Provérbios 12:17 - Kaxinawá Bíblia (BR)

¹⁷ Huni pepabũ hawara ikaibu uĩ pewatã txanima hãtxa besti yuimisbuki. Hakia huni txakabũ hawara uĩ pewamabia txanitxaka bestikĩ yuikubaĩmisbuki.

Provérbios 12:17 Referencias Cruzadas

Provérbios 12:16

Huni unaĩsmapabu hawaira sinatakĩ hawa huneama shabakabi hatu uĩmamisbuki. Hakia unanepabu hatu yuaĩ hatuki kashebiabu nĩkabiakĩ hatu dabaĩsbumaki.

Provérbios 12:18

Huni betsa hawa shinãma hatu hãtxa txakabu yuikinã, nupewẽ hatu txatxikĩ akawamisbuki, hawa merabewamarã. Hakia unanepabũ hatu yusĩkinã, hatu merabewamisbuki, dau pepa sheama keska wakinã.

Provérbios 14:25

Tsuãra hawara ikaibu ibubis uĩtanã, shanẽ ibu yui pewashuna hawẽ hãtxa ikũwãkĩ huni betsã hiwea piskumatirubuki. Hakia tsuãra uiãmabia kaka besti nĩkatã txanitxakakĩ shanẽ ibu tenãmatirubuki.

Provérbios 14:5

Tsuãra hawara ikaibu ibubis uĩtanã, txanitxakama yui kayabitirubuki. Hakia tsuãra uiãmabia kaka besti nĩkatã txanitxaka bestimisbuki.

Provérbios 19:28

Huni txakabubũ hawara uiãma inũ uĩbiai txani besti unãkĩ habũ pewẽ hatu unãti wabiaibũ ha yunuti kushipaki kashemisbuki. Ha inũ, huni txakabubũ hatũ keshawẽ hãtxa txakabu yuikĩ hatu mesewamisbuki, hashi kenuhaira hatuki puta keska wakinã.

Provérbios 19:5

Hawara uiãma inũ uĩbiatã txanitxakamisburã, habunã, hatũ kupiti txakabu binuama bishãkanikiki. Txani txakamisbu hatũ txakabuwẽ taeshũ hawa unanuma wakĩ hatu mepãmakĩ pewama ishanikiki.

Provérbios 21:28

Huni txakabubũ hawara uiãma inũ uĩbiai txani besti unaĩbu hatũ dakewẽ taea mawashãkanikiki. Hakia hawara nĩka pewatã unaĩbu unãti wanikabũ hatu yukabu shabakabi hatu kematirubuki.

Provérbios 6:19

huni betsã txakabuwashu hatũ hawa uiãmabia txanitxakai shanẽ ibuki txanimisbu inũ, betsabu hau sinatanamenũbũ hatu txaniwẽ parãmisbu habu dasibirã, hatuki sinatakĩ Senhor Deusũ hatu kupishanikiki.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Mateus 26:59

hanushũ Deusbe nukunabu hãtxashunika shanẽ ibubu inũ Sinédriobu dasibi itxashũ Jesus hau tenãnũbũ hakiri txakabuhaira yuiaibuwẽ txani hãtxa ikũ keska watã hawẽ unãti watã tenãkatsi benai maniabũ

Hechos 6:13

hanushũ hau Estêvãokiri txani txakatanũbũ parã hãtxa katutã huni betsabu hatu parãmakĩ yuimakĩ: —Na huninã, nukũ Templokiri inũ Moisés nuku yusĩni hãtxakiri yuaĩ hãtxai heneama nũ nĩkaii.

1 Pedro 3:16

babutã keãma hatu pewẽ hãtxa wakinã. Hawa matũ hiweakiri xinaĩ mã bika teneamakẽ haska mã Cristo ikũwaĩ xinã txakabuma matu unãtã ha habũ hãtxa txakabuwẽ matu yuaĩ hãtxa txakabumisbu ibubis hatũ hãtxawẽ daketirubuki.