Bakaanelabu 2:23 - Jola-Kasa

²³ Anáyinaawu ummu ammuu Yéesu, Ateemit lakatookat li kuŋenuul loon anong momuu. Ateemit lafinfin min ahaase ákibben, waa jommuu li jikaan Yéesu. Jiŋalooŋa’ jisen bukan kákaanumut li Ateemit balewool, kumuk li ekuluwa dán kubaaŋoolumuu.

Bakaanelabu 2:23 Referencias Cruzadas

Máciya 20:19

Ban fan kuŋalool kusen kákaanumutumuu li Ateemit balewool min kulekenool. Fan kuŋa’ kukaluwaas min kutekool, ban li kubaaŋool li ekuluwa. Bale hunakahu húhaajutahu fan ayitowumul li eketayi.

Máciya 26:24

Añool-An fan aket loon Bakiicelabu bulobumuu buya li akila. Bale katek kujow kulako li anawu ammuu li abetool li kuŋen bukan. Haŋeene majak jakum anawu ummu abuki.

Máciya 27:35

Muñeˈe li kubaaŋ Yéesu li ekuluwa, ban li kuñak kútuken kuyiliwum kugaboo wañawu woola.

Maak 15:24

Mal̥egen li kubaaŋ Yéesu li ekuluwa, ban li kuñak kútuken min kuhaas waa anoowan li buko ammuu li aŋa’ li wañawu woola. Muñowu kúgaboolummuu wañawu woola.

Hulimahu Hásuumaahu loon Lík akiic homuu 22:22

Li mal̥egenamu, Añool-An fan aket loon Ateemit anongumuu. Bale katek kujow kulako li anawu ammuu li abetool li kuŋen bukan.

Hulimahu Hásuumaahu loon Lík akiic homuu 22:37

Mata boot min ilobuul, hulimahu unhe hakiicimuu huya lí ínje hoote hubaj: «Lacoboolicoboo li kúkaanikoola.» Mata, wahawu wakiicimuu múmbaam woote ubaj.

Hulimahu Hásuumaahu loon Lík akiic homuu 23:33

Nan kúliiŋumuu tan koonemuu «Husend», li kubaaŋ to Yéesu li ekuluwaayi. Ban li kubaaŋoo to foof li sikuluwa bukan kúl̥uba kakaane majakut, aahu kaŋen Yéesu kúli, aahu kaŋenool kamay.

Hulimahu Hásuumaahu loon Lík akiic homuu 24:20

Huhaanaahu hata élambaayi yoololaal li kunahaanaku koololaal li kuŋa’ Yéesu kusen Filat min aan laate aket, ban li kubaaŋool li ekuluwa.

Hulimahu Hásuumaahu loon Saŋ akiic homuu 19:18

To untu, kusollaaliyaku kubaaŋumuu Yéesu li ekuluwaayi. Li kubaaŋoo to foof bukan koono kúl̥uba li sikuluwa, akee kaŋen Yéesu kúli, aahu kaŋenool kamay, min Yéesu alakowiil li tut.

Hulimahu Hásuumaahu loon Saŋ akiic homuu 19:24

Kusollaaliyaku li koonoo: — Jakum uhaaculaal húsabadoolahu, bale uñakaal kútuken min uhaasaal anawu ammuu li aŋa’ ho. Muñowu hulimahu han Bakiicelabu bulobumuu húbajummuu, haanumuu: «Kugaboogaboo wañawu wúmbaam, ban li kuñak kútuken min kuhaas ayi ammuu aŋa’ kañaku kúmbaam.» Wahawu unwu kusollaaliyaku kukaanumuu.

Bakaanelabu 13:27

Bale bukanabuku kata Yeelusalem li kunahaanaku kooliil kúnaanumut ayi ammuu Yéesu, ban kuliitikenut kulimaku kata kufulofetaku, kan kujangayemuu húyiiyaay hanoohan hoololaal. Kukankaan loon kulimaku kulobumuu nan kusenumuu Yéesu bafetabu.

Bakaanelabu 15:18

Wahawu unwu Amaaŋenawu alobumuu, akaan womuu ésukayi ehaas nan fiyo.»

Bakaanelabu 2:36

«Muñeˈe bukanabuku feh kata Isilayeel, koote kuhaas li mal̥egen kaanaku: Yéesu an jibaaŋumuu li ekuluwaayi, akila humumool Ateemit akaanumuu alako Amaaŋen li Afakena.»

Bakaanelabu 3:18

Bale Ateemit lalollob ákibben li utum wata kufulofetaku fan álaam. Wahawu unwu lakaanumuu min ubaj.

Bakaanelabu 4:28

Muñowu kukaanumuu min wahawu feh wan ufinumuu min uyinoole kakaan yan no, li sembaasu sooli li húfañumahu hooli, ubaj.

Bakaanelabu 5:28

— Jíhileenuuhi li kabane min jiliiken ésukayi wah li kajawaku kata ánayinaawu ummu. Bale muñeˈe jíjiye kata Yeelusalem feh li kujam wahawu wan jiliikenemuu li wo ésukayi. Ban jifañe min joon áloli jíjiye li aket.

Bakaanelabu 5:30

Ateemit ata situubawolaal sihaan, layitenuuyitenul li eketayi Yéesu, an jimukumuu li ekuluwaayi dán jibaaŋoolumuu.

Bakaanelabu 7:52

Ayi li kufulofetaku, situubawuul sihaan sílaatenut? Kumuumuk bukanabuku kalobumuu kúkibben mata ebilayi yata Anawu Acolaawu. Ban muñeˈe bukuluul li jibetool li kuŋen bukan min jimukool.

Kata Lom 2:12

Bukanabuku feh kahoofoolemuu bahaasut eluwaayi yata Móyiis, fan kuket ban Ateemit let atiibumiil li eluwaayi inyu, bale bukanabuku kammuu li kuŋenaku kata eluwaayi yata Móyiis ban li kuhoofoo, Ateemit fan atiibumiil li yo.

Kata Lom 4:17

loon Ateemit aloboolumuu li Bakiicelabu kaanaku: «Likaanikaan ulako atuuba ahaan ata sihet sameeŋe.» Abulaham laanosaano atuubawolaal hákil Ateemit an áyinenumuu li akila. Ateemit okila asenemuu buloŋ kaketumuu ban li akaan wah wabajut min ubaj.

1 Kata Tesalonik 2:15

Kusuwifaku umbuku kumukumuu foof Amaaŋenawu, ban li kúlaamenolaal foof. Kúsuumut Ateemit maayeet, ban li kulat bukanabuku feh.

1 Fiyeel 1:2

Ateemit lal̥usuul̥us yaan no akat to loon ayinoo nomuu, akila ammuu Ateemit Atuubaawu, ban li ájowum li Buyinumabu Banabaabu min akaanuul jilako bukan kanabe boot kátuul Yéesu Kilisita, li boot min jígiileni li húsimahu hoola. Káji li kásuumaay kujow kulako li bukuluul ŋáa’.

1 Fiyeel 1:20

Ateemit lafinfin min al̥use Kilisita akat to boot li wahawu unwu, tówum adunaayi ejuul̥i, ban li áhiisenool muñeˈe li taŋaye ébanumaye, boot li majakaamu mooluul.

1 Fiyeel 2:8

Bakiicelabu li boon foof tikee: «Huyitikahu unhu fan húji bukan li kujonten, li hoono húlankiin habete bukan.» Bukanabuku fan kujonten li ho mata kúyinenut li hulimahu, ban wahawu unwu kufimmuu min kukaani to boot.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.