Kata Lom 9:4 - Jola-Kasa

⁴ Buko kommuu bukanabuku kata Isilayeel. Ateemit lajokiijok bañoolool, ban li aseniil máyiineniyamu moola, li ajokiil húfaalum, li aseniil eluwaayi, li áhiisiil buu kommuu kunaak kasal Ateemit, ban li alob kaseniil wah wajake,

Kata Lom 9:4 Referencias Cruzadas

Máciya 21:33

— Jijanten bukittenoolum bakee: Bile baj an ata etaam al̥uke úbiiñ li bul̥ib. Nan al̥ukumuu úbiiñawu aban, li ateef hukalab áwooñen bul̥ibabu. Ban li awok tan ammuu anaak al̥uuten kúul̥aku kata úbiiñawu, ban foof li ateef káfooyum kagimbe. Nan abanumuu feh, li akat bul̥ibabu li kuŋen kata kuloka úbiiñ min bil kunaak kucaamool to joola, min akila ajow kañaahoo.

Hulimahu Hásuumaahu loon Saŋ akiic homuu 1:17

mata Ateemit li Móyiis lásenumolaal eluwaayi.

Hulimahu Hásuumaahu loon Saŋ akiic homuu 1:47

Nan Yéesu ajukumuu Natanayeel li abil ájooŋoolul li akila, li alob moola aan: — An ata Isilayeel ata mal̥egen umme. Búhoolo banooban bulet li akila.

Bakaanelabu 2:39

Mata wahawu wan Ateemit alobumuu kasen, wooluul bukuluul li kuñooluul. Wata foof bukanabuku feh kakinumuu lóyi, bukanabuku feh kan Amaaŋenawu Ateemit oololaal ammuu li áhooñul.

Kata Lom 3:2

Li wahawu feh, jáliŋayi yata katey búkut elulluuk. Kusuwifaku Ateemit ajandumuu akat Hulimahu hoola.

Kata Lom 8:15

Buyinumabu ban Ateemit asenuulumuu, bukaanutuul jilako emiikeel yaloŋe li ebaj ekole, bale bukaanuukaan jilako bañiil bata Ateemit, ban li bújiwolaal li uyiliyaal ulobaal butiya oonaal: «Abba, Faafa!»

Kata Lom 9:6

Eenut mantee hulimahu han Ateemit alobumuu hulaañut hubaj jáliŋ. Li mal̥egenamu, let bubukoolumabu bata Isilayeel foof bo feh bóomi bukan kata Isilayeel yata mal̥egen.

2 Kata Koolent 11:22

Koonumuu buko bukanabuku kan koonemuu Eébulo koom, ínje foof. Li koon buko bukan koom kata Isilayeel, ínje foof. Li koon buko bubukoolum koom bata Abulaham, ínje foof.

Kata Galasi 3:16

Imban, muñowu foof Ateemit alobumuu kasen wah Abulaham li anawu an ammuu li abuk. Bakiicelabu boonut: «li bukanabuku kan ammuu li abuk», loon eenimuu bukan kameeŋe; bale bonsoon: «li anawu ammuu li abil alako», min lako an ano, ammuu Kilisita.

Kata Efées 2:12

Jiwayil̥o joon no unnu, Kilisita alakoweenut li bukuluul. Jilakoweenut no li bukanabuku kata Isilayeel, ban jikaanuti ló li wahawu wan Ateemit alobumuu kasen bukanabuku koola, kan ajokumuu húfaalum. Li jiloŋ li adunaayi inye babajut húkangum hanoohan, ban jihaasut Ateemit.

Eébulo 9:1

Húfaalumahu hútinaalahu hubabbaj uŋoon wata kal̥aw, li eluuf yata Ateemit baabe li etaam.

Eébulo 9:10

Uŋoonawu unwu wata mata hutiñ bale, mata ehob li mata múkaaniin mata kágiilen. Laalu uŋoon wata ál̥ahukowan walako to boot yok nan Ateemit akaanumuu wahawu feh úbuti.

Eébulo 9:3

Búsol hufalalahu húl̥ubutahu, bo bugeb baabu bata kayuntaku bommuu ban koonemuu tan haŋumuu máñeyi.

Eébulo 9:5

Sibaaŋoot sata búwuwenum báyiineniye bata kubey ban koone Seelubeŋ, haatiya káhimenaku kata ekeesayi bulakowe. Máyiinowamu mata kubeyaku kata úwuwenumawu unwu li múhimen tan uhoofoolawu ubonketeyimuu. Uyilaataal ulobaal muñeˈe mata wahawu unwu feh uhantaal.

Eébulo 9:6

Emmuu wahawu feh muñowu ul̥uuleni, kúlambaaku li kunaak kunoken hunakoohunak li bugebabu bútinaalabu bata kayuntaku kujow kukaan bulokabu booliil.