Números 22:7 - Kaxinawá Bíblia (BR)

⁷ Moabe nawabu shanẽ ibu beshmasbu inũ Midiã nawabu shanẽ ibu beshmasburi hawẽ hatu yupushunai hawẽ pakati peiya bui mae Petor anu hikishũ hatũ shanẽ ibuhaira Balaquẽ hãtxa dasibi Balaão yuiabu

Números 22:7 Referencias Cruzadas

Isaías 1:23

Haska inũ, matũ shanẽ ibuburã, sinatapa yumetsubũ haibuaibuki. Ana pei mais hatu pewashũkatsi ikama hatu parãkĩ hatũ peiwẽ besti hatu itxakawakubaĩkanikiki. daketapai ea inãkuĩwẽ ika ea ikĩ bena bestikubaĩkanikiki. Bake ibuumabu hatu pe merabewati shinãbiai habũ hatu uĩs bestikanikiki. Ha inũ, aĩbu beneyabiani beneumabukiri habũ hatu merabewai pe hãtxashũkatsi ikama hatuki petxiabuki.

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Números 22:8

Balaãonẽ hatu yuikĩ: —Peki. Na habia meshu merã ẽ uĩyuai habianu iyukãwẽ, Senhor Deusũ haskarara ea yunua nĩkatã ẽ matu yuishanairã— akĩ hatu yuia niti itã ha Moabe shanẽ ibu beshmasbu hawẽ hiwetã ushaibũ

Números 23:23

Israelĩ enabuũ, natiã ẽ matukiri pepa shinãkĩ yuiairã, Deusũ matuwẽ taeshũ hawẽ dami kushipa matu ashũkĩ uĩmai yura betsabu matu uĩ e ikanikiki. Jacó enabu tsuã hatu yupukãtirumaki. Israelĩ enabu tsuã hatu mukayatũ daũtirumariki.

Números 24:1

Israelĩ enabu Senhor Deusũ pepawa bestikatsis ikai unãtã ana habe hãtxakĩ hawẽ hãtxa nĩkai Balaão ana Deusbe hãtxai kama hakia hanu tsua hiweabuma anu ana uĩbaũkĩ

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Tito 1:11

Hatu yusĩ pewabumabia hatũ mabu biã xaranũ ika peiwẽ kemukĩ hiwe anua yura betsa hawenabuya hatu xinã betsa wamakĩ hatu parãbiabu hatu nĩkakanikiki. Haskawẽ taeshũ mekenikabũ mibetã yusĩkĩ hau hatu nemakubainũbũwẽ.

2 Pedro 2:15

Haska Beorĩ bake Balaão ini keskai hatu uĩmatxakai pepa ana txibãma haki petxitã kanei hatũmebi benukĩ ha parananãmisbũ Deusũ hãtxa ana nĩkabumaki. Hamẽ Deusũ hãtxa hatu yuishũbiamis Balaão peiwẽ kemukĩ Deusunabu yupukĩ txakabuwapanã

Judas 1:11

Uĩa. Habu ikirã, Caim hawẽ betsa tenãni keska ha txibãkĩ txakabuwakanikiki. Haska inũ, huni betsa Balaão pei binũ ika kemui ini keskariakĩ Deusũ bai kayatapia benui yusĩnã betsabu parananaĩ peiwẽ kemuriakanikiki. Haska inũ, huni betsa Corã Deusũ yunua danaĩ benuni keskai ha parananãmisbu habu mawariai pemashãkanikiki.