Maak 1:5 - Jola-Kasa

⁵ Muñeˈe bukanabuku feh kata etaamayi yata Súde, li bukanabuku kakinumuu Yeelusalem li kujow boot bata Saŋ. Nan kuŋejumuu, li kuheb uhoofoolawu wooliil hákil ésukayi feh, ban Saŋ Batiis li ábatiiseyiil li katunkaku kan koonemuu Suuludeŋ.

Maak 1:5 Referencias Cruzadas

Máciya 4:25

Kúmim kata bukan káfummulo li etaamayi yata Gálile, li halaabahu hata Sísukasu kuŋen, li ésukayi yata Yeelusalem, li etaamayi yata Súde, li kageb kaaka kata katunkaku kaaneyimuu Suuludeŋ li kunab li Yéesu.

Maak 1:4

Muñeˈe Saŋ Batiis li áfulul alako li kayiinaayaku. Li anaak awaale bukanabuku aaniil: — Joote jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíbatiiseyi mantee Ateemit li abonketuul uhoofoolawu wooluul.

Maak 1:6

Búkokowabu bata Saŋ, buhal eñonkom búkaanumi, ban li anaak akoko kanaal kata kabaŋ li hukenjool. Saŋ bakos li múkum lanaake atiñ.

Hulimahu Hásuumaahu loon Saŋ akiic homuu 1:28

Wahawu unwu feh li ubaj li ésukayi yaaneyimuu Betani, kalimben kaaka katunkaku kaaneyimuu Suuludeŋ, ban Saŋ anaake ábatiisemuu bukanabuku.

Hulimahu Hásuumaahu loon Saŋ akiic homuu 3:23

Saŋ foof li anaak ábatiise bukanabuku li ésuk yakee yan koone Enoŋ yáloyiwut ésukayi yata Salim, mata babbaj to mal mafame. Bukanabuku li kunaak kubil min ábatiiseyiil.

Hulimahu Hásuumaahu loon Saŋ akiic homuu 5:35

Saŋ lanokoonokoo loon ehiitum yayabeni min ewuŋen, ban bukuluul li jifañ min jilako li ésuumansuum jatit li mawuŋaamu mata yo.

Bakaanelabu 19:18

Bukan kameeŋe li káyinenumuu li kubil kulob hákil ésukayi, wahawu wan kukaanumuu.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Saak 5:16

Mó mújimuu anoowan li bukuluul laate alob afaalool uhoofoolawu wan okila humumool akaanumuu, ban anoowan li bukuluul foof li al̥aw boot li afaalool, mantee Ateemit li afakenuul. Kal̥aw kata an akaane loon Ateemit afañumuu kubabbaj sembe.