex naungshiq Tishox rvtueq; vpiq rueq vnvr tvrac kuex mungkawx lotlaz tvkoc rvtueq.

Tvtsvmc 109:1

Tishox lex, ngaz rueq mnoz muex tvtsvmc vphaungx; suinglix lix nauk httax kaz!

Tvtsvmc 118:14

Yehowa rueq ngaz muex luimc vkawc yunghvlc nuiyc hungc vlaungc tvmvrc kuq vtueq; vpiq rueq ngaz palc wvnc phuex.

Tvtsvmc 118:21

Yehowa lex, mnoz rueq ngaz muex tvralc kuq vtueq, ngaz muex tvtaungx kuy ning-khvnc nuex ngaz rueq mnoz muex tvtsvmc vphaungx.

Tvtsvmc 118:28

Mnoz kuex ngvy Tishox rvtoq ngaz rueq mnoz muex kejux vyungx ngoz vphaungx; Mnoz yungx luz vtuiux lvmx kuex ngaz rueq jungphvnx vshaungx.

Tvtsvmc 140:7

Ngaz muex Johvlc Yehowa hungc vlaungc maq mvrc vtueq, mnoz rueq ngaz kuex ralx rvkhvt yaq wawc tvkhup wungx kuq phux.

Tvtsvmc 145:1

Ngvy Tishox nuiyc ngvy hokhvmx waz lex, mnoz yungx luz vtuiux lvmx kuex ngaz rueq jungphvnx shaungx; ngaz rueq mnoz muex pattup kejux vyungx ngoz shaungx.

Tvtsvmc 18:46

Yehowa kuex tvraungx httax yaq! Ngvy tvkhup wungx kuy jix waz muex tvtsvmc wuez shuinz! Ngvy palc daungc jix Tishox yungx luz yaq lvmx kuex jungx wuez shuinz.

Tvtsvmc 22:10

Ngaz kuex jawx phuex raungnuiyq maq dvyx mnoz muex kvmx wvnc tauk, mnoz kuex mkaq muinz ngvy Tishox rvtoq.

Tvtsvmc 22:3

Yuq muinz mnoz kuex hoc daung-raungc htauk nuex ngaungc jix Vsawc Waz rvtoq, Israel miqsaz rueq tvtsvmc kuy rvhumc jix waz rvtoq.

Tvtsvmc 27:1

Yehowa kuex ngvy raungwuic nuiyc ngvy palc jix waz rvtueq; ukhaq muex muinz ngaz hiz mauk. Yehowa rueq kvhiz juing lotlaz wawc ngaz kuex tvkhup wungx kuq phuex; ngaz kuex mkaq muinz hiz mauk.

Tvtsvmc 28:8

Yehowa rueq vpiq miqsaz htenc kuex tvkhup wungx kuq yaq; vthvlc tvy rvhumc tueq vpiq hokhvmx waz kuex tvkhup wungx kuq ruiux palc wvnc tueq.

Tvtsvmc 30:1

Yehowa lex, mnoz rueq ngaz palc wvnc phux, ngvy ralx htenc rueq ngaz taungx gay phuex wawc mnoz rueq ngaz tvkhup wungx wvnc phux ningkhvnc nuex ngaz rueq mnoz muex tvtsvmc vphaungx.

Tvtsvmc 34:3

Yehowa yungx luz yaq lvmx kuex ngaz rulc roc nuex jungphvnx naungx kuit; vpiq muingc kuex naungshiq rueq vdvmz nuex tvtsvmc wuez ix!

Tvtsvmc 48:14

nuimshiq rueq, “Vruex Tishox kuex pattup pat-sac naungshiq Tishox rvtueq; vpiq rueq naungshiq kuex vkhing ruip rawx lvmx shvlx kuq phuex,” ngoz tueq yix wawc suiuz vsaz htenc muex jungphvnx kuq lot shuex.

Tvtsvmc 59:17

Ngvy tvguing jix waz lex, ngaz rueq mnoz muex tvtsvmc vphaungx. Tishox kuex ngvy kvwungx juing rvtueq, ngvy lungwawc jix Tishox muinz rvtueq.

Tvtsvmc 68:20

Naungshiq Tishox kuex palc daungc kuy jix Tishox rvtueq; vpiq kuex Yehowa rvtueq, vthueyc vmvy juing wawc daungc wvnc jix naungshiq Taungjix rvtueq.

Tvtsvmc 99:5

Yehowa naungshiq Tishox muex tvtsvmc wuez shuinz; vpiq hoc daungraungc khaungkac nuex bumx vtueq nawk wuez shuinz! Vpiq kuex Vsawc rvtueq!

Tvtsvmc 99:9

Yehowa naungshiq Tishox muex tvtsvmc wuez shuinz, vpiq vsawc ghaqluimx nuex nawk palx wuez shuinz! Yehowa naungshiq Tishox kuex vsawc rvtueq.

