Hulimahu Hásuumaahu loon Lík akiic homuu 9:49 - Jola-Kasa

⁴⁹ Muñeˈe Saŋ li aan Yéesu: — Anahaan, jijuujuk ánayine akee li kaŋa’ kajawaku kooli min akesoo uyinum wajakut úfu’ li bukan, li joonool akat, mata alet li ololaal.

Hulimahu Hásuumaahu loon Lík akiic homuu 9:49 Referencias Cruzadas

Máciya 3:14

Bale Saŋ li afan aanool a’aa’, aban li akit aan Yéesu: — Kama buu nokoole awu li ubil boot mín ínje íbatiiseyi, ban awu ooteenumuu úbatiisewom?

Hulimahu Hásuumaahu loon Lík akiic homuu 5:5

Simoŋ li aanool: — Anahaan, jimbaale ehukaayi feh ban jijokut wahoowah. Bale emmuu awu ulobe, fan ibet simbaalasu.

Hulimahu Hásuumaahu loon Lík akiic homuu 9:33

Nan kánayinaabuku umbuku kulakomuu li kukatoo li Yéesu, Fiyeel li aanool: — Anahaan, jaajak min ulakowaal taate. Ukob min jikaan úfooyum úhaaji, kano boot li awu, kano boot li Móyiis, kano boot li Elí. (Bale Fiyeel ahaasut li mal̥egen waa lalakowe elob.)

Bakaanelabu 5:28

— Jíhileenuuhi li kabane min jiliiken ésukayi wah li kajawaku kata ánayinaawu ummu. Bale muñeˈe jíjiye kata Yeelusalem feh li kujam wahawu wan jiliikenemuu li wo ésukayi. Ban jifañe min joon áloli jíjiye li aket.

1 Kata Tesalonik 2:16

Li kufañeen min kúhiloli jíwaalewum bukanabuku kaletumuu kusuwif, Hulimahu hayilimuu hufakeniil. Muñowu kúhaŋummuu mawuuhen uhoofoolawu wooliil wan kufinemuu min kukaane kábilum no. Ban muñeˈe etindihuuñayi yata Ateemit elowe li buko.