DUNGWVNC 13:15 - Hawa Naga Bible 2001

¹⁵ Ejip hokhvmx waz khux tvtsanz vtueq naungshiq tvkaz muq tvlvlc lvy ningkhvnc nuex Yehowa rueq Ejip mungx wawc miqsaz nuiyc nyvmx saz pekhux htenc kuex thvt gay tueq. Kvkhoc rvtueq naungshiq rueq nyvmx saz vphaungc vnyuiuz vpung maq Yehowa muex shomc kuq vshix, yuq muinz naungshiq miq pekhux waz htenc kuex tvyez daungc yek vshix.

ASII LAKDAP Bible (BSI)

¹⁵ Ejip mung hokhamwe tsantsii ka wanshak shak riito. Kiimaq nashiqnok ka tlaü wan mak ningtangto. Kiijiishe Tatiwe raq Ejip mung wa chhikhuse humtlaq loweatek kra maiqwe se lo kiimaq nyamse lo thun kra wiita tsat baiqto. Kra ningkhan nashiq raq nyamse chhikhuse nyungtlaq loweatek kra Tatiwe ma honglu na takuq tiikai. Shatmaq nasetiim chhikhusetiim ka apaiq jaq wa ari laita tiijang wan nong tiikai.

DUNGWVNC 13:15 Referencias Cruzadas

Tvtsvmc 105:36

Ejip mungx yuimx kac tek wawc pekhux sahez htenc kuex thvt gay tueq.

DUNGWVNC 12:29

Raungwvrx htungx nuex Yehowa rueq Ejip mungx wawc miqwaz saz pekhux lotlaz maq phaungc vtueq hokhvmx hoc nuex duic jix hokhvmx waz saz pekhux waz maq, khoktep nuex httaz yaq jix saz pekhux waz nuex httuiuc laz muinz, nyvmx saz kungkhux vnyuiuz lotlaz muinz thvt gay tueq.

DUNGWVNC 3:19

Ejip hokhvmx waz kuex hung vtueq tvgap kawx ruec guez maq nuimshiq kuex tvkaz kv-phuinx rvmuq ngaz rueq tuiuz yaq.

DUNGWVNC 34:20

yuq muinz loze saz nyuiuz phaungc kuex khelbuenx vshiz maq layc vtueq daungc wvnc shuinz, daungc wvnc roc muit ngoz ruiux kuex loze duingx kuex tv-ngawk gay rax. Nuimshiq sahez pekhux htenc kuex lotlaz daungc wvnc wuez shuinz. “Ukhaq yuq muinz shomc kuy juing lomx muq maq ngvy khaungkac nuex nyuip kay mvy muq.

DUNGWVNC 4:23

Isaz rueq ngaz muex nawk palx tvkoc ngaz rueq jungx vphaungx, yuq muinz mnoz rueq tvkaz muq. Majuiuc ngaz rueq msaz pekhux waz kuex thvt gay shaungx,’ ngoz tueq ngoz wuex,” ngoz tueq jungx shuiuz.

WEAWEA 18:15

“Miqsaz rvmuq ngoz ruiux nyvmx saz kuex ngvy tvkoc ngoz tueq Israel miqsaz rueq lekuq yaq pekhux saz kuex mnoz muex seng yaq. Yuq muinz pekhux sahez kuex nuimshiq rueq daungc ruiyx wvnc lvp shuinz, sawc muq nyvmx saz nyuiuz phaungc htenc muinz nuimshiq rueq daungc ruiyx wvnc yaq kuex thoz tvy shec rax.

WEAWEA 3:46

Israel miqsaz pekhux sahez htenc kuex Lewi miqsaz htauk nuex 273 waz jvnc yaq ningkhvnc nuex, jvnc yaq kvruex kuex tvyez rez rvwvnc yek rax.