1 Saŋ 2:14 - Jola-Kasa

¹⁴ Bañoolom, ilaañen ikiiculuul min íhiisuul kaanaku jihaase Atuubaawu. Kunahaan, ilaañen ikiiculuul min íhiisuul kaanaku jihaase anawu afimmuu min áami tó yaan no li húkitumahu. Báfulabe, ilaañen ikiiculuul min íhiisuul kaanaku jibabbaj sembe. Hulimahu hata Ateemit hunhu nanoonan li bukuluul, ban jiheeheek Sayitaane.

1 Saŋ 2:14 Referencias Cruzadas

Hulimahu Hásuumaahu loon Saŋ akiic homuu 15:7

Jilakomuu lí ínje ban kulimaku kúmbaam li kulako li uyinumuul, jil̥awumuu wahoowah wan jifañe, fan jibaj wo.

Hulimahu Hásuumaahu loon Saŋ akiic homuu 5:38

Kulimaku koola kulet li uyinumuul, mata jíyinenut li anawu an áboñulumuu.

Hulimahu Hásuumaahu loon Saŋ akiic homuu 8:31

Muñeˈe Yéesu li aan Kusuwifaku káyinenumuu li akila: — Jinabumuu li kulimaku kan ilobuulumuu, joonosoono li mal̥egen kúgoomaku kúmbaam.

Hulimahu Hásuumaahu loon Saŋ akiic homuu 8:37

Lihaase een bukuluul bubukoolum bata Abulaham joom. Bale bukuluul jumbuku li huŋes min jimukom, mata jikaanut kulimaku kan ilobuulumuu li uyinumuul.

Kata Efées 6:10

Boot min íbanum li kulimaku unke: jíbajum sembe li Amaaŋenawu, li sembaasu soola sáamakasu.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Kolos 1:11

Alóli jil̥awe Ateemit min alitenuul li wahawu feh li sembaasu soola sáyiineniyaasu, mantee li jiyili jímuñ wahoowah li hujokoo ló.

Kata Kolos 3:16

Hulimahu hata Kilisita hujow hulako li bukuluul ŋáa’ li kásooniyenaku kata ho ló. Jinaak jiliikenoo ban li jinaak jisaaboo li bújallo ló banooban. Jinaak jísalum Ateemit li buyinumuul feh li úkim, kúwoolen li ukijen wabilumulo li Buyinumabu Banabaabu.

2 Tímote 2:1

Awu ammuu añoolom, kama uwankulenoolo li kájiyaku kan úbajumaalumuu li hujokoolahu hoololaal li Yéesu Kilisita.

Eébulo 8:10

Amaaŋenawu li afamen aan: «Húfaalumahu han ínje emmuu li ijok kata Isilayeel, nan kunakaku unku kommuu li kuban, ho hommuu unhe: Fan iŋa’ siluwaasu súmbaam ikaaniil li uyinum, ban li iŋa’ so ikiic li sísigilasu sooliil. Fan ilako Ateemit ooliil, buko li kulako bukanabuku kúmbaam.

1 Saŋ 1:1

Jikiiculuukiic boot min jilobuul mata anawu ammuu Hulimahu hata buloŋabu. Hulimahu unhu hubabbaj yaan no li húkitumahu. Lujamaajam Hulimahu, ban li ujukaal ho li kúkilolaal. Li ulasowaal ho, ban li ugolaal ho li kuŋenolaal.

1 Saŋ 1:10

Li bil oonaal ubajutaal kahoofoo, Ateemit lujokaale ámalamiñ, ban hulimahu hoola hulet li ololaal.

1 Saŋ 2:13

Kunahaan, likiiculuukiic min íhiisuul kaanaku jihaase anawu afimmuu min áami tó yaan no li húkitumahu. Báfulabe, likiiculuukiic, min íhiisuul kaanaku jiheeheek Sayitaane.

2 Saŋ 1:2

Mata mal̥egenamu mummu li alolaal, ban fan mulako li alolaal boot nanoonan.

3 Saŋ 1:3

Libabbaj ésuumansuum yáamak nan kutuyolaal kukee kubilumuu min kulobom kaanaku mal̥egenamu mujukijuk li buloŋabu booli, ban mal̥egen buloŋabu booli bunannab li mal̥egenamu ummu.

Búhiisenumabu 2:3

Luyiliyili húmuñ. Lúlallaam ŋáa’ mata ínje íji, ban úyekowut.

Búhiisenumabu 2:7

«An áakimuu sijan, li ajanten wahawu wan Buyinumabu bulobumuu Sijanguwasu. Anawu ammuu li aheek, fan isenool mutiñaayamu mata bunuunukabu bata buloŋabu bammuu li etoolayi yata Ateemit, atiñ.»