Provérbios 12:16 - Kaxinawá Bíblia (BR)

¹⁶ Huni unaĩsmapabu hawaira sinatakĩ hawa huneama shabakabi hatu uĩmamisbuki. Hakia unanepabu hatu yuaĩ hatuki kashebiabu nĩkabiakĩ hatu dabaĩsbumaki.

Provérbios 12:16 Referencias Cruzadas

Jó 5:2

Tsuabũra yura betsã mabu uĩ hawẽ kemui inũ tsuabura hawaira sinatai unaĩsmapai debumisbuki.

Provérbios 10:12

Dananãkũkaini sinatanamei detenamemisbuki. Hakia huni nuikipanã, hawara txakabuwashinabu hatu daewatã hatũ txakabu hakimawatirubuki.

Provérbios 12:17

Huni pepabũ hawara ikaibu uĩ pewatã txanima hãtxa besti yuimisbuki. Hakia huni txakabũ hawara uĩ pewamabia txanitxaka bestikĩ yuikubaĩmisbuki.

Provérbios 14:33

Tsuabũra bebũkiri pe shinãkubaĩmisburã, hatũ shinã merã unanepa hãtxa hayabuki. Hakia unaĩsmapabũ unanepati hãtxa hawa tapĩtirubumaki.

Provérbios 16:22

Tsuabura unanepa shinã pepa hayarã, hatũ hiwea perã, txatxa habai keskaki. Hamẽ unaĩsmapabu tsuãra mã hatu yusĩkubainairã, mã hatube habiaskariki, unaĩsmaparã.

Provérbios 17:9

Hawẽ haibũ kanebiashĩkẽ hakiri yuibaunama huneshũkĩ hawẽ haibu betxipaimamiski. Hakia hawẽ haibũ kaneshina huneshunama txanikaũkĩ hawẽ haibu danãmakĩ putamamiski.

Santiago 1:19

Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.