Miquéias 6:8 - Kaxinawá Bíblia (BR)

⁸ Hunibuũ, Senhor Deus daewakĩ mã haska watirumahairaki. Hawara pepakiri Senhor Deusũ ma matu yuinishũ matu manaikiki. Hawẽ yunuti kushipa kaneama inũ, pepa aki betxipainamei yura betsabuwẽ nuikũkaini inũ, ibubis keãma matũ mekenika Deusũ hãtxa nĩkakĩ ha besti txibãkubaĩkãwẽ, matu waniki.

Miquéias 6:8 Referencias Cruzadas

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Gênesis 5:22

ana Enoque 300 bari hiwei Deusũ yunua ashuĩ habe haibunamekũkaĩkĩ huni bakebu inũ aĩbu bakebu bawakubaini

Salmos 37:26

Tsuara hatuwẽ dabanã ikĩ hawẽ hawara yaushiama shaba tibi hatu inãyumisrã, haskawẽ taeshũ hawẽ bakebuwẽ Deusũ duawamiski.

Salmos 73:28

Hakia earã, Deus anu ẽ kemaii. Ẽ hakiri haskakainairã, harã, peki. Mĩ ẽ shanẽ ibu Senhor Deusuũ, mĩ ea mekekĩ arumiski. Mĩ dasibi ea haska washũmis mikiri ẽ txanikaũkatsis ikaii.

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Amós 5:24

Matu anua ẽ yunuti pepa kaiaĩ ẽ matu uĩkatsis ikaii, hene habai heneisma keskarã. Huni pepakĩ mã ana hatu parãbuma ẽ matu uĩkatsis iriaii, matũ pepa txatxa ũpash hawa netsuisma keskarã.

Miquéias 6:9

Maewã anu hiweabu Senhor Deusũ hãtxa kaiãyã tsuara datekĩ nĩkakubaĩmis harã, unanepaki. Senhor Deusũ matu ana yuikĩ: “Maewã anu hiweabu inũ unanepa merabenanikabuũ, ea nĩkakãwẽ.

Mateus 5:3

—Benimatirubukiri matu yuinũ nĩkakãwẽ. Tsuabura kẽkubaĩsbuma Deus shanẽ ibukĩ hatu duawashanaiwẽ taea benimapaketi xinaĩ benimakubaĩkanikiki, manairã.

Mateus 5:7

—Ha inũ, tsuabura nuikipabuwẽ Deus nuiriashanaiwẽ taea benimapaketi xinaĩ benimakubaĩkanikiki.

Lucas 10:42

Ea duawairã, haskatimaki. Hakia Mariã ẽ yusĩa nĩkakĩ ea duawai tsuã nematirumaki— anikiaki.

Lucas 11:42

Fariseubuũ, mã peirawa! Matunã, mã kanekubaĩmisbuki. Matũ piti nis wati itxawashũ maspu mekẽ dabeti washũ bestitxai Deus kẽwãti hiwe anu dayanikabu merabewakĩ mã hatu inãkuĩmiski. Haska pewabiai haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Lucas 12:14

nemakĩ Jesusũ yuikĩ: —Ẽ matũ shanẽ ibumaki. Haska watã ẽ matu pashkashũtirumaki— iwanã,

Lucas 6:36

matũ Epa Deus nuikipa keskai nuikipariakubaĩkãwẽ— iwanã,

Romanos 7:16

Haska inũ, txakabu ẽ akatsi ikamabia Jesusũ kuxipa hakimakĩ ẽ akaya haska Deusũ yunuti inũ hawẽ nemati hiwea pepa besti yusĩmiswẽ: “Yusĩa peki”, iwanã, ẽ xinãkubainaii, ẽ txakabuwẽ dabĩ tenekĩ xinaĩnã.

Romanos 9:20

Ha inũ, matunã, haskakĩ Deusũ hamapai wamis hawẽ xinã unãmabia haska hawara wamiskiri txitekĩ mã yukatirumẽ? Na keskairã, mai kẽti hãtxakĩ mai mabu dami wanika yukakĩ yuikĩ: “Haskakĩ mĩ ea haska waimamẽ?” itirumaki.

Efésios 4:32

Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

Colosenses 3:12

Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

Santiago 2:20

Haskakẽ Deus ikũwaĩnã, ana unaĩsmapayamakãwẽ. Cristowẽ Deus mã hamẽ ikũwã bestiairã, hamẽki. Haskakẽ mã kanemis hamẽwãma unãtã ana hamẽama ikũ kayabi wakĩ Cristowẽ Deus dayashũkubaĩkãwẽ.

Josué 24:14

Haskakẽ Senhor Deuski mesekubaĩshãkãwẽ. Parananãma ikũ kayabi huĩti shabakabiwẽ Deus duawakubaĩshãkãwẽ. Ukeri henewã Eufrates inũ Egito anushũ matũ shenipabũ yushĩ betsa betsapa kẽwãbiapaunibũ habu henetã Senhor Deus besti duawakĩ kẽwãkubaĩshãkãwẽ.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.

1 Samuel 12:23

“Senhor Deus ẽ matu ana yukashunamaki”, iki ea ẽ txakabukatsi ikamaki. Senhor Deus matu yukashuni ẽ henekatsi ikamariki. Haskawẽ taeshũ bebũkiri pe hiwekaĩkĩ mã kaneama ishanũbũ ẽ matu yusĩkubiranaii.

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.