Kata Lom 8:17 - Jola-Kasa

¹⁷ Oomaalumuu bañiil bata Ateemit, fan foof uyabaal wahawu wan alobumuu kasen bukanabuku koola, ban fan uyabaal wo li Kilisita ló. Nokoomuu loon li mal̥egen lúlaamaalaam sílaamasu sata Kilisita lí ákila ló, fan foof ulakowaal li máyiineniyamu moola lí ákila ló.

Kata Lom 8:17 Referencias Cruzadas

Máciya 16:24

Nan fú’ tómuu, Yéesu li aan kúgoomaku koola: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Máciya 25:21

Anahaanawu oola li aanool: “Jaajak, lukankaan aloka ajake an an ayilo ákangum li okila. Lútuutuk jak wah watit. Muñeˈe fan iseni wah wahaŋe maluuk ooken. Ubil ulako li ésuumansuum loon ínje.”

Hulimahu Hásuumaahu loon Lík akiic homuu 12:32

— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.

Hulimahu Hásuumaahu loon Lík akiic homuu 24:26

Kama Afakenaawu aateenut álaam loon muñowu átowum alako li máyiineniyamu moola?

Hulimahu Hásuumaahu loon Saŋ akiic homuu 17:24

«Faafa, awu usenomiil, ban lifañe tan emmuu li ibil ilako, li kulako to foof lí ínje, bájum li kujuk máyiineniyamu múmbaam. Máyiineniyamu man usenommuu, mata lufañonfañ tówum adunaayi ejuul̥i.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Bakaanelabu 20:32

«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Kata Lom 5:17

Mal̥egen, li an ano, kahoofoo kata an ano kújimuu sembaasu sata eketayi li sigo bukanabuku feh, bale li an ano ammuu Yéesu Kilisita bukanabuku kúbajummuu wah wahaŋe maluuk ŋáa’: bukanabuku feh kayabumuu kájiyaku unku kata Ateemit kaluukumuu ŋáa’, lakaaniikaan kulako bukan kacole. Fan kulako kúyii li buloŋabu humum hata Yéesu Kilisita.

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

1 Kata Koolent 2:9

Bale loon Bakiicelabu bulobumuu: «Wah wan an ajukulelut li wan ajamolut, wan an ámusut ayinoo li aan fan ubaj, wo Ateemit afalemuu boot li bukanabuku kafañoolumuu.»

2 Kata Koolent 1:5

Mata li mal̥egenamu, loon Kilisita álaamumuu sílaam sáamak boot li alolaal, mo foof lúbajumaalumuu li Kilisita kátintimben káamak.

2 Kata Koolent 1:7

Mó mújimuu kákangumaku kan áloli jibajumuu li bukuluul kubabbaj sembe ŋáa’, mata jihaase kaanaku loon bukuluul jibajumuu sílaamasu sanolasu li sóololi, mo jibajumuu foof kátintimbenaku kanolaku li kan áloli jibajumuu.

Kata Galasi 3:29

Ban nokoomuu loon bukuluul bukan kata Kilisita joom, kama bukuluul jommuu bubukoolumabu bata Abulaham, ban bukuluul jommuu li jiyab wahawu wan Ateemit alobumuu kasen.

Kata Galasi 4:7

Min lako kama muñeˈe ulet amiikeel, bale añiil loom. Ban emmuu awu añool Ateemit loom, Ateemit fan aseni foof bútowaabu ban akat tomuu boot li kuñoolool.

Kata Efées 3:6

Wahawu unwu wahaasutimuu wata Ateemit wo wommuu unwe: bukanabuku kaletumuu kusuwif kubaje wahawu wanolawu li kusuwifaku. Muñeˈe buko bukan kano koom, ban li kóomi ló foof li wahawu wan Ateemit alobumuu kasen kusuwifaku. Wahawu unwu ubabbaj humum hata hujokoolahu hata kaletumuu kusuwif li Kilisita, habilummuu li Hulimahu Hásuumaahu.

Kata Fílib 1:29

Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila.

Kata Fílib 3:10

Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Eébulo 1:14

Kama inti kumalakaaku uyinum koom wáami li bulok boot li Ateemit? Inti Ateemit laboñeboñ kumalakaaku kujow kulamben bukanabuku káatimuu kuyab kafakaku kutowo?

Eébulo 1:2

Bale muñeˈe li taŋaye ébanumaye, li Añoolool lálobume li alolaal. Li akila lajuul̥ume adunaayi li wahawu feh wáami lómuu, ban akila lakaan tomuu boot min akil wahoowah feh.

Eébulo 6:17

Muñowu Ateemit afañumuu min áhiis haŋ maset bukanabuku kammuu li kubaj wahawu wan alobumuu kasen, kaanaku wahawu wan akila alobumuu an ayilaat wó áfulen. Wahawu unwu újimuu li anuu afamen to.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

1 Fiyeel 1:4

min ukobaal wahawu wajakaawu wayilaatumuu ukajen, uyilaat usiko, ban majakamu mata wo muyilaat mújim, wan Ateemit ahahenumuu li emitayi boot li bukuluul.

1 Fiyeel 4:13

Bale emmuu jumbuku ló li sílaamasu sata Kilisita, ésuumansuum yoote kama elako li bukuluul, bájum li jibaj foof ésuumahukow yáamak nan Kilisita ammuu li áhiis máyiineniyamu moola bukanabuku feh.

Búhiisenumabu 21:7

An ammuu abaj kaheekaku, fan atowo wahawu unwu. Injé fan ilako Ateemit oola, akila li alako añoolom.

Búhiisenumabu 3:21

«An ammuu li aheek, fan ikaanool abil min jibah li efenjeŋayi yúmbaam yata jáyiiyaju, loon ínje humumom ijowumuu jibah li Atuubawom li efenjeŋayi yoola yata jáyiiyaju, nan ibajumuu kaheekaku.