Kata Fílib 2:14 - Jola-Kasa

¹⁴ Jikaan wahawu feh bámummunoolut, báwonnoolut,

Kata Fílib 2:14 Referencias Cruzadas

Máciya 20:11

Nan kútinaalabuku kuyabumuu anoowan bacaam bata etihunaka, li kúmummunoo mata wahawu wan ánayinaawu ata bul̥ibabu bata úbiiñawu akaanumuu.

Maak 14:5

Eheeñayi inyu eyiliyeene éjulayi seel ŋáa’, min sídalam siŋali sen esukateenayi. Muñeˈe li kutalen anaalaawu ŋáa’.

Maak 9:14

Muñeˈe nan Yéesu li kúgoomaku kúhaajiyaku kúlaañulumuu boot tan kúgoom kaabuku kulakomuu, li kujuk min búsuk báamak báguutiilumuu. Li kujuk foof kaliikenemuu ésukayi eluwaayi yata Móyiis buko li búwonnoo li kúgoomaku.

Hulimahu Hásuumaahu loon Lík akiic homuu 5:30

Muñeˈe Kufaaliisiyeŋaku kata Yéesu: — Kama wáa újiye li jitiñum ban li jíhobum dín dáno li kúyababuhalabu li bukanabuku kammuu kuhoofoola?

Bakaanelabu 15:2

Fool buko li Balunabaas li kuceeŋiil. Li kubaj búwonnoo báamak li buko mata hulimahu unhu. Muñeˈe li kujamoo min Fool buko li Balunabaas kunaboo li bukan kukee kata Antiyok, kujow boot Yeelusalem kujow kulob mata hulimahu unhu li kufootalaku li kunahaanaku kata ejanguwayi.

Bakaanelabu 15:39

Fool buko li Balunabaas li kuñakoo to ŋáa’ yok kukatoo. Balunabaas li aŋa’ Maak kújufo li ébato, min kujow boot Ciif.

Bakaanelabu 15:7

Li kúwonnoo jow fiyo, Fiyeel li ayito min aaniil: — Kutuyom, jihaase joon Ateemit lal̥usonl̥us li bukuluul nan fiyo, boot kawaale Hulimahu Hásuumaahu bukanabuku kákaanumutumuu li Ateemit balewool, mantee li kujam ho li kúyinen.

Bakaanelabu 6:1

No unnu, kúgoomaku li kuhaŋ mameeŋ. Muñeˈe Kusuwifaku káyinenumuu li Yéesu ban li kunaak kulob kugilekaay, li súumaatiyiil li Kusuwifaku kaabuku káyinenumuu li Yéesu ban li kubuki li etaamayi yata Falesitiin. Kunaanaak koon Kusuwifaku kata Falesitiin kujokut kanaalaabuku kooliil kahokumuu kúyiniil, loon kujokumuu kooliil nan kugambulenemuu hunakoohunak hutiñahu.

Kata Lom 12:18

Nokoomuu loon kayiliwuma, ban li ñooluul bale, jiloŋ li kásuumaay li bukanabuku feh.

Kata Lom 14:1

Jiyab an ágootowe li káyinenaku koola, ban jakum jinaak jiwatatenool humum hata wah wan ayinoole li aan ujaajak mantee foof ujakut.

Kata Lom 16:17

Kutuyom, ínje ummu li kal̥awuul min jíkaanum bukanabuku kájiyemuu bugiiloo li bubaj li bukuluul, ban li kunaak kuceeŋ kulimaku kan kuliikenewuulumuu min kújimen bukanabuku káyinenumuu li Kilisita. Jíloyiyiil.

1 Kata Koolent 10:10

Jakum jinaak jímummunoo loon kukee li buko kukaanumuu, min amalakaawu ata eketayi aniileniil.

2 Kata Koolent 12:20

Wahawu wan íkolimuu wo wommuu, jakum bil íliiŋul booluul let itookuluul manokoole loon ifañumuu, ban bukuluul foof let jijukom manokoole loon jifañeenumuu. Wahawu wan íkolimuu foof, wo wommuu min baj li bukuluul úmuy, batahaay, buwuñetoo, búhaŋoo, búgeloo li kúloboo, katebenoolo ban anoowan li ukaan wah wásuumi.

Kata Galasi 5:15

Bale nokoomuu loon jilumoolelumoo ban li jinaak jimeloo, jíkaanum: fan ban di jiniilenoo.

Kata Galasi 5:26

Jakum utebenaal ubandolaal, ban jakum unaak úgecoolaal. Jakum foof an li alolaal abaj wah, afaalool li atii.

Kata Fílib 2:3

Jakum jikaan wah li kayinoo kata búhaŋoo, mantee foof boot huŋes kasal kabajut jáliŋ, bale li kawalenoolo, jijok bukan kaabuku loon kuhaŋuuhaŋ.

1 Kata Tesalonik 5:13

Jíhiisiil kaanaku jiluukeniiluuken ŋáa’ ban li jíbooliyiil, mata bulokabu ban kommuu li kakaanaku búji. Kásuumaay kubaj li tutuul.

1 Kata Tesalonik 5:15

Jíkaanum, jakum bil an akaanuul majakut li jiluken, bale jiŋes nanoonan min jinaak jikaanoo majake, ban li jikaan foof majake bukanabuku feh.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.

Saak 1:20

Mata an awuñete, ákaaneliit col loon Ateemit afañumuu.

Saak 3:14

Bale nokoomuu loon li uyinumawu wooluul batahaay bajakut li búhaŋoo bóomi ló, jakum jisaloolo min joon jíjallojallo.

Saak 5:9

Kutuyom, jakum an li bukuluul ámummunoo mata afaalool, jakum bil Ateemit atiibuul. Jíkaanum, atiibaawu ummu mayitowe tin kámbiilaku.

1 Fiyeel 3:11

Laate atey majakut, min anaak akaan majake. Laate aŋes kásuumaay, ban li anab li ko,

1 Fiyeel 4:9

An abilumuu booli li uyabool jak, bámummunoolut.

Eleetalayi yan Súd akiicumuu 1:16

Bukanabuku umbuku kúkatoliit kámummunoo, ban wahoowahiil feh ufitutiil. Fan kunaak kuloŋ loon súumiilumuu, ban li kunaak kulob kulim kata katebenoolo. Li kunaak kúmammalen bukanabuku min kúbajum li buko wah.