Miquéias 6:7 - Kaxinawá Bíblia (BR)

⁷ Hanushũ benimawakĩ 1.000 txashuwã bene inũ 10.000 shumu piti sheni ẽ hatu kuamashunaya Senhor Deus ewẽ benimashanimẽkaĩ? Senhor Deus daewakĩ ẽ huni bake iyua ẽ hatu kuamashũkĩ hawẽ hãtxa danãkĩ ẽ txakabuwakubiranima tere akĩ ẽ yamawatirumẽ? Kanekĩ haska mã shinãmiski.

Miquéias 6:7 Referencias Cruzadas

2 Reis 23:10

Yushibu Moloque daewakĩ kẽwãkĩ hatũ bakebu huni inũ aĩbu hiwea hatu kuashũkubaĩmisbu hau ana kuakĩ menupakeyamashanũbũ Hinom napaku anushũ hanushũ menuti Tofete hau txakabuwakĩ yamawakĩ keyunũbũ Josiasĩ hatu yunuria haska hatu yunua hawaira akĩ keyuaibũ

Jó 29:6

Ina awa txutxu inũ cabra txutxu itxapa nũ hayakũkainimaki. Ha inũ, oliva bimi tsinitã hawẽ sheni itxapahaira nũ hayaimaki.

Salmos 51:16

Ẽ inãkuĩ tibi inũ inabu tibi ẽ mia menu keyushũkĩ ẽ mia hawẽ benimawakatsi ikĩ ẽ mia inãbia mĩ betxipaiamabiakẽ ẽ mia haska washũkatsi ikamaki.

Salmos 51:18

Mĩ shinã pepawẽ Sião merabewakĩ pewawe, ana hawẽ kenekauana benibaũkĩ hau Jerusalém ana kene bena wanũbunã.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Isaías 1:1

Haska ikũkaĩshanai Amozĩ bake Isaías nama keskawẽ Deusũ hawẽ hãtxa shabakabi bebũkiri unãmanikiaki, hawenabu Judákiri inũ hatũ maewã Jerusalémkiri hatũ shanẽ ibuhairabu Uzias inũ, Jotão inũ, Acaz inũ, Ezequias Judá anu habu shanẽ ibuhairakubainaibutianã.

Isaías 40:16

Mai pakea Líbano dasibi ni