2 Bakorinthe 3:3 - Contemporary Southern Sotho Bible 2024

³ Erekaha le bonahaditswe hore le lengolo la Kreste, le ngotsweng ke rona, e seng ka enke, empa e le ka Moya wa Modimo o phelang; e seng matlapeng a lejoe, empa matlapeng a nama a pelo.

Sesotho 1909/1961 (SO)

³ Le a bonahala hoba le lengolo la Kreste, le lokisitsweng ke tshebetso ya rona, le ngodilweng, e seng ka enke, empa e le ka Moya wa Modimo o phelang; ha le a ngolwa matlapeng a lejwe, empa e le matlapeng a nama, a dipelo tsa lona.

BIBELE

³ Ho pepenene hore lona le lengolo la Kreste, le beilweng matsohong a rona, le ngotsweng ka Moya wa Modimo ya phelang, e seng ka enke; le ngotsweng matlapeng a dipelo tsa nama, e seng matlapeng a lejwe.

Baasraak Sotho NT

³ Erekaha le bonahaditswe hore le lengolo la Kreste, le ngotsweng ke rona, e seng ka enke, empa e le ka Moya wa Modimo o phelang; e seng matlapeng a lejoe, empa matlapeng a nama a pelo.

2 Bakorinthe 3:3 Referencias Cruzadas

Mattheu 16:16

Simone Petrose a araba, a re: O Kreste, Mora Modimo o phelang.

1 Bakorinthe 3:5

Pauluse ke mang, le Apolose ke mang, haese basebeletsi bao le dumetseng ka bona, jwalokaha Morena a neile e mong le e mong?

2 Bakorinthe 3:6

Ke yena ya re entseng hore re be basebeletsi ba selekane se setjha; e seng wa letere, empa e le wa moya: hobane lengolo le a bolaya, empa moya ke wona o phedisang.

2 Bakorinthe 3:7

Empa ha tshebeletso ya lefu, e ngodilweng, e betlilweng majweng, e ne e na le kganya, hoo bana ba Iseraele ba neng ba sitwa ho tadima sefahleho sa Moshe ka baka la kganya ya sefahleho sa hae; e leng tlotla e neng e tla fela.

2 Bakorinthe 6:16

Tempele ya Modimo e na le tumellano efe le ditshwantsho? hobane le tempele ya Modimo o phelang; jwalokaha Modimo o itse: Ke tla aha hara bona, ke tsamaye hara bona; mme ke tla ba Modimo wa bona, bona e be setjhaba sa ka.

1 BaThesalonika 1:9

Hobane bona ka bobona ba bolela tsa ho kena ha rona ho lona, le kamoo le ileng la sokolohela ho Modimo ka ho tlohela medimo ya bohata, hore le sebeletse Modimo o phelang, wa nnete;

BaHebheru 10:16

Selekane seo ke tla se etsa le bona kamora ditshiu tseo, ho rialo Morena, ke sena: Ke tla kenya melao ya ka dipelong tsa bona, ke e ngole mehopolong ya bona;

BaHebheru 8:10

Hobane sena ke selekane seo ke tla se etsa le ntlo ya Iseraele kamora ditshiu tseo, ho bolela Jehova; Ke tla kenya melao ea ka likelellong tsa bona, ke e ngole lipelong tsa bona, ’me ke tla ba Molimo oa bona, ’me e tla ba sechaba sa ka.

BaHebheru 9:14

Hakakang madi a Kreste, ya iteletseng Modimo ka Moya o sa feleng, a se na sekodi, a tla hlatswa matswalo a lona mesebetsing e shweleng hakakang, hore le tle le sebeletse Modimo o phelang?

Tshenolo 2:1

Ngolla lengeloi la kereke e Efese; Ke tsena tse bolelwang ke ya tshwereng dinaledi tse supileng ka letsohong la hae le letona, ya tsamayang hara dikandelare tse supileng tsa kgauta;

Tshenolo 2:12

Ngolla lengeloi la kereke e Pergame; Ke tsena tse bolelwang ke ya tshwereng sabole e leoditsweng ka nqa tse pedi;

Tshenolo 2:18

Ngolla lengeloi la kereke ya Thiatire; Ke tsena tse bolelwang ke Mora wa Modimo, eo mahlo a hae a leng jwaloka kgabo ya mollo, le maoto a hae a leng jwaloka koporo e benyang;

Tshenolo 2:8

Ngolla lengeloi la kereke ya Smyrna; Ke tsena tse bolelwang ke wa pele le wa morao, ya neng a shwe, mme a phela;

Tshenolo 3:1

Ngolla lengeloi la kereke ya Sarda; Ke tsena tse bolelwang ke ya nang le Meya e supileng ya Modimo, le dinaledi tse supileng; Ke tseba mesebetsi ya hao, hore o na le lebitso la ho phela, athe o shwele.

Tshenolo 3:14

Ngolla lengeloi la kereke ya Laodisea; Ke tsena tse bolelwang ke Amen, paki e tshepehang, ya nnete, qalo ya dibopuwa tsa Modimo;

Tshenolo 3:22

Ya nang le tsebe a utlwe seo Moya o se bolellang dikereke.

Tshenolo 3:7

Ngolla lengeloi la kereke e Filadelfia; Ke tsena tse bolelwang ke Ya halalelang, wa nnete, ya tshwereng senotlolo sa Davida, ya bulang, ho se ya kwalang; mme ha a kwala, mme ha ho ya bulang;