DUNGWVNC 13:14 - Hawa Naga Bible 2001

¹⁴ Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

ASII LAKDAP Bible (BSI)

¹⁴ Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.

DUNGWVNC 13:14 Referencias Cruzadas

RAPHA HIQWA LAK 30:33

Yix vmax nuex ngaz tsuingrux vtaungx lvmz iguz mnoz rueq khiz tuiuz lvp shuiux. Iguz mnoz rueq ngaz muex yauk mauk ikhoc vkuq khelbuenx nuiyc khelkhix htenc kuex tvtsuingc lawc ruiux yuq, vwuiyq vhttax khelx nuiyc vshvmx vnyauk khelbuenx htenc maq lvy vtueq vganc khelbuenx nuiyc khelx kuex khiz ruiux yuq, kvruex vguiuq vruez ngoz tueq mnoz rueq tuiuz lvp shuiux,” ngoz tueq jungx tueq.

1 KAÜWA WERAÜ 16:12

Tishox nvrc waz Yaku suiuz vsaz hez nuiyc Tishox rueq vthvl wvnc Israel suiuz vsaz hez lex, Tishox rueq shuimx wvnc tueq vwangc juing htenc nuiyc vpiq rueq kuq shec tueq khac phoc lvmz htenc kuex rvwvl wuez shuinz.

NEHEMIA 1:10

“Yehowa lex, vruex kuex mnvrc waz, mmiqsaz shauk htenc rvtueq. Mnoz rueq Tsuinghez kuex mluimc vkawc yunghvlc nuiyc hungc vlaungc httaz hvlc maq palc wvnc toq.

Tvtsvmc 136:11

Israel miqsaz htenc kuex Ejip mungx wawc vpiq rueq shvlx wvnc tueq; vpiq lungwawc kuex pattup httax yaq;

Tvtsvmc 145:4

Mnoz rueq shuimx wvnc toq yauk shuimc kuex suiuz pat saz pat patshiz maq patshiz rueq tvtsvmc wuez shuex; mnoz hungc vlaungc yauk shuimc htenc kuex tsuingshiq rueq jungphvnx wuez shuex.

Tvtsvmc 78:4

Vruex lvmx htenc kuex naungshiq suiuz vsaz htenc htumc nuex puingc pvy taq shix rvmuq; Yehowa luimc vkawc lvmx nuiyc vpiq yungx luz yaq htenc, vpiq rueq shuimx wvnc tueq vwangc juing phvnx htenc kuex yix pat vjat wawc miqsaz htenc muex naungshiq rueq jungx kuq shix.

DUNGWVNC 10:2

kvruex kuex mnoz rueq msaz hez nuiyc msuiuz hez muex jungx kuy tvkoc muinz rvtueq. Ngaz Yehowa rvtauk lvmz kuex nuimshiq lotlaz rueq tuiuz wvnc shuinx,” ngoz tueq jungx tueq.

DUNGWVNC 12:41

Wawc 430 mvrc tueq raungnuiyq kvkaq Yehowa miqsaz htenc rvtueq miqphvnx lotlaz Ejip mungx maq dung wvnc wuez tueq.

DUNGWVNC 13:3

Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

DUNGWVNC 13:8

Moalx kvruex phaungc shuinx raungnuiyq kvkaq msaz tamx muex, Ejip mungx maq dung wvnc toq nuex Yehowa rueq shuimx wvnc tueq kejux kuex tvmaung tvkoc moalx vshix rvtueq, ngoz tueq mnoz rueq jungx kuq shuiuz.

DUNGWVNC 13:9

Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

DUNGWVNC 20:2

“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.

DUNGWVNC 6:1

Kvkaq Yehowa rueq Moshe muex ngoc, “Hokhvmx waz kuex ngaz rueq yvmx khoc lac ruez shaungx mnoz rueq khiz shuiux. Ngaz rueq ngvy miqsaz htenc tvkay tvkoc piq kuex shvkeng shaungx. Vsuingc suing tsuingshiq kuex piq mungtan wawc yurc gay laz juing ngaz rueq piq kuex ruez shaungx,” ngoz tueq jungx tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

JEREMIA 34:13

Israel Tishox rueq, miq htenc muex jungc kuy tvkoc ngaz muex vkhoc jungx phuex: “Ngaz rueq tsuingshiq kuex Ejip mungx wawc daungc wvnc tauk nuiyc dax muex yaungx yaq wawc tsuingshiq tvdung wvnc tauk nuex, mjix m-waz tamx rulc ngaz rueq bomkhvrc taq tauk. Ngaz rueq tsuingshiq muex

DANIEL 9:15

“O Taungjix nuiyshiq Tishox lex, mnoz rueq mluimc vkawc tvkhic vtueq mmiqsaz kuex Ejip mungx wawc shvlx wvnc toq ningkhvnc nuex mluimc vkawc kuex majuiuc nuex httuiuc laz rvwvl hvt. Nuiyshiq rueq mvrax yaq tiq; nuiyshiq rueq vyaq shuimx gay tiq.

Acts 13:17

Israel miqsaz htenc muex Tishox rueq naungshiq jix vwaz htenc Ejip mungx nuex wuinz waz ikhoc httax tueq nuex tsuingshiq kuex thvl vtueq, miqphvnx yunghvlc muex tvyaungc kuq tueq, luimc vkawc yunghvlc maq kvruex mungx kvwawc tvdung shvlx wvnc vtueq,

TRI CHONGKE 5:15

Nuimshiq kuex Ejip mungx nuex dax muex yaungx wvnc tuit nuex Ngaz, Yehowa nuimshiq Tishox rueq luimc vkawc httaz hvlc maq nuimshiq tvdung shvlx wvnc phaungx kuex rvwvl wuez shuinz. Kvkhoc rvtueq Vguilc Raungnuiyq kuex phvnc tvhungx tvkoc ngaz rueq nuimshiq muex nvr vphaungx.

TRI CHONGKE 5:6

‘Ngaz kuex nuimshiq Ejip mungx nuex dax muex yaungx tuit wawc tvdungc shvlc wvnc jix waz Yehowa nuimshiq Tishox rvtauk.

TRI CHONGKE 6:12

dax muex yaungx tuit Ejip mungx kvwawc tvdungc shvlc wvnc jix Yehowa kuex lauk gay muit juing honc lvmz wuez shuinz.

JOSHUA 22:24

Yix maq nuimshiq suiuz vsaz htenc rueq nuiyshiq suiuz vsaz hez muex, ‘Yehowa Israel Tishox muex nuimshiq rueq yvmx lac ruez kuq tuinx?’ ngoz tueq ngoz shuex kvmac hiz vtix khuec nuex vruex nuiyshiq rueq shuimx vshix.

JOSHUA 24:17

Yehowa naungshiq Tishox rueq naungshiq waz tamx nuiyc naungshiq kuex dax muex yaungx tiq Ejip mungx wawc palc wvnc phuex. Vpiq rueq shuimx wvnc tueq vwangc juing yauk shuimc htenc kuex naungshiq rueq khiz wvnc tiq shex. Mungtan ruip rawx lvy wvnc tiq lvmx wvlex nuex vpiq rueq naungshiq muex tvkhup wungx kuq wvnc phuex.

JOSHUA 4:6

Kvruex lung htenc kuex Yehowa rueq shuimx wvnc tueq phvnx kuex mungx miqsaz muex tvrvwvl yek shuex rvtueq. Yix maq nuimshiq saz tamx rueq, ‘Lungpoz htenc vruex vlvmz kuex yvmx khoc lac,’ ngoz rueq wiz ruiux yuq,

PHOWEBI 2:12

Ejip mungx wawc tsuingshiq shvlc wvnc jix Tishox, Yehowa tsuingshiq jix vwaz tamx Tishox muex nawk palx lvmz kuex tuip gay ruiux, tvroz wawc miq htenc rueq nawk palx wuez yaq vganc tishox htenc kuex nawk palx wuez tueq. Tsuingshiq kuex bumx vtueq nawk ningkhvnc nuex, Yehowa thuinz tvkhaq wuez tueq.

PHOWEBI 6:8

Yehowa Israel Tishox rueq tsuingshiq kox nuex vruex bomjungc kuex jungc tvkoc shvmmax washiz kuex tvkaz tueq: “Ngaz rueq nuimshiq kuex Ejip mungx nuex dax muex yaungx tuit wawc shvlx tvdung wvnc phaungx.