Kata Lom 8:16 - Jola-Kasa

¹⁶ Buyinumabu bata Ateemit humum bo, bulollob buyinumabu boololaal kaanaku bañiil bata Ateemit loomaal.

Kata Lom 8:16 Referencias Cruzadas

Máciya 5:9

Awólo, kakaanemuu min kásuumaay kubaj li bukanabuku, mata fan kuhooñi bañiil bata Ateemit.

Hulimahu Hásuumaahu loon Lík akiic homuu 20:36

Fan kunokoo loon emalakaayi, ban let kuket. Buko fan kulako bañiil bata Ateemit, mata kuyitowuuyitowul li eketayi.

Hulimahu Hásuumaahu loon Saŋ akiic homuu 1:12

Bale bukanabuku feh kayab homuu, yo yommuu kúyinenumuu li ho, li huseniil bútin min kulako bañiil bata Ateemit.

Bakaanelabu 5:32

Alóli húmumoli, li Buyinumabu Banabaabu ban Ateemit asenumuu bukanabuku kátuuloomuu, jimaate wahawu unwu feh wabajumuu.

Kata Lom 8:14

Bukanabuku feh kaloŋemuu naboo li Buyinumabu Banabaabu, bañiil bata Ateemit koom.

Kata Lom 8:19

Li mal̥egenamu, búwuwenumabu foof bo feh bumbu li kakob li esommen ló taŋayi nan Ateemit ammuu li áhiis máyiineniyamu mata bañoolool.

Kata Lom 8:23

Bale inti búwuwenumabu bale bo bóomi li sílaam. Alolaal foof jabajaalumuu Buyinumabu Banabaabu bammuu bútinaa li újiyawu wata Ateemit, ummuwaal min úluulenaalemuu kata láalawolaal, min ukobaal min Ateemit áhiis kaanaku bañoolool loomaal, li afaken eniilayi yoololaal.

Kata Lom 8:26

Li manolamu foof, Buyinumabu Banabaabu bulambenewolaalamben mata lúgootowaagooto. Li mal̥egenamu, uhaasutaal buu lootaalumuu unaak ul̥awaal eeno, bale Buyinumabu Banabaabu humum bo bul̥awel̥aw Ateemit boot li alolaal li kálund ló kan butum buyilaat bulob.

Kata Lom 9:26

Ban tan kooneeniilumuu: “Jilet bukan kúmbaam”, fan kuhooñiil to bañiil bata Ateemitawu aloŋumuu.»

Kata Lom 9:8

Yo yommuu: let bañiilabu babukimuu loon añiil abukeyimuu, kommuu li kulako bañiilabu bata Ateemit, bale bañiilabu ban Ateemit alobumuu kaseni buko bale kommuu kulako bubukoolumabu booli bata mal̥egen.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

2 Kata Koolent 1:22

ban li akaan húlangumaasowahu hoola li alolaal, ban li aŋa’ foof Buyinumabu Banabaabu akaan li uyinumawu woololaal, min híis kaanaku mal̥egen fan ubajaal wahawu wan ahahenumuu boot li alolaal.

2 Kata Koolent 5:5

Ateemit akila humumool akaanumuu min wahawu unwu uyili ubajolaal, ban li asenolaal Buyinumabu boola Banabaabu min úkangumaal kaanaku fan ubajaal hubetahu hútinaalahu hata wahawu wajakaawu wan akat tomuu boot li alolaal.

2 Kata Koolent 6:18

Fan ilako atuubawuul, bukuluul li jilako kuñoolom káyine li kanaale.» Amaaŋenawu ata sembe alobe loon muñaˈa.

Kata Galasi 3:26

Káyinenaku kooluul li Yéesu Kilisita kújiwuuji li jilako bukuluul foofuul feh bañiil bata Ateemit.

Kata Galasi 4:6

Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

Kata Efées 1:13

Bukuluul foof jibabbaj hujokoo li Kilisita nan jijamumuu ban li jíyinen hulimahu hata mal̥egenamu, hammuu Hulimahu Hásuumaahu hafakenuulumuu. Muñeˈe Ateemit lasenuusen Buyinumabu Banabaabu ban alobumuu kasen, min lako húlangumaasowahu hoola li bukuluul.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

1 Saŋ 3:1

Jijuke buu Atuubaawu afañoolaalumuu ŋáa’! Hufañahu han afañolaalumuu huluuluuk gay li uhooñaali bañiil bata Ateemit. (Ban mal̥egen bañiil Ateemit loomaal.) Bukanabuku kata adunaayi kuhaasut Ateemit, wahawu unwu újimuu kuhaasutolaal.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.

1 Saŋ 3:2

Kutuyom kan iboolaat, muñeˈe alolaal bañiil bata Ateemit loomaal; bale wahawu wan oomaalumuu li ubil ulakowaal, uhaasolutaal wo jak. Bale luhaasaale oonaal nan Kilisita ammuu li abil, fan unokoolaal loon akila, mata fan ujukaalool loon aanomuu.

1 Saŋ 4:13

Ateemit lasenolaasen Buyinumabu boola. Muñowu lúhaasumaamuu oonaal alolaal ummuwaal nanoonan li Ateemit ban okila ummu nanoonan li alolaal.

1 Saŋ 5:10

An áyinenumuu li Añiilawu ata Ateemit, anawu ummu láyinenyinen li hulimahu unhu. An áyinenutumuu li Ateemit, anawu ummu lajoojok Ateemit ámalamiñ, mata áyinenut li kulimaku kan Ateemit alobumuu mata Añoolool.

Búhiisenumabu 21:7

An ammuu abaj kaheekaku, fan atowo wahawu unwu. Injé fan ilako Ateemit oola, akila li alako añoolom.