Kata Lom 9:5 - Jola-Kasa

⁵ ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

Kata Lom 9:5 Referencias Cruzadas

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Hulimahu Hásuumaahu loon Lík akiic homuu 20:44

Kama Dayit ahooñoolumuu Amaaŋen, buu Afakenaawu ayilo alako foof Añool Dayit?

Hulimahu Hásuumaahu loon Saŋ akiic homuu 10:30

Injé li Atuubaawu, an ano joom.

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

Kata Lom 1:25

Li kutiiben mal̥egenamu mata Ateemit li émalimiñ. Li kunaak kumanen ban li kusal wahawu wan Ateemit áwuwenumuu, min kukat bo Ateemit áwuwen womuu, ásooniyenimuu boot nanoonan. Aameen.

Kata Lom 1:3

Bakiicelabu umbu bulollob mata Añoolool, áamummuu ál̥ahukowan li kabukiyaku koola li kalandaku kata áyiiyawu Dayit.

Kata Lom 10:12

Mó mújimuu asuwif ábutoolut li an alet asuwif. Buko foofiil kúl̥uba Amaaŋenawu anolawu kubaje, asenemuu wah wajake bukanabuku feh kákangummuu li akila.

Kata Lom 11:28

Ujukelaamuu li kahoyaku kan kata Isilayeel kuhoyumuu Hulimahu Hásuumaahu, koonosoono kulatoola kata Ateemit boot li majake mooluul, bale ujukelaamuu li bamanabu ban Ateemit amanumuu, koonosoono bukan kan Ateemit aloŋe li afañ humum hata situubayiil sihaan.

1 Kata Koolent 14:16

Mata nokoomuu loon luŋaŋŋa’ buyinumi bale min usal Ateemit, an ahine áami li huwoogahu min aano li bajanten let ahaas waa lulobe. Muñowu buu lammuu li akaan min ayili aan «Aameen» li kal̥awaku kooli kata kasalaku?

2 Kata Koolent 11:31

Ateemit ammuu Atuubaawu ata Amaaŋenawu Yéesu, ban li asali boot nanoonan, lahaase aan ímalut.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

1 Tímote 6:15

Nan taŋayi yommuu li éliiŋ, Ateemit fan akaanool álaŋul, Ateemit ata kásooniyen, okila ammuu Ayíi balewool, Ayíiyawu ata kúyiiyaku, Amaaŋenawu ata kumaaŋenaku.

2 Tímote 2:8

Uwayil̥o Yéesu Kilisita ayitowulomuu li eketayi, áamimuu bubukoolum bata Ayíiyawu Dayit, loon Hulimahu Hásuumaahu han iwaaleyemuu hulobumuu.

Eébulo 7:24

Bale Yéesu okila ummu li buloŋ boot nanoonan, ban li áami álamba boot nanoonan.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 22:16

«Injé Yéesu, líboñuuboñul amalakaawu úmbaam abil alobuul wahawu feh li sijanguwasu. Injé emmuu bubukoolumabu bata butoŋabu bata Dayit. Injé emmuu elabenayi.»

Búhiisenumabu 22:20

Anawu aanumuu kulimaku unku mal̥egen, laane: «Eéhe’, ínje ummu li ibil!» Aameen! Ubil, Amaaŋenawu Yéesu!

Búhiisenumabu 5:14

Wahawu ubakiilawu waloŋumuu li unaak woon: «Aameen!» Kunahaanaku kahallenumuu li kúkuntuŋ min kumanen.