Números 24:6 - Kaxinawá Bíblia (BR)

⁶ Maturã, hene kaya kesha shẽpã tatxa txaipaya bana mã mapubaina keskabuki. Maturã, Senhor Deusũ mã dau bana keskabuki. Maturã, pashku kesha mã kusha bana keskabuki.

Números 24:6 Referencias Cruzadas

Gênesis 13:10

Ló nishũ benakĩ txai Zoar anu uĩbaũkĩ Jordão hene napãpa mae pishta anu dapi uĩkĩ basi inũ hene pepa betxinikiaki, Egito pashku kesha bai pepa keskarã. Ha habiatianã, Deusũ Jordão hene napãpa mae dabe Sodoma inũ Gomorra nai anua txiwẽ menuriamakẽ

Salmos 1:3

Ha yuraburã, hene kesha hi banabu pe ewatã hanu bimiaitiã hawẽ bimi pe hushĩmis keskabuki. Ha inũ, hawẽ pei shanama keskai, habũ Deusũ hãtxa betxipaimisburã, dasibi haska amis pepahaira ikubaĩmisbuki.

Isaías 41:19

Hanu tsua hiweabumanu mai metu anu hi tibi ẽ benemashanaii, kusharã inũ olivarã, hi pepa betsa betsapa benemakinã.

Isaías 58:11

Mã haskakenã, earã, matube ketashamea matu mekekubaĩkĩ hanu buniaibutiã mã pinũbũ hanu tsua hiweabuma anu piti hamẽ ikai ẽ matu washũshanaii. Matũ yura babuaya ẽ matu ana kushipa washanaii. Mã mibã bana matu nashima keska wakĩ ẽ matu duawashanaii, txatxa ũpash hawa hene netsutima keska wakinã.

Jeremias 31:12

Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.

Joel 3:18

Ha shaba haskaitianã, ui ikaya mati anua hene hababirãmis keskai uva vinho inũ ina awa txutxu itxapa hamẽ ikai mã hayashanaii. Judá enabũ mai pakea anua pashku tibi ũpash mirimahaira hayariashanikiki. Ha inũ, ẽ kẽwãti Templo anua txatxa ũpash tuetã pashku Sitim napaku anu habapakeshanikiki, mai dasibi pepa metxa wakinã.

Números 24:5

Eska ẽ hatukiri hãtxai ea nĩkawe. Jacó enabuũ, matũ tari hiwerã, hawẽruahairaki. Israelĩ enabuũ, matũ maerã, hawẽrua pepahairaki.