DUNGWVNC 14:13

Moshe rueq, “Nauk hiyaz kaz! Phaungx duing rvwuez kuinz, majuiuc raungnuiyq Yehowa rueq nuimshiq yvmx khoc lac palc wvnc kv-phuinx kuex khiz wuez shuinx; nuimshiq rueq vruex Ejip nuk htenc kuex yix maq mkaq muinz khiz yek shuinx rvmuq shex.

DUNGWVNC 3:6

Ngaz kuex mjix m-waz tamx Tishox, Abraham, Esak, Yaku Tishox rvtauk,” ngoz tueq jungx tueq. Kvkhoc rvtueq Moshe rueq vhtvlx kuex puingc gay tueq, yvmx rvtueq lac ngoz ruiux lec piq kuex Tishox muex hiz vtueq lawc khvmc muq.

DUNGWVNC 4:22

Kvruex yimaq mnoz rueq hokhvmx waz muex jungx shuiuz, Ngaz Yehowa rueq ngoc, ‘Israel miqsaz kuex ngvy saz pekhux rvtueq.

DUNGWVNC 40:34

Kvkaq Tap kvyuq phuemx rueq puingc wvnc koq tueq Yehowa ngauz vngax phelez kuex tap mungx nuex lez kaz tueq.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

ISAIA 12:2

Tishox kuex ngvy palc jix waz rvtueq; Ngaz vpiq muex tvluimc ningkhvnc nuex hiyaz mauk. Yehowa rueq ngaz muex luimc vkawc nuiyc hungc vlaungc kuq phuex; vpiq kuex ngvy palc jix waz rvtueq.

ISAIA 25:1

Yehowa lex, mnoz kuex ngvy Tishox; ngaz rueq mnoz muex tvtsanc nganc vtueq mmuingc kuex tvtsvmc shaungx. Mnoz rueq vwangc juing phvnx htenc shuimx wvnc toq; kungkhux nuex phuex vshuimx wvnc kvmungx htenc kuex rvkhauk laz tvdung wvnc toq.

ISAIA 45:17

Yuq muinz Israel miqsaz htenc kuex Yehowa rueq palc wvnc rvhumc vtueq, tsuingshiq rueq taungx wvnc lvmx kuex pattup phaungx tuex; tsuingshiq kuex mkaq muinz muingc bac tuex rvmuq,’ ngoz tueq.”

ISAIA 49:6

Yehowa rueq ngaz muex, “Ngvy nvrc waz lex, ngaz rueq mnoz tvkoc yauk shuimc yunghvlc vshiz lvp tauk. Kvjungx yaq Israel miqsaz muex yungc loayc wvnc lvmz kuy tvkoc dvyx rvmuq, yuq muinz ngaz rueq mnoz kuex miqphvnx htenc tvkoc vwuic tvyaungc phaungx, kvkaq mungkawx lotlaz kuex palx daungc wvnc rvhumc tueq,” ngoz tueq.

ISAIA 66:1

Yehowa rueq, “Raungmungx kuex ngvy hoc daungraungc, ghaq kuex ngvy yaz tvdaungc juing rvtueq. Kvkhoc rvtueq nuimshiq rueq ngvy httaz tvkoc mkhoc phvnx yuimx, mkhoc phvnx baung nuex lac nuimshiq rueq guirx shuinx?

JEREMIA 3:23

Kankhux poz htenc nuex nuiyshiq yac yuimx nawk palx wvnc tiq, kvruex nuiyshiq muex romc kuq muq. Israel tvkoc romc kuy kuex nuiyshiq Tishox Yehowa kox wawc dvyx lvp lot shix.

JEREMIA 31:33

Israel miqsaz rulc taq shaungx bomkhvrc vnyalx kuex vkhoc rvtueq: Ngaz rueq tsuingshiq nyuing nuex ngvy tvrac kuex taq vtueq kvruex tsuingshiq thuinz vmungx nuex wuiyq taq shec shaungx. Ngaz kuex tsuingshiq Tishox muex yaungx ruiux tsuingshiq kuex ngvy miqsaz muex yaungx tuex.

JEREMIA 32:38

Kvmaq tsuingshiq kuex ngvy miqsaz yaungx vtueq, ngaz kuex tsuingshiq Tishox muex yaungx taungx.

HABAKUK 3:13

Mnoz rueq miqsaz htenc kuex palc kay tvkoc muinz, mnoz rueq vhttauk taq hokhvmx waz kuex palc wvnc tvkoc muinz dung kaz toq. Mnoz rueq layx vbac jix nuk walaungx waz kuex nutshut nutshix nut gay ruiux piq yix phvnc jix htenc tvsawc ric tvbac gay tueq.

JEKERIA 13:9

Ngaz rueq tvraungx kvjungx yaq mvnshiz kuex wvr maq tvsawc shix kuimphox ikhoc tsuingshiq kuex tvsawc vtueq talx lawc shaungx. Ngaz rueq kuimshawx talx lawc shix ikhoc tsuingshiq kuex talx lawc shaungx. Kvkaq tsuingshiq rueq ngvy kox wawc thoz ruiux yuq ngaz rueq tsuingshiq muex tvralc shaungx. Tsuingshiq kuex ngvy miqsaz rvtueq lvmz ngaz rueq tsuingshiq muex jungx shaungx, ngaz kuex tsuingshiq Tishox rvtauk lvmz tsuingshiq kvjungc wuez tuex,” ngoz tueq jungx tueq.

Luke 1:77

Mnoz kuex vpiq miqsaz htenc kox nuex kaz vtueq tsuingshiq mvrax htenc kuex dawc kuq ruiux palc daungc wvnc lvmx jungx kuq shuiux.

Luke 2:30

Mnoz palc daungc wvnc lvmx kuex ngvy muik maq tiq khiz tauk shex,

John 4:22

Nuimshiq Samaria miqsaz kuex miqmac rueq ukhaq muex lac nawk palx vshuinx rvkhauk laz tuiuz muit; nuiyshiq Yuda miqsaz rueq kuex miqmac rueq tuiuz vshix waz muex nawk palx vshix, yvmx khoc lac ngoz ruiux lec palc daungc wvnc lvmx kuex Yuda miqsaz kox wawc jix httuiuc kaz tueq.

John 5:23

Kvkhoc rvtueq miq htenc rueq Vwaz muex tvtsanc nganc yaq rulc rv-ngvlc Vsaz muex muinz tvtsanc nganc shuex. Vsaz muex tvtsanc nganc muq waz kuex Vsaz nvrc tvkay jix waz Vwaz muex tvtsanc nganc muq rvtueq.

Acts 4:12

Piq rueq dvyx palc daungc lot shuex, mungkawx vyuq vpiq maq lvy vtueq naungshiq palc daungc lot jix miq vshiz muinz vguez,” ngoz tueq tvralc tueq.

2 Corinthians 5:19

Nuiyshiq rueq jungphvnx vshix bomjungc kuex Tishox rueq Christu maq miqsaz lotlaz kuex vpiq kungjix muex tvyaungc wvnc lvmx nuex seng yaq bomjungc rvtueq. Tishox rueq miqsaz mvrax htenc kuex tvtsuingc kuq muq, miqsaz kuex vpiq rulc kungjix rvyaungc wvnc juing bomjungc kuex nuiyshiq muex kuq shec phuex.

Ephesians 2:22

Nuimshiq muinz Christu rulc vshiz dvyx yaungx vtueq, vganc jix rulc vdvmz nuex kvguirc naungc rvhumc ruiux vpiq Siyac maq Tishox httaz juing baung muex yaungx wvnc wuez tuit.

TRI CHONGKE 10:21

Vpiq kuex nuimshiq Tishox rvtueq, nuimshiq tvkoc vpiq rueq shuimx wvnc tueq vwangc juing yauk shuimc yunghvlc htenc kuex nuimshiq miqmac muik maq khiz wvnc tuit shex, vpiq muex tvtsvmc wuez shuinz.

Philippians 2:11

Yesu Christu kuex Taungjix rvtueq ngoz tueq nuix maq kvjungc ningkhvnc nuex Vwaz Tishox ngauz vngax kuex tvdung wvnc wuez shuex.

Philippians 4:13

Ngaz muex luimc vkawc tvhungc kuy jix Christu ningkhvnc nuex lotlaz kuex ngaz rueq shuimx lvp vshaungx.

Colossians 2:9

Yvmx khoc lac ngoz ruiux lec miqsaz muex yaungx kaz vtueq mungkawx nuex httax tueq baunglaung Christu nuex Tishox shvmx vrvmx vmvrx httax tueq.

Revelation 15:3

Tsuingshiq rueq Tishox nvrc waz Moshe shic nuiyc Khelbuenx Saz shic kuex shix vtueq, “Tvphaungc Tvsuip Taungjix Tishox lex, Mnoz rueq shuimx wvnc toq yauk- shuimc kuex pinhtumc vwangc juing rvtueq! Miq phvnx lotlaz muex Hokhvmx, Mlvmx phvnc kuex pinhtumc vlvmx nuiyc pinhtumc tsuingrux ix!

Revelation 19:1

Kvruex yimaq raungmungx wawc miq vkung vdaungx thuirc tvruingc rulc rv-ngvlc yaq tvruingc kuex ngaz rueq tay tauk, tsuingshiq rueq, “Tishox muex tvtsvmc wuez shuinz! Haleluya naungshiq Tishox kuex palc daungc lvmx nuiyc ngauz vngax, luimc vkawc mvrc yaq waz rvtueq!

PHOWEBI 5:21

Kishon yuix puingc ngoz yaq yuix kuk hungc hvlc Kishon Ruilx rueq, tsuingshiq kuex joy laq vshuex. Ngaz kaz taungx, hungc vlaungc maq kvtenc kvnvp kaz wvnc taungx!