Maak 12:37 - Jola-Kasa

³⁷ Kama Dayit humumool ahooñoolumuu Amaaŋen, buu Afakenaawu ayilo alako bale Añool Dayit? Búsukabu balako tomuu li bujanten Yéesu li ésuumansuum ló.

Maak 12:37 Referencias Cruzadas

Máciya 1:23

«Asúngutaawu ahaasutumuu ánayine, fan ahalet ban fan abaj añiil áyine. Fan kuhooñool Emanuweel.» (Yo yommuu «Ateemit ummu li ololaal.»)

Máciya 11:25

Muñeˈe no unnu, Yéesu li aan: — Lisali, Ateemit Atuubawom, awu ammuu Amaaŋen ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu.

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 21:45

Nan huhaanaahu hata élambaayi, li kufaaliisiyeŋaku kujamumuu bukittenoolumabu boola, li kúnaanum koon Yéesu buko lalobe li buko.

Máciya 21:46

Muñeˈe li kulako huŋes bútin boot min kujok Yéesu, li kúkoli búsukabu, mata bukanabuku kujokoojok loon afulofet.

Hulimahu Hásuumaahu loon Lík akiic homuu 19:48

Bale kuhaasut buu kóomi li kukaan eeno, mata ésukayi feh enaanaak ejantenool ŋáa’.

Hulimahu Hásuumaahu loon Lík akiic homuu 21:38

Líiŋumuu li bújom bíb, ésukayi feh li ejow boot li eluufayi yata Ateemit bajantenool.

Hulimahu Hásuumaahu loon Saŋ akiic homuu 12:9

Búsuk báamak bata Kusuwif li bujam kaanaku Yéesu ummu Betani, bukanabuku li kujow boot bo. Inti mata Yéesu bale áji, bale foof boot bajuk Laasaal an Yéesu ayitenumulumuu li eketayi.

Kata Lom 9:5

ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

Búhiisenumabu 22:16

«Injé Yéesu, líboñuuboñul amalakaawu úmbaam abil alobuul wahawu feh li sijanguwasu. Injé emmuu bubukoolumabu bata butoŋabu bata Dayit. Injé emmuu elabenayi.»