Bakaanelabu 2:24 - Jola-Kasa

²⁴ Bale Ateemit li ayitenumulool li eketayi, min afakenool li sílaam sata eket. Mata li mal̥egenamu eketayi ebajut sembe sanoosan li Yéesu.

Bakaanelabu 2:24 Referencias Cruzadas

Máciya 27:63

Nan kúliiŋumuu li koon Filat: — Anahaan, jiwayil̥owe kaanaku ámalamiñawu ummu lansaan akila li buloŋ aketumuu jow baj kunak kúhaaji, fan ayitowumul li kaketumuu.

Hulimahu Hásuumaahu loon Saŋ akiic homuu 10:18

Anoowan ayilaat ájimen buloŋabu búmbaam, bale ínje humumom éemi li inong min isen bo. Liyilo isen buloŋabu búmbaam, ban liyilo ilaañen iŋa’ bo. Wahawu unwu Atuubawom alobumuu min ikaan.»

Hulimahu Hásuumaahu loon Saŋ akiic homuu 10:35

«Ateemit lahonhooñ kuteemit bukanabuku kan asenumuu hulimahu hoola. Ban, luhaasaale oonaal an ayilaat ábuj wahawu wan bakiicelabu bulobumuu.

Hulimahu Hásuumaahu loon Saŋ akiic homuu 12:39

Wahawu unwu újimuu kuyilaat kúyinen. Ban Esay li amit alaañen alob wahawu wájimuu bukanabuku umbuku kuyilaat kúyinen, aan:

Hulimahu Hásuumaahu loon Saŋ akiic homuu 20:9

(Li mal̥egen boot yok no unnu, kúgoomaku buko bánaanumolut kaanaku Yéesu fan ayitowumul li eketayi, loon Bakiicelabu bulobumuu.)

Bakaanelabu 1:16

— Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.

Bakaanelabu 13:30

Bale Ateemit li ayitenumulool li eketayi.

Bakaanelabu 13:37

Bale Yéesu an Ateemit ayitenulumuu li eketayi, ehuluŋool ekajenut li huyaakahu.

Bakaanelabu 17:31

Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»

Bakaanelabu 2:32

«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.

Bakaanelabu 3:15

Muñowu jimukumuu anawu akilumuu buloŋabu. Bale Ateemit li ayitenumulool li eketayi, ban alolaal feh lumaataale.

Bakaanelabu 3:26

«Bukuluul jijandumuu jíji Ateemit li áboñul alokaawu oola Yéesu, boot min áfulen anoowan li bukuluul li makaanelool majakut, min lako kásooniyen boot li bukuluul.»

Bakaanelabu 4:10

Joote jihaas bukuluul foofuul feh, li bukanabuku feh kata Isilayeel kaanaku: ánayinaawu ummu ammuu hákiluul, li kajawaku kata Yéesu Kilisita ata Nasalet láfakume. Yéesu Kilisita an jibaaŋumuu li ekuluwaayi, ban Ateemit li ayitenumulool li eketayi.

Bakaanelabu 5:30

Ateemit ata situubawolaal sihaan, layitenuuyitenul li eketayi Yéesu, an jimukumuu li ekuluwaayi dán jibaaŋoolumuu.

Kata Lom 10:9

Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak.

Kata Lom 14:9

Li mal̥egenamu, Kilisita lakeeket ban li álaañul li buloŋ min alako Amaaŋenawu ata bukanabuku kaketumuu li kaloŋumuu.

Kata Lom 4:24

Kukiicikiic foof boot li alolaal áatiyaalumuu ujokaali bukan kacole hákil Ateemit, alolaal áyinenaamuu li Ateemit ayitenumulomuu Amaaŋenawu oololaal Yéesu Kilisita li eketayi.

Kata Lom 6:4

Mó mújimuu, kábatiisaaku kan úbatiiseyaalimuu, nokoonokoo loon luketaaket min uhokoolaali li akila, bájum loon Ateemit Atuubaawu ayitenumulomuu Kilisita li eketayi li búkaanum bata sembaasu sáyiineniyaasu, alolaal foof li akaanolaal uloŋaal buloŋ bawunkul.

Kata Lom 8:11

Nokoomuu loon Buyinumabu bata Ateemit ayitenumulomuu Yéesu Kilisita li eketayi, bumbu min bukine li bukuluul, Ateemit ayitenumuloomuu li eketayi fan ájowum li Buyinumabu umbu Banabaabu bakinumuu li bukuluul, min asen buloŋ eniilayi yooluul yammuu li ebil eket.

Kata Lom 8:34

Ayimaa ayilo atiibiil min abetiil li katek? Maayeet ano! Yéesu Kilisita okila aketumuu, ban aketut bale, layitowuuyitowul li eketayi, ban muñeˈe ummu kaŋen káli kata Ateemit, min anaak al̥aw boot li alolaal.

1 Kata Koolent 15:12

Kaanumuu loon áloli jiwaaleˈewaale kaanaku Kilisita layitowuuyitowul li eketayi, kama wáa wómmuu lí úji kukee li bukuluul li koon kaketumuu let kubil kuyitowumul li eketayi?

1 Kata Koolent 15:15

Nokoomuu loon mo, kama áloli foof jímalemal jil̥oof Ateemit, mata jonsoon layitenuuyitenul Kilisita li eketayi, ban kama ayitenumulootool li eketayi, nokoo loon mal̥egen kaketumuu let kuyitowumul li eketayi.

1 Kata Koolent 15:20

Bale li mal̥egenamu, Kilisita layitowuuyitowul li eketayi. Li kaketumuu feh, okila ammuu átinaa li kayitowul li eketayi, min íhiis kaanaku kaabuku foof kaketumuu fan kuyitowumul li eketayi.

1 Kata Koolent 15:4

Lahokihok jow baj kunak kúhaaji, Ateemit li ayitenumulool li eketayi, loon foof Bakiicelabu bulobumuu.

1 Kata Koolent 6:14

Ateemit layitenuuyitenul Amaaŋenawu li eketayi, ban fan ayitenulolaal foof li eketayi li sembaasu soola.

2 Kata Koolent 4:14

mata áloli jihaase joon Ateemit layitenuuyitenul Amaaŋenawu Yéesu li eketayi, ban fan áyitenumuloli foof li eketayi li Yéesu ló, min ákaanoli jilako tin tano li akila li bukuluul ló.

Kata Galasi 1:1

Injé Fool áamimuu afootal ata Yéesu Kilisita ikiiculo eleetalayi inye, ban inti li búkaanum bata bukan, inti foof bata an léemum afootal, bale li búkaanum bata Yéesu Kilisita li bata Ateemit Atuubaawu ayitenumuloomuu li eketayi.

Kata Efées 1:20

nan ayitenulomuu Kilisita li eketayi, ban li akaanool abah kaŋenool kúli li emitayi.

Kata Kolos 2:12

Nan kúbatiisewuulumuu, no jihokoolimuu li Kilisita, ban li jiyitowumul foof li eketayi li akila, mata jíyinenyinen li sembaasu sata Ateemit sayitenumuloomuu li eketayi.

1 Kata Tesalonik 1:10

Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.

Eébulo 13:20

Ateemit ata kásuumaay, layitenuuyitenul Amaaŋenawu hata boot nanoonan.

Eébulo 2:14

Emmuu kama bañiilabu umbu kúl̥ahukowan koom, Yéesu humumool foof li aŋa’ bóono bata ál̥ahukowan, mantee li ájowum li eketayi yoola min ágooten Sayitaane aakumuu sembaasu sata eketayi.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.