1 Saŋ 2:15 - Jola-Kasa

¹⁵ Jakum jifañ adunaayi li wahawu wata yo. Mata an afañumuu adunaayi, abajut húbooli hata Atuubaawu.

1 Saŋ 2:15 Referencias Cruzadas

Máciya 4:8

Sayitaane li alaañen ájowetum Yéesu boot haatiya huyuuy hagimbe ŋáa’, min áhiisool úyiiyawu feh wata etaamayi, boot li máyiineniyamu feh mata wo.

Máciya 6:24

— An ayilaat alako aloka ata kunahaan kúl̥uba li mano, mata fan alat akee min afañ aahu, mantee foof fan átuul akee, min abes aahu. Jiyilaat jilako li mano emiikeel yata Ateemit li foof yata sídalam.

Hulimahu Hásuumaahu loon Lík akiic homuu 16:13

«An ayilaat alako aloka ata kunahaan kúl̥uba li mano, mata fan alat akee min afañ aahu, mantee foof fan átuul akee min abes aahu. Jiyilaat jilako li mano emiikeel yata Ateemit li yata foof sídalam.»

Hulimahu Hásuumaahu loon Saŋ akiic homuu 15:19

Jilakoweenumuu bukan kata adunaayi, bukanabuku kata yo fan kufañeenuul, mata min jóomimuu bukan kata adunaayi. Bale jilet bukan kata adunaayi, mata li adunaayi lil̥usumuulumuu ífulenul. Mó mújimuu bukanabuku kata adunaayi li kulatuul.

Kata Lom 12:2

Jakum jinab li bakaanelabu bata bukanabuku kata adunaayi inye, bale jikat Ateemit min akaanuul jilako bukan kábuto ban li asenuul butuuko buwunkul. Akaanuulumuu loon muñaˈa aban, fan jiyili jikooñaam min jihaas waa lafañumuu: wahawu wajakumuu, wahawu wásuumoolumuu, li wáliiŋumuu máliiŋ loon afañumuu.

Kata Galasi 1:10

Muñeˈe buu jiyinoole? Mantee ínje huŋes léemi li ho min bukanabuku kusalom, mantee min Ateemit asalom? Mantee huŋes léemi li ho min ikaan bukanabuku súumiil? Nokoomuu loon ínje liloŋe li iŋes min ikaan bukanabuku súumiil, kama ilet aloka ata Kilisita.

Kata Efées 2:2

Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.

1 Tímote 6:10

Li mal̥egenamu, efañ sídalam huhaa’ hata majakut manooman. Kukee síibiisiib kubaj sídalam bil gay, li kúloyi káyinenaku min kukaanoolo buko humumiil sílaam sameeŋe.

Saak 1:27

Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.

1 Saŋ 3:17

Bale nokoomuu loon an akaane usaanum ajuke aan atuyool jokoojok li wah, imban li ásiibool li wó, buu anawu ummu ammuu usaanum ayilo aan húbooliyahu hata Ateemit hunhu li akila?

1 Saŋ 4:5

Buko bukan kata adunaayi koom, wahawu unwu újimuu li kunaak kulob loon kata adunaayi kulobemuu, ban adunaayi li ejanteniil.

1 Saŋ 5:10

An áyinenumuu li Añiilawu ata Ateemit, anawu ummu láyinenyinen li hulimahu unhu. An áyinenutumuu li Ateemit, anawu ummu lajoojok Ateemit ámalamiñ, mata áyinenut li kulimaku kan Ateemit alobumuu mata Añoolool.