Números 24:7 - Kaxinawá Bíblia (BR)

⁷ Ũpash ati inũ hawẽ mibã tatxa ati hene itxapa netsunakama Israelĩ enabu hayashãkanikiki. Amaleque nawa shanẽ ibuhaira Agague kushipahairabiakẽ Israelĩ enabu shanẽ ibuhairakĩ hatu maemashanikiki. Israelĩ enabu shanẽ ibuhaira kushipakũkaĩshanikiki, mai ewapa atxi keyuirã.

Números 24:7 Referencias Cruzadas

2 Samuel 5:12

haska Senhor Deusũ Davi shanẽ ibuwakĩ katuimashũ hawenabu Israelkiri Deusũ hatu mestẽwãmai inũ nãtakeshũ nĩkaibu hawẽ shanẽ ibukiri kushipai Davĩ ibubis unãkĩ tapĩkubainikiaki.

1 Reis 5:1

Hawẽ epa Davĩ shãtukũ Israelĩ enabu hau hatũ shanẽ ibuhaira ikũkaĩshanũ Salomão ma katuimabu Tiro shanẽ ibuhaira Hirão tapĩtã hawẽ epa Davi haibuwai betxipaikubainiwẽ taeshũ Salomão haibuwakatsis ikĩ Salomãobe hau hãtxashũtanũbũ, iwanã, Hirão hawẽ hãtxashunikabu hatu yunua

Ester 3:1

Ushe betsatiã Agaguẽ enabu Hamedatã huni bake Assuerõ Hamã shanẽ ibu beshmasbiakẽ ana hawẽ shanẽ ibu shekakĩ katukĩ shanẽ ibuhaira merabewai yununikabu dasibi hanu yunubaunai anu hatũ shanẽ ibu washũ

Isaías 2:2

Hanu bari hawẽ henei ma kemaya ha mati anu Senhor Deus kẽwãti hiwe hayakẽ Deus hakiri hãtxakĩ mestẽwãshanikiki. Ha mati binua anushũ hakiri pe shinãkĩ mati tibi binua anu nawa shukua betsa betsapa beshãkanikiki.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Números 24:20

Amaleque nawabũ maekiri uĩkĩ haska ishanaibu hatukiri Balaão huiwẽ nawakĩ: “Amaleque enabũ shukubauna kushipahaira hatu binukĩ keyubiabũ Israelĩ enabũ hawaira hatu dasibi yamawakĩ keyushãkanikiki, betsa teshe heneamarã

João 1:49

ikũwãkĩ yuikĩ: —Yusĩnaã, ikũ mĩ Deusũ bake kayabiki, Israelbũ shanẽ ibu dasibi binuarã— aka

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 17:1

Hanushũ ha sete nai tsumabu betsã sete kẽtxaki Deus sinatamis mata tsuma hushũ ea yuikĩ: “Neri huwe, aĩbu hininipa henewã nemaki tsauwa ẽ kupiai ẽ mia uĩmairã.

Apocalipse 17:15

ha dikabi nai tsumã ana betsa ea yuikĩ: “Ha henewã namaki aĩbu hininipa tsauwa mĩ uĩshurã, ha mae tibi anu hiwebaunabu inũ, yura tibibu inũ, hãtxa betsa betsapa yuiaibu inũ, mai pakea itxapaki.

Apocalipse 19:16

Ha inũ, hawẽ kena mestenepa Dasibi Shanẽ Ibubu Inũ Dasibi Yununikabu Binukĩ keyuaki, ika hawẽ tari txaipaki inũ hawẽ kixi kateki ha dabeki hawẽ kena neaki.