Bakaanelabu 2:22 - Jola-Kasa

²² Fiyeel li alaañen aaniil: — Kutuyom kata Isilayeel, jijanten kulimaku unke kan emmuu li ilobuul. Ateemit láhiisuuhiis ayi ammuu Yéesu akinumuu Nasalet. Mata Ateemit li Yéesu lákaanume bújaahalenumabu, li búhiisenum hákiluul. Ban bukuluul humumuul jihaas yo.

Bakaanelabu 2:22 Referencias Cruzadas

Máciya 12:28

Bale nokoomuu loon li búkaanum bata Buyinumabu bata Ateemit líkesoolume uyinumawu wajakutaawu, kama Jáyiiyaju jata Ateemit jíliiŋulo booluul.

Máciya 2:23

Suseef li ajow akin bo, li ésuk yan koone Nasalet, bájum wahawu wan kufulofetaku kulobumuu li ubaj loon kulob womuu: «Fan ahooñi an ata Nasalet.»

Máciya 9:8

Nan búsukabu bujukumuu wahawu unwu, li búkoli ban li busal Ateemit asenumuu bukanabuku kayile loon unku.

Hulimahu Hásuumaahu loon Lík akiic homuu 11:20

Bale nokoomuu loon li sembaasu sata Ateemit líkesoolume uyinumawu wajakutumuu, kama Jáyiiyaju jata Ateemit jíliiŋulo booluul.

Hulimahu Hásuumaahu loon Lík akiic homuu 18:37

Bukanabuku li koonool, Yéesu ata ésukayi yata Nasalet áami li ejow.

Hulimahu Hásuumaahu loon Lík akiic homuu 24:18

Akee li buko an koone Kilewofaas li aan Yéesu: — Kama li bukanabuku kalakomuu Yeelusalem feh, awu baleyi ujamutumuu wahawu wabaj bomuu kunakaku unke?

Hulimahu Hásuumaahu loon Saŋ akiic homuu 1:45

Fúlum tó, Fílib li ajow ajuk Natanayeel min aanool: — Jijuke anawu an Móyiis alobumuu moola li éliibalayi yata Eluwaayi.

Hulimahu Hásuumaahu loon Saŋ akiic homuu 10:37

Ikaanutumuu bulokabu bata Atuubawom, jakum jíyinenom.

Hulimahu Hásuumaahu loon Saŋ akiic homuu 11:47

Huhaanaahu hata élambaayi li Kufaaliisiyeŋaku li kujoj li Huhaanaahu háamakahu min koon: — Boot min ukaanaal buu? Anáyinaawu ummu min akaanemuu búhiisenum bájaahaleniye!

Hulimahu Hásuumaahu loon Saŋ akiic homuu 12:17

Bukanabuku feh kalako tomuu nan Yéesu ahooñumuu Laasaal áfulul li huyaakahu min ayitenulool li eketayi, kukittenkitten wahawu wan kujukumuu.

Hulimahu Hásuumaahu loon Saŋ akiic homuu 15:24

Let kubajeen butila bata kahoofoo, ínje bakaaneenut hákiliil bulokabu ban akee ábuto akanlelutumuu. Bale muñeˈe kujuke bulokabu búmbaam, ban li kulatom, li kulat foof Atuubawom.

Hulimahu Hásuumaahu loon Saŋ akiic homuu 19:19

Filat li alobiil foof min kukiic li kababalu kukaan haatiya ekuluwaayi. Muñeˈe kukiicumuu eeno: «Laale Yéesu ata Nasalet, Ayíiyawu ata Kusuwifaku.»

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 4:48

Yéesu li aanool: — Bukuluul jijukutumuu búhiisenum li wah wájaahaleniye let jíyinen maayeet!

Hulimahu Hásuumaahu loon Saŋ akiic homuu 5:36

Bale ínje libaje wah walobe múmbaam wahaŋe wan Saŋ alobumuu aya lí ínje: wo wommuu bulokabu ban Atuubaawu asenommuu kakaan. Li mal̥egenamu, bulokabu umbu ban ikaanemuu búhihhiis kaanaku Atuubaawu áboñulom.

Hulimahu Hásuumaahu loon Saŋ akiic homuu 6:14

Nan bukanabuku kujukumuu búhiisenumabu bájaahalenimuu muñowu ban Yéesu akaanumuu, li koon: — Mal̥egen ánayinaawu ummu akila ammuu Afulofetawu áatimuu abil li adunaayi.

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Hulimahu Hásuumaahu loon Saŋ akiic homuu 7:31

Bale bukan kameeŋe li búsukabu li kúyinen li akila, ban li kunaak koon: — Nan Afakenaawu ammuu li abil, akaan laate fíle bukanabuku kujuk úhiisenum wájaahaleniye wahaŋe wan ánayinaawu ummu akaanumuu?

