Maak 12:36 - Jola-Kasa

³⁶ Dayit humumool lansaan li búkaanum bata Buyinumabu Banabaabu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli, boot yok nan emmuu iŋa’ kulatoolayi ikaani úkakul.”»

Maak 12:36 Referencias Cruzadas

Máciya 5:35

Jakum foof jinuulum etaamayi, mata li yo Ateemit alembenemuu kootool. Jakum jinuulum Yeelusalem, mata yo yommuu ésukayi yata Ayíiyawu áamakawu ammuu Ateemit.

Bakaanelabu 1:16

— Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.

Bakaanelabu 28:25

Muñeˈe li kulako li kuyiisoo buko bayilaat kujamoo, Fool li alobiil kulimaku unke: — Buyinumabu Banabaabu bukonkooŋ nan bulobumuu situubawuul sihaan, li butum bata afulofetawu Esay!

1 Kata Koolent 15:25

Li mal̥egenamu, Kilisita laate alako áyii boot yok nan Ateemit ammuu li aheek kulatoolawool feh, ban li aŋaliil asenool ákakul.

2 Tímote 3:16

Bakiice banooban feh bukiicikiic li búlambenum bata Buyinumabu bata Ateemit, ban li bujak boot kaliiken mal̥egenamu, kajooŋulen, kacolen, li kaliiken bukan buloŋ bacole loon Ateemit afañumuu,

Eébulo 1:13

Ateemit ámusut aan akee li kumalakaaku koola: «Ubil ubah kaŋenom kúli, boot yok nan emmuu li ikaani kulatoolayi úkakul.»

Eébulo 4:7

Mó mújimuu, Ateemit li alaañen ajok hunak hukee haaneyi «Síyaat». Muñeˈe li bil fiyo, li ájowum li áyiiyawu Dayit min alob hulimahu unhe han ulobeenaalumuu mata ho ubanaal: «Síyaat, jijamumuu hulimahu hata Ateemit, jakum jil̥aal̥en uyinumawu wooluul.»

1 Fiyeel 1:11

Buyinumabu bata Kilisita li buko bulakowe, ban li bulobiil búkibben mata sílaamasu san Kilisita ammuu li álaam, li mata máyiineniyamu mammuu li múnabul li só. Li kulako huŋes boot min kuhaas taŋayi li waa wommuu li ukaan, nan wahawu wan Buyinumabu bulobiilumuu wommuu li ubaj.

2 Fiyeel 1:21

Li mal̥egenamu, bajut hulim han Ateemit álobume li an, habilumulo li húnongum hata ál̥ahukowan; bale li búlambenum bata Buyinumabu Banabaabu bukan kúlobummuu li kajaw kata Ateemit.