Kata Fílib 2:13 - Jola-Kasa

¹³ Li mal̥egenamu, Ateemit akaanumuu li bukuluul húfañum li kayile kata kakaan wah, naboo li húnongumahu hoola hajakaahu.

Kata Fílib 2:13 Referencias Cruzadas

Hulimahu Hásuumaahu loon Lík akiic homuu 12:32

— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.

Hulimahu Hásuumaahu loon Lík akiic homuu 2:14

«Máyiineniyamu mujow mulako mata Ateemit ata haatiya tiya emitayi, ban kásuumaay kujow kubaj li etaamayi li bukanabuku kan afañumuu!»

Hulimahu Hásuumaahu loon Saŋ akiic homuu 3:27

Saŋ li aaniil: — An ayilaat abaj wah Ateemit basenutool wo.

Hulimahu Hásuumaahu loon Saŋ akiic homuu 6:45

Kufulofetaku kukikkiic hulimahu unhe: «Ateemit fan aliikeniil foofiil feh.» Anoowan feh ajantene Atuubaawu ban li aliikenum li akila fan abil búmbaam.

Hulimahu Hásuumaahu loon Saŋ akiic homuu 6:65

Yéesu li afamen aan: — Wahawu unwu újimuu li eenuul an ayilaat abil búmbaam Atuubaawu bakatutool min abil.

Bakaanelabu 11:21

Sembaasu sata Amaaŋenawu li buko silakowe, mó lí múji bukan kameeŋe li kúyinen, min kútiiwo kunab li Amaaŋenawu.

Kata Lom 12:3

Boot min ilobuul humum hata kájiyaku kan Ateemit asenommuu eenuul: Jakum an li bukuluul atebenoolo ajow áliiŋ tan áliiŋut, bale jiwalenoolo li mayineluul, naboo li buu Ateemit aliikumuu káyinenaku kan asenuulumuu kule.

Kata Lom 9:11

Wahawu wáhiisumuu kaanaku bal̥usabu bata ano li bañiilabu bulakolako li mal̥egen húnongumahu hata Ateemit, wo wommuu Ateemit humumool lansaan Lobeka: «Añiilawu ahaanawu fan alako amiikeel ata ahaŋumuu mañiilo.» Ateemit lalollob kulimaku unku tówum kubuki, tówum kuyili kukaan majake mantee foof majakut. Min lako, Ateemit al̥usumuu bukan, let ajuke li wahawu wan bukanabuku umbuku kukaanumuu, bale fan ahooñiil naboo li húnongumahu hoola.

Kata Lom 9:16

Mó mújimuu, bal̥usabu bata Ateemit li káyiyenaku koola bubilume, bale bubilumut li húnongum hata an, bubilumut foof li bakaane bata an.

1 Kata Koolent 12:6

Ulokawu wájaahalenimuu umemmeeŋ ban li úbutoo, bale Ateemitawu anolawu akaane womuu feh li bukanabuku feh.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

2 Kata Koolent 3:5

Alóli bajut wah wan jiyilo joon áloli húmumoli jikaan wo li sémbewoli, bale Ateemit ákaanoli min jiyili jikaan wahawu wan jikaanemuu.

Kata Efées 1:11

Ateemit lakaanekaan wahawu feh min ubaj loon afañumuu. Lál̥usolil̥us áloli Kusuwifaku nan fiyowe ŋáa’ min jilako bukan koola, li hujokoolahu hóololi li Kilisita.

Kata Efées 1:5

li ayinoo no ákibben kaanaku, fan ájowum li Yéesu Kilisita min akaanolaal ulakowaal bañoolool. Wahawu unwu lanongumuu min akaan, ban wo úsuumoolumuu.

Kata Efées 1:9

Lakaanolaakaan min uhaasaal wahawu wan afañumuu min akaan, wan uhaaseenutaalumuu. Lajoojok kaanaku fan ákaanum wo li Kilisita loon súumoolumuu.

Kata Efées 2:8

Li mal̥egenamu, másuumamu mata Ateemit mújiwuul li jifak, jówum li káyinenaku kooluul li Kilisita. Bilumut li bukuluul, laalu búsenum bata Ateemit.

2 Kata Tesalonik 1:11

Mó mújimuu, áloli jikatut kal̥aw boot li bukuluul. Jil̥awel̥aw Ateemit oololaal mantee li akaanuul jilako bukan katooke buloŋabu ban ahooñuulumuu boot. Jil̥awool̥aw mantee li alambenuul li sembaasu soola, min jikaan majakaamu feh man jifañumuu min jikaan, ban li akaan min baloŋelabu booluul búhiis kaanaku jibabbaj káyinen.

2 Tímote 1:9

Akila humumool afakenolaalumuu, ban li ahooñolaal boot ubil ulakowaal bukan koola. Ban min akaan momuu, inti eeniseen bakaanelolaal bújiye, bale okila humumool ayinoo mo ban li asenolaal li kájiyaku koola. Li Yéesu Kilisita lásenumolaamuu kájiyaku unku tówum adunaayi ejuul̥i,

Eébulo 13:21

Ateemit ajow akaanuul min jiyili jikaan wahoowah feh wajake, mantee li jikaan loon afañumuu. Ajow ájowum li Yéesu Kilisita akilimuu máyiineniyamu boot nanoonan, min akaan li ololaal wahawu wásuumoolumuu. Aameen!

1 Fiyeel 1:3

Kasal kujow kulako li Ateemit ammuu Atuubaawu ata Amaaŋenawu kata mal̥egen,