Hulimahu Hásuumaahu loon Saŋ akiic homuu 9:33

Nokooleenumuu loon mal̥egen ánayinaawu ummu abilumuloot li Ateemit, let ayiliyeen akaan wahoowah.

Bakaanelabu 13:16

Fool li ayito, li áyiit kaŋenool aban li aan: — Bukuluul jata Isilayeel li bukuluul jamanenemuu Ateemit, jijantenom!

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 2:19

Fan ikaan bukanabuku kujuk búhiisenum haatiya emitayi, li bújaahalenum baabe li etaamayi: fan baj húsim, li sambun li ufaal wata hakoo.

Bakaanelabu 2:43

Ekole li elako li anoowan, mata Kufootalaku kunaanaak kukaan wah wameeŋe wájaahaleniye li búhiisenum bameeŋe.

Bakaanelabu 21:28

Li kunaak kulob butiya koon: — Isilayeel, jíwaakenul jílambenoli! Ayínaawu umme awaaleˈemuu tanootan bukanabuku feh majakut aya li ésukayi yata Isilayeel, li eluwaayi yata Móyiis, li eluufayi inye yata Ateemit! Ban muñeˈe lamite akaan bukan kata Gilees kúnokenul li eluufayi yata Ateemit, min kusik eluufayi inye yáñeyimuu!

Bakaanelabu 22:8

Li igel̥l̥en een: «Awu ommuu ayi, Amaaŋen?» Hulimahu li hulaañen hoonom: «Injé emmuu Yéesu ata Nasalet an úlaatenemuu li akila.»

Bakaanelabu 24:5

Jijuujuk joon ánayinaawu ummu busik. Lájiji Kusuwifaku feh kammuu tanootan li adunaayi li kúguul̥oo, akila ammuu anahaanawu ata hujojahu hata Kunasaleyeŋaku.

Bakaanelabu 26:26

Ayíiyawu Agilifa lahaase mata wahawu unwu feh, ban mó mújimuu liyilo ilob li kabanewom hákilool. Hiitonhiit li buyinum kaanaku bajut wah wano li wo wan ahaasut, mata inti li egool̥ yayolowe wahawu unwu ukaani.

Bakaanelabu 26:9

«Muñeˈe ínje humumom liyinooleene li een, leete ikaan manooman li sembewom feh min ikajen kajawaku kata Yéesu ata Nasalet.

Bakaanelabu 3:12

Nan Fiyeel ajukumuu loon muñaˈa, li aan ésukayi: — Kutuyom kata Isilayeel, wáa újiye li jisego mata kafakaku kan ánayinaawu ummu afakumuu? Wáa újiye li jinaak jíjukeloli loon muñaˈa, loon eenimuu li sémbewoli jífakenume ánayinaawu ummu? Mantee foof loon eenimuu mata kátuulaku kan áloli jítuulumuu Ateemit, jíkaanume ánayinaawu ummu ajow?

Bakaanelabu 3:6

Muñeˈe Fiyeel li aanool: — Ibajut ehaaliis, ibajut éwulus iseni. Bale wahawu wan ibajumuu, liseni wo: li kajaw kata Yéesu Kilisita ata Nasalet, uyito ujow!

Bakaanelabu 4:10

Joote jihaas bukuluul foofuul feh, li bukanabuku feh kata Isilayeel kaanaku: ánayinaawu ummu ammuu hákiluul, li kajawaku kata Yéesu Kilisita ata Nasalet láfakume. Yéesu Kilisita an jibaaŋumuu li ekuluwaayi, ban Ateemit li ayitenumulool li eketayi.

Bakaanelabu 5:35

Nan kufootalaku kúfu’muu, Gamaliyel li aan huhaanaahu: — Isilayeel, ban li jíkaanum wahawu wan jiyinoomuu min jikaan kánayinaabuku umbuku.

Bakaanelabu 6:14

Jijamoojam li aan, Yéesu ata Nasalet fan ahum eluufayi yata Ateemit, ban li átiiw bakaanelabu búbuti li ban Móyiis aliikenolaamuu.

2 Kata Koolent 12:12

Wahawu wáhiisumuu kaanaku afootal leem, li bukuluul likaan wo. Wo wommuu: húmuñ sílaam sanoosan, búhiisenum, bakaane bájaahaleniye, li wah wájaahaleniye.

Eébulo 2:4

Ateemit humumool li ájowum li búhiisenum, li bakaane babaje sembe, li wah wájaahaleniye min áhiis kaanaku kulimaku kan kulobumuu mal̥egen. Ateemit láhihhiis foof wahawu unwu min asenumuu bukan úji wata Buyinumabu Banabaabu loon afañumuu.