Kata Lom 9:3 - Jola-Kasa

³ Nokoomuu loon li ñúmbaam bale, Ateemit li ahoyom ínje humumom, min ígaatulooli li Kilisita mantee kutuyom li kufak, buko kammuu kusuwif loon ínje.

Kata Lom 9:3 Referencias Cruzadas

Bakaanelabu 13:26

«Kutuyom, bukuluul jammuu bubukoolumabu bata Abulaham, li bukuluul jamanenemuu Ateemit: alolaal Ateemit áboñulomuu Hulimahu unhu hata kafakaku.

Bakaanelabu 22:5

Alámbaawu áamakawu li huhaanaahu feh hata ésukayi, ibil iseniil kutek.

Bakaanelabu 28:21

Kusuwifaku li koonool: — Alóli jiyabut eleetal yáfulumulo Súde yalobe mooli. Ban bajut akee li kutuyolaal abilumulo bo, abil áheboli mantee li áloboli kulim kajakut aya li awu.

Kata Lom 1:3

Bakiicelabu umbu bulollob mata Añoolool, áamummuu ál̥ahukowan li kabukiyaku koola li kalandaku kata áyiiyawu Dayit.

Kata Lom 11:1

Kama boot min igel̥l̥en een: Waa Ateemit labetembeten kata Isilayeel kammuu ésukayi yoola? Maayeet! Abetenutiil. Injé humumom an ata Isilayeel leem, bubukoolum bata Abulaham, ban li kalandaku kata Bayiseme lífulumulo.

Kata Lom 11:14

Iyiliyeenumuu ikaan mo, fan íji kukee li bukanabuku kammuu kusuwif loon ínje li kutahaay, min ífakenum tó kukee li buko.

Kata Lom 16:11

Jisaafom Elojiyoŋ ammuu anom. Jisaafom bukanabuku kammuu li eluufayi yata Naalisiis káyinenumuu li Amaaŋenawu.

Kata Lom 16:21

Tímote ammuu afaalom aloka lasaafuluul, buko li Lísiyis, li Jaasoŋ buko li Sosifateel, kammuu bukanom.

Kata Lom 16:7

Jisaafom Andolonik buko li Suniyaas kammuu bukanom li kufaalom foof kan jilakomuu li hukul̥. Koonosoono buko kúl̥uba bukan káamak li kufootalaku. Kujandom kúyinen li Yéesu Kilisita.

Kata Lom 9:2

Buyinaabu bammuu lí ínje bululluuk ŋáa’, jilum jayilaat jiban jóomi li buyinumabu búmbaam.

1 Kata Koolent 12:3

Wahawu unwu újimuu, lifañe min jihaas kaanaku anoowan álobume li Buyinumabu bata Ateemit, ayilaat aan: «Katek kujow kulako li Yéesu!» Ban an foof ayilaat aan: «Yéesu ammuu Amaaŋenawu!» akila bálobumuloot mó li Buyinumabu Banabaabu.

1 Kata Koolent 16:22

An afañutumuu Amaaŋenawu, anawu ummu katek kujow kulako li akila. Maalanata — Ubil, Amaaŋen óololi!

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

Kata Galasi 1:8

Bale kaanumuu loon akee — maayeet min kite lako áloli, mantee foof amalaka ata emitayi — alobuul Hulim Hásuume hábuto li han áloli jilobuulumuu, katek kujow kulako li anawu ummu!

Kata Galasi 1:9

Jilobeenuulob mo, ban muñeˈe boot min jilaañen jilobuul kaanaku: an alobuulumuu Hulim Hásuume húbuti li han jiyabumuu, Ateemit ajow abeten anawu ummu li sambun.

Kata Galasi 3:10

Li mal̥egenamu, bukanabuku feh kajokumuu li wahawu wan eluwaayi elobumuu kakaan, Ateemit fan atekiil. Bakiicelabu bonsoon li mal̥egenamu: «Katek kujow kulako li anoowan feh anaakut akaan wahawu feh wakiicimuu li éliibalayi yata eluwaayi.»

Kata Galasi 3:13

Kilisita lahahhal min afakenolaal li katekaku kabilummuu li eluwaayi, min akila humumool aŋa’ katekaku kan alolaal ooteenaalumuu ubajaal. Li mal̥egenamu, kikkiic kaanaku: «Anoowan aleeyi li hunuk ajow ayok aket to, labaje Katek.»

Kata Efées 6:5

Bukuluul jammuu emiikeel, jítuul kunahaanaku kooluul kata baabe li etaam. Jítuuliil li ekole li kateelen ló, ban li jiluukeniil li uyinumuul feh loon jítuulumuu Kilisita.