AJONJÜ 2:22 - Hawa Naga Bible 2001

²² Mnoz rueq ngvy tvroz lotlaz nuex vkawc yawc juing moalx vshiz tvhungx tvkoc ralx htenc kuex gvl taq toq, Mthuinz khaq yaq raungnuiyq, vshiz muinz yuz wvnc lvp muq. Ngaz rueq lungwawx vtueq vdungx ghaq isaz hez kuex tsuingshiq rueq thvt gay tueq.

ASII LAKDAP Bible (BSI)

²² Ümniiraq ijaqtinok ka heawan laüta, tsangshiq ngi tro na nga raüta, phiiptsi jiiptsi chiqdong redong she, tiiwiinum siq wan laü. Krai mren ümtsankhiq walüwa, tiichhikuq laü matdong ranaiq, jumin tiichhii lot mak riito. Ngi raq mangchan lata atiichhanchhi wan wa, isetiim wiita tsangshiq raq tsatbaiqto.

AJONJÜ 2:22 Referencias Cruzadas

2 KAÜWA WERAÜ 36:17

Kvkhoc rvtueq Yehowa rueq tsuingshiq kuex khvt kay tvkoc Babelon hokhvmx waz kuex tvkaz tueq. Hokhvmx waz rueq Shomc Yuimx mungx nuex httax yaq Yuda yalxrox bix nuex httuiuc laz thvt gay tueq. Piq rueq nyuiuz waz, nosaz, miqwaz yalxjuik, vthuiuz vsac jix, miq hvlx jix, ukhaq muex muinz menjenc muq. Tishox rueq tsuingshiq lotlaz kuex piq yauk nuex lekuq gay tueq.

Tvtsvmc 31:13

Ralx hez paunghvlc rvshuip shuyx yaq kvjaz kuex ngaz rueq tay tauk; kvhiz juing lotlaz rueq ngaz kuex tvroz tuimx wvnc phuex. Tsuingshiq rueq ngaz kuex khawc lvlc lvmz rvjungc phvnc vtueq, ngvy thvy gay tvkoc kvmungx wuez yaq.

ISAIA 28:19

Kvruex kuex lauk shiz maq lauk shiz, raungnvp shiz maq raungnvp shiz nuimshiq kuex wungthvt gay kv-phuinx. Nuimshiq rueq kvruex raungnuiyq raungwvrx nanx juing rvtueq. Tishox kox wawc vlvp bomjungc vnyalx bomc tek kvhiz juing jvnc rvtueq!

JEREMIA 11:11

Kvkhoc rvtueq majuiuc ngaz, Yehowa rueq tsuingshiq kox nuex tvbac gay juing tvkaz vtueq honc tvsvmc vshaungx, tsuingshiq yuz wvnc lot tuex rvmuq. Tsuingshiq romc kuy tvkoc ngaz kox wawc ramc thoz phuex yuq, ngaz rueq tsuinghez tvruingc kuex tay kuq shaungx rvmuq.

JEREMIA 14:19

Yehowa lex, mnoz rueq Yuda mungx kuex tvdux gay tvlanc shec haz? Mnoz rueq Zion miqsaz haz shuiuc vshuiux? Nuiyshiq hvlx lot miq laz juing mnoz rueq yvmx ngoz tueq lac nuiyshiq tvthuiuz sac hvlc ruez vphux? Nuiyshiq rueq nomic lvmx kuex thuiyx vshix, yuq muinz vhvlx muex yaungx muq; nuiyshiq hvlc wvnc tvkoc tvluimc vshix, yuq muinz vhiz juing dvyx dung wvnc yaq.

JEREMIA 20:3

Nvp yix raungnvp, Pashhur rueq ngaz vkhvrc yanx ruiuz kuex dawc gay yix, ngaz rueq piq muex jungx tauk, “Yehowa rueq mnoz kuex Pashhur ngoz tueq muingc muq doc. Vpiq rueq vkuq muingc kuex ‘Baung Ruip saz nuex Kvhiz juing,’ ngoz yaq.

JEREMIA 21:7

Yuq muinz, mnoz nuiyc mmiq vyungx vlaungx bix kuex ralx rvlungc, khvmx vrvmc nuiyc vmac vtsac wawc dung wvnc ruiux muinz, kvjungx yaq nuimshiq nuiyc vruex ghaqyungx wawc miq htenc kuex hokhvmx Nebukhadnezar nuiyc mnoz thvy gay roc yaq mralx hez yauk nuex nuimshiq lotlaz ngaz rueq lekuq gay phaungx. Nebukhadnezar rueq nuimshiq kuex thvt gay kv-phuinx. Piq rueq nuimshiq vshiz muinz tvjungx kv-phuinx rvmuq, menjenc kv-phuinx rvmuq, nuimshiq ukhaq muex muinz thuinz tvthuiuz shuex rvmuq. Ngaz, Yehowa rueq jungx vshaungx,” ngoz tueq.

JEREMIA 44:7

“Kvkhoc rvtueq ngaz, Yehowa Israel Tishox rueq nuimshiq shauk pumz kuex tvmaq jup ruec tvkoc layx vbac yauk shuimc kuex nuimshiq rueq yvmx ngoz tueq lac shuimx vshuinx? Nuimshiq kuex miqwaz, yalxjuik, nosaz nuiyc noshawx saz hez htenc vshiz muinz kvjungx muq laz juing tvbac gay rvhumc haz raungc raq vshuinx?

JEREMIA 46:5

Yuq muinz Yehowa rueq, “Ngaz rueq yvmx lac khiz vshaungx?” ngoz tueq wiz tueq. “Tsuingshiq kuex kawc yawc vtueq yek waung wuez tueq. Tsuingshiq nolaungx bix kuex tvyez wungc thvy rvhumc tueq; vhiz sungx rueq tsuingshiq kuex puingc wvnc vtueq, tsuingshiq phaq lot tuex tanc khvnc yix kox nuex lawc muq yuz wvnc tueq.

JEREMIA 6:25

Ralx htenc rueq koz vlaq htenc shuimx vtueq nuiyshiq muex vgvrx vtsvrx tvroz tuimx wvnc ningkhvnc nuex ke-phic nuex muinz nuiyshiq kuex kaz khamc miq, lvmx laungx htenc nuex muinz nuiyshiq kuex khuemx kaz khamc miq,” ngoz tueq jungx tueq.

TRI CHONGKE 28:18

“Yehowa rueq nuimshiq nuex suiuz vsaz paung muq tvkoc muinz, nuimshiq tuiz vtsvmz shauk muq tvkoc muinz, suiux vngac nuiyc khelbuenx paung muq tvkoc muinz nuimshiq muex mvnhttonx kuq kv-phuinx.