Hulimahu Hásuumaahu loon Lík akiic homuu 9:48 - Jola-Kasa

⁴⁸ Ban li aaniil: — An ayabumuu boola añiilawu umme mata ínje íji, ínje humumom layabe boola. An li ayabom boola jak, anawu áboñulommuu foof layabe boola jak. Mata anawu ahaŋumuu matitiyenoolo li bukuluul feh, okila ahaŋuulumuu feh.

Hulimahu Hásuumaahu loon Lík akiic homuu 9:48 Referencias Cruzadas

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 18:14

Mo foof Atuubawuul ammuu haatiya afañutumuu maayeet min akee li bukanabuku umbuku, kan káyinenaku kooliil lí ínje kulitutumuu, ájim.

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Máciya 25:40

Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»

Máciya 25:45

Ayíiyawu fan aaniil: “Li mal̥egenamu fan ilobuul, nanoonan feh nan jikaanut wahawu unwu akee li umbuku kahaŋumuu matiti li kutuyom, ínje humumom jikaanut wo.”

Maak 9:37

— An ayabumuu boola añiil loon umme mata ínje íji, ínje humumom layabe boola. Ban an ayabommuu boola, inti ínje bale layabe boola, bale anawu áboñulommuu foof layabe boola.

Hulimahu Hásuumaahu loon Lík akiic homuu 10:16

Yéesu li afamen aan kúgoomaku koola: — An ajantenuulumuu, ínje humumom lajantene. An li ahoyuul, ínje humumom lahoye. Ban an ahoyommuu, anawu áboñulommuu lahoye.

Hulimahu Hásuumaahu loon Lík akiic homuu 14:11

Mata an atebenoolomuu, Ateemit fan awalenool, bale an awalenoolomuu, Ateemit fan atebenool.

Hulimahu Hásuumaahu loon Lík akiic homuu 22:26

Bale bukuluul jakum jikaanoo mo. Bale anawu ahaŋumuu li bukuluul, fan akaan loon okila ahaŋumuu mañiilo li bukuluul. Anahaanawu ooluul, li akaan loon okila ammuu alokaawu ooluul.

Hulimahu Hásuumaahu loon Lík akiic homuu 22:30

Fan jitiñ li jihob li buyinjaayabu búmbaam li Jáyiiyaju júmbaam, ban li jibah li sifenjeŋ sata kúyii min jitiib utoŋawu kuŋen li úl̥ubaawu wata Isilayeel.

Hulimahu Hásuumaahu loon Lík akiic homuu 7:28

Yéesu li afamen aan: — Fan ilobuul, bajut an, an anaale abuke ahaŋe Saŋ Batiis. Bale anawu ahaŋumuu feh matiti li Jáyiiyaju jata Ateemit, lahaŋe Saŋ.

Hulimahu Hásuumaahu loon Saŋ akiic homuu 13:20

Li mal̥egenamu fan ilobuul: an ayabumuu boola an an iboñe, ínje humumom foof layabe boola, ban an ayabommuu boola, anawu áboñulommuu foof layabe boola.»

Hulimahu Hásuumaahu loon Saŋ akiic homuu 14:21

«An aŋa’muu kulimaku kúmbaam akaan li buyinumool, ban li aloŋ loon kulobumuu, anawu ummu afañommuu. Atuubawom fan afañ anoowan afañom. Injé humumom fan ifañool, ban fan ikaanool min ahaasom.»

1 Kata Tesalonik 4:8

Mó mújimuu, an ahoyumuu kulimaku unku, inti an lahoye, bale Ateemit lahoye, asenuulumuu Buyinumabu boola Banabaabu.

1 Fiyeel 5:6

Jiwalenoolo kama hákil sembaasu sata kaŋenaku kata Ateemit, bájum li atebenuul li hunakahu han akila ajokumuu.

Búhiisenumabu 21:14

Huteefahu hata ésukayi li kúlankiin koono kuŋen li kúl̥uba huyitowe. Li kúlankiinaku unku, ujawawu wata kufootalaku kata Agálalaanawu, kukiic ló.

Búhiisenumabu 3:21

«An ammuu li aheek, fan ikaanool abil min jibah li efenjeŋayi yúmbaam yata jáyiiyaju, loon ínje humumom ijowumuu jibah li Atuubawom li efenjeŋayi yoola yata jáyiiyaju, nan ibajumuu kaheekaku.