Kata Fílib 2:12 - Jola-Kasa

¹² Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

Kata Fílib 2:12 Referencias Cruzadas

Máciya 11:12

Kítum tó nan Saŋ Batiis alako tomuu boot yok muñeˈe, Jáyiiyaju jata Ateemit junju min jihuuñulemuu li sembe, ban bukan kata sembe li kulam jo.

Máciya 11:29

Jítuulom, ban li jiliikenum lí ínje. Mata likankaan an ájoobiye buyinum, an atebenoolowut. Jikaan momuu fan jibaj kayool̥o.

Bakaanelabu 16:29

Afooyaawu ata hukul̥ahu li alob min kuhiiten, ban li asommen anoken li káfitaku. Li ákoli gay li anaak ateelen, min ajow ákuntuŋ hákil Fool buko li Silaas.

Bakaanelabu 9:6

Bale uyito unoken li ésukayi. Fan kulobi wahawu wan óotimuu ukaan.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

1 Kata Koolent 15:58

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

1 Kata Koolent 2:3

Wahawu unwu újimuu, li ibil boot booluul mágootowe ban foof li kateelen ló kata ekole.

1 Kata Koolent 4:14

Ikiiculootuul kulimaku unku boot kasuuwenuul, bale boot kaliikenuul loon bañoolom ban iboolaat.

2 Kata Koolent 7:15

Tit ajowumuu awayil̥o buu jítuuloolumuu foofuul feh li buu jiyaboolumuu booluul li ekole li kateelen ló, húbooliyahu han ábooliwuulumuu li huhaŋ maluuk.

Kata Efées 6:5

Bukuluul jammuu emiikeel, jítuul kunahaanaku kooluul kata baabe li etaam. Jítuuliil li ekole li kateelen ló, ban li jiluukeniil li uyinumuul feh loon jítuulumuu Kilisita.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 1:29

Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila.

Kata Fílib 1:5

mata jilambenonlamben li kawaaleyaku kata Hulimahu Hásuumaahu yaan no li hunakahu hútinaalahu boot yok muñeˈe.

Kata Fílib 1:6

Líyinene li mal̥egenom kaanaku Ateemit, átoŋumuu kakaan li bukuluul bulokabu umbu bajak muñowu, fan akaan bo boot yok nan ammuu li ahabel bo li hunakahu nan Yéesu Kilisita ammuu li álaañul.

Kata Fílib 2:19

Líyinene li Amaaŋenawu ban let fiyo, mantee li ijam kaciimanciim kooluul, li ibaj kawankulen.

Kata Fílib 4:1

Kutuyom kan iboolaat, síibom ŋáa’ min ilaañen ijukuul. Bukuluul jíjiwommuu li ibaj ésuumahukow, bukuluul jommuu éjambiyayi yúmbaam yata kaheekaku. Kufaalom kan iboolaatumuu, wahawu unwu újimuu joote jítuk lit li Amaaŋenawu.

Kata Fílib 4:15

Bukuluul humumuul jata Fílib jihaase kaanaku, nan ítoŋumuu iwaale Hulimahu Hásuumaahu, nan ífulumuu li etaamayi yata Maseduwaan, bajut ejangu yakee yan jisenoole wah, mantee foof yan jiyaboole wah. Ejanguwayi yooluul bale elambenommuu.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

2 Tímote 2:10

Wahawu unwu újimuu li imunten wahawu feh, boot majakaamu mata bukanabuku kan Ateemit al̥usumuu, mantee buko humumiil foof li kubaj kafakaku kammuu li Kilisita Yéesu, li máyiineniyamu maano tomuu boot nanoonan.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.

Eébulo 4:1

Ateemit lalobolaalob kaanaku luyiliyaale ubajaal kayool̥owaku kan afalemuu boot li alolaal. Kayool̥owaku unku kan alobolaamuu mata ko, laloŋe li átuk tó. Kama lootaale ujukelaal to jakum bil an li bukuluul ayinoo li aan kayool̥owaku unku kufakoofak.

Eébulo 4:11

Mó mújimuu, lootaale kama ukaanaal wahoowah min ubajaal kayool̥owaku unku, jakum bil an li alolaal alo, okila banabe li bukittenoolumabu bata bukanabuku kátuulutumuu Ateemit.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.