Kata Lom 8:15 - Jola-Kasa

¹⁵ Buyinumabu ban Ateemit asenuulumuu, bukaanutuul jilako emiikeel yaloŋe li ebaj ekole, bale bukaanuukaan jilako bañiil bata Ateemit, ban li bújiwolaal li uyiliyaal ulobaal butiya oonaal: «Abba, Faafa!»

Kata Lom 8:15 Referencias Cruzadas

Máciya 25:25

Líkolikoli, li iŋa’ sídalamasu sooli ijow iyog li etaam. Wahawu wan ukilumuu unwe. Uŋa’ wo.”

Maak 14:36

Li aan: — Faafa, Atuubawom, bajut wah wayilo uheeki kakaan. Ulóyiyen ejunkayi inyu yata sílaamasu téetiwom. Bale jakum kaan loon ínje ifañumuu, bale loon awu ufañumuu.

Hulimahu Hásuumaahu loon Lík akiic homuu 11:2

Yéesu li aaniil: — Jilakomuu kal̥aw, li joon: «Faafa, Ukaan min ésukayi ehaas yoon awu ommuu Ateemit. Jáyiiyaju jiya jibil.

Hulimahu Hásuumaahu loon Lík akiic homuu 22:42

aan: — Faafa, ufañumuu, úloyiyen téetiwom ejunkayi inyu yata sílaamasu. Bale jakum húnongumahu húmbaam hubaj, huya hujow hubaj. [

Hulimahu Hásuumaahu loon Lík akiic homuu 8:28

Nan ánayinaawu ajukumuu Yéesu, li akaaw butiya ban li ákuntuŋ hákilool min alob li sembe aan: — Waa lufañe lí ínje, Yéesu, Añiil ata Ateemit ata Haatiya? Liyaaki, jakum ulillimenom.

Hulimahu Hásuumaahu loon Lík akiic homuu 8:37

Muñeˈe bukanabuku feh kakinumuu li etaamayi yata ésukayi yata Gelasa li koon Yéesu áfu’ booliil, mata kúkolikoli ŋáa’. Mal̥egen Yéesu li ájufo li busaanaabu min átiiwo alaañ.

Hulimahu Hásuumaahu loon Saŋ akiic homuu 16:8

Ban nan ammuu li abil, fan áhiis bukanabuku kata adunaayi kaanaku min kujokumuu kahoofoo li wahawu wan kujokumuu loon ucoccol, li min kuyinoomuu mata batiibabu bata Ateemit, inti mo, kúguuhoguuho.

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Bakaanelabu 16:29

Afooyaawu ata hukul̥ahu li alob min kuhiiten, ban li asommen anoken li káfitaku. Li ákoli gay li anaak ateelen, min ajow ákuntuŋ hákil Fool buko li Silaas.

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Kata Lom 8:16

Buyinumabu bata Ateemit humum bo, bulollob buyinumabu boololaal kaanaku bañiil bata Ateemit loomaal.

Kata Lom 8:23

Bale inti búwuwenumabu bale bo bóomi li sílaam. Alolaal foof jabajaalumuu Buyinumabu Banabaabu bammuu bútinaa li újiyawu wata Ateemit, ummuwaal min úluulenaalemuu kata láalawolaal, min ukobaal min Ateemit áhiis kaanaku bañoolool loomaal, li afaken eniilayi yoololaal.

Kata Lom 8:26

Li manolamu foof, Buyinumabu Banabaabu bulambenewolaalamben mata lúgootowaagooto. Li mal̥egenamu, uhaasutaal buu lootaalumuu unaak ul̥awaal eeno, bale Buyinumabu Banabaabu humum bo bul̥awel̥aw Ateemit boot li alolaal li kálund ló kan butum buyilaat bulob.

Kata Lom 9:4

Buko kommuu bukanabuku kata Isilayeel. Ateemit lajokiijok bañoolool, ban li aseniil máyiineniyamu moola, li ajokiil húfaalum, li aseniil eluwaayi, li áhiisiil buu kommuu kunaak kasal Ateemit, ban li alob kaseniil wah wajake,

1 Kata Koolent 2:12

Alolaal uyabutaal buyinumabu bata adunaayi inye, bale Buyinumabu babilummuu li Ateemit luyabaale, bájum li uhaasaal wahawu feh wan Ateemit asenolaamuu.

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.

Kata Galasi 2:4

maayeet min kite bajumuu kutuyolaal kakaane loon kúyinenyinen kabuuyulo kubil kúginnoo li ololaal, ban li kufañeen min kuteyenool búkut. Bukanabuku umbuku kúnokenulonoken li huwoogahu hoololaal boot min kuhaas huwayinaŋenoolahu han úbajumaalumuu li Yéesu Kilisita, bájum li kulaañenolaal li humiikeeletowahu hammuu li eluwaayi.

Kata Galasi 5:1

Kilisita lafakenolaafaken mantee li úfulaal li mal̥egen li humiikeeleto. Kama jítuk tó lit, ban jakum jilaañen jiŋa’ humiikeeleto jikaanoolo.

Kata Efées 1:5

li ayinoo no ákibben kaanaku, fan ájowum li Yéesu Kilisita min akaanolaal ulakowaal bañoolool. Wahawu unwu lanongumuu min akaan, ban wo úsuumoolumuu.

2 Tímote 1:7

Li mal̥egenamu, Ateemit asenutolaal Buyinum bata ekole, bale Buyinum bata sembe, bata húbooli li bata hujokoo lasenolaal.

Eébulo 2:15

Mo foof láfakenummuu bukanabuku kan kákoliyaku kata eketayi kukaanumuu kulako emiikeel li buloŋabu booliil feh.

Saak 2:19

Inti lúyinenyinen kaanaku Ateemit ano bale abaje? Lukooŋe. Bale uhaas oon uyinumawu wajakutumuu foof úyinenyinen kaanaku Ateemit ano bale abaje, ban li unaak uteelen.

1 Saŋ 4:18

Ekole elet li húbooli. Bale húbooli hata mal̥egen húfulenefulen ekole. Mó mújimuu, húbooli hata mal̥egen hulet li an abaje ekole, mata ekole lanaboolenaboo li katek.