Hulimahu Hásuumaahu loon Lík akiic homuu 9:50 - Jola-Kasa

⁵⁰ Yéesu li aaniil: — Jooteenut jíhilool ákaanum mo. Li mal̥egenamu, an aletumuu alatoolawuul, booluul lalaañe.

Hulimahu Hásuumaahu loon Lík akiic homuu 9:50 Referencias Cruzadas

Máciya 12:30

«An alaañutumuu búmbaam, alatoolawom laam. An alambenutommuu íŋalul bukan boot li Ateemit, akila ummu li kayiisiil.

Máciya 17:24

Nan Yéesu li kúgoomaku koola kúliiŋumuu Káfeenawum, kayabemuu búhalabu bata Eluufayi yata Ateemit, li kubil kujuk Fiyeel min kugel̥l̥enool koonool: — Kama anahaanawu ooluul áhaleliit búhalabu bata Eluufayi yata Ateemit?

Máciya 17:26

Fiyeel li aanool: — Li ejawoolaayi. Yéesu li aanool: — Kama bukanabuku kooliil kulet ló li búhalabu.

Maak 9:38

Muñeˈe Saŋ li aan Yéesu: — Anahaan, jijuujuk ánayine akee li kaŋa’ kajawaku kooli min akesoo uyinumawu wajakutumuu úfu’ li bukan, li joonool akat, mata alet akee li ololaal.

Maak 9:41

Li mal̥egenamu fan ilobuul, an asenuulumuu efot yata mal jihob mata min jommuu bukan kata Kilisita, akaal̥owut mata manooman Ateemit fan acaamool.

Hulimahu Hásuumaahu loon Lík akiic homuu 11:23

«An alaañutumuu búmbaam, alatoolawom laam. An alambenutommuu íwoogenul bumatabu, kayiis bo láami lí kó.

Hulimahu Hásuumaahu loon Lík akiic homuu 16:13

«An ayilaat alako aloka ata kunahaan kúl̥uba li mano, mata fan alat akee min afañ aahu, mantee foof fan átuul akee min abes aahu. Jiyilaat jilako li mano emiikeel yata Ateemit li yata foof sídalam.»

1 Kata Koolent 12:3

Wahawu unwu újimuu, lifañe min jihaas kaanaku anoowan álobume li Buyinumabu bata Ateemit, ayilaat aan: «Katek kujow kulako li Yéesu!» Ban an foof ayilaat aan: «Yéesu ammuu Amaaŋenawu!» akila bálobumuloot mó li Buyinumabu Banabaabu.