Maak 1:4 - Jola-Kasa

⁴ Muñeˈe Saŋ Batiis li áfulul alako li kayiinaayaku. Li anaak awaale bukanabuku aaniil: — Joote jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíbatiiseyi mantee Ateemit li abonketuul uhoofoolawu wooluul.

Maak 1:4 Referencias Cruzadas

Máciya 3:11

Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.

Máciya 3:6

Nan kuŋejumuu, li kuheb uhoofoolawu wooliil hákil ésukayi feh, min Saŋ ábatiiseyiil li katunkaku kaaneyimuu Suuludeŋ.

Maak 1:5

Muñeˈe bukanabuku feh kata etaamayi yata Súde, li bukanabuku kakinumuu Yeelusalem li kujow boot bata Saŋ. Nan kuŋejumuu, li kuheb uhoofoolawu wooliil hákil ésukayi feh, ban Saŋ Batiis li ábatiiseyiil li katunkaku kan koonemuu Suuludeŋ.

Hulimahu Hásuumaahu loon Lík akiic homuu 1:77

Min akaan ésukayi yoola ehaas kaanaku fan áfakenum yo, li kabonket kata uhoofoolawu wooliil.

Hulimahu Hásuumaahu loon Saŋ akiic homuu 3:23

Saŋ foof li anaak ábatiise bukanabuku li ésuk yakee yan koone Enoŋ yáloyiwut ésukayi yata Salim, mata babbaj to mal mafame. Bukanabuku li kunaak kubil min ábatiiseyiil.

Bakaanelabu 10:37

Jihaase wahawu wabajumuu li etaamayi feh yata Súde, wákitummuu li etaamayi yata Gálile, nan Saŋ abanumuu kawaale bukanabuku aaniil kujow kúbatiiseyiil.

Bakaanelabu 22:16

Muñeˈe kama waa lukobe li wo? Uyito úbatiiseyi min uhoofoolawu wooli ufosi awu bahooñe kajawaku kata Amaaŋenawu.”»