1 Saŋ 2:16 - Jola-Kasa

¹⁶ Wahawu feh wammuu li adunaayi: kásiibo kajakut kan an abaje, kásiibo wah wan ujuke, li katebenoolo mata hubaj, wahawu unwu ubilumut li Atuubaawu bale li adunaayi.

1 Saŋ 2:16 Referencias Cruzadas

Máciya 4:8

Sayitaane li alaañen ájowetum Yéesu boot haatiya huyuuy hagimbe ŋáa’, min áhiisool úyiiyawu feh wata etaamayi, boot li máyiineniyamu feh mata wo.

Máciya 5:28

Bale ínje boot min eenuul, ánayine ajukelumuu anaale ban li ásiibowool, layaane ahinten anaalaawu ummu aban li buyinumool.

Hulimahu Hásuumaahu loon Lík akiic homuu 4:5

Sayitaane li aŋiten Yéesu haŋ máloyi, min áhiisool yan li mano úyiiyawu feh wata etaamayi.

Kata Lom 13:14

Jiŋa’ bóonowabu bata Amaaŋenawu, ban jakum jikat bóonowabu bata eniilayi min buŋaluul bubet li kásiibowaku kata yo.

1 Kata Koolent 10:6

Wahawu unwu feh ubabbaj, min ulako bukittenoolum boot li ololaal, jakum bil ukataal kásiibo kajakut min kuhaŋolaal sembe loon buko.

Kata Galasi 5:17

Li mal̥egenamu, wahawu wan eniilayi ésiibowemuu, úbute li wata Buyinumabu. Buyinumabu wahawu wan búsiibowemuu úbute li wata eniilayi. Buyinumabu búbutoobutoo ŋáa’ li eniilayi. Wahawu unwu újimuu, jiyilaat jinaak jikaan loon súumuulumuu.

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Efées 2:3

Naanaŋ, ololaal foofolaal feh lunaanaak ukaanaal foof loon bukanabuku umbuku. Lunaanaak uloŋaal buloŋ bajakut, naboo li kásiibowaku kata bóonowabu boololaal. Li unaak foof ukaanaal wahawu wajakutumuu wan eniilayi yoololaal efañumuu, ban li ubilumul li uyinoolawu woololaal. Bóonowabu boololaal umbu bajakutumuu bújimuu Ateemit laateen awuñetolaal loon lawuñetumuu bukan kaabuku feh.

Eleetalayi yan Fool akiicumuu Tit 2:12

Ateemit li kájiyaku unku laliikenumolaalumuu etey bakaanelabu bajakutumuu li kásiibowaku kata adunaayi inye, min uloŋaal li adunaayi inye buloŋ bata bukan kabaje uyinum ban li kucol, buloŋ bata kátuul Ateemit.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

Saak 3:15

Bújallo loon umbu inti li emitayi bubilumulo. Laalu bújallo bata adunaaye, bata hin bóono bata an, babilimulo li Sayitaane.

Saak 4:16

Bale muñeˈe li jinaak jitebenoolo li kasaloolowaku kan jommuu li ko. Jihaas joon kasaloolo loon muñowu, kujakut maayeet.

1 Fiyeel 1:14

Joote jítuul Ateemit loon bañiil batit, ban jakum jinab li kásiibowaku kooluul kata naanaŋ, nan jihaasut nomuu wahoowah.

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

2 Fiyeel 2:10

háŋum bukanabuku kanabemuu li kásiibowaku kasetutumuu kata bóonowabu booliil, min kubes huhaanaahu hata Ateemit. Bukanabuku umbuku kúkangumoolokangumoolo, li kutebenoolo, ban kúkoliwut bagel búwuwenumabu báyiineniyaabu;

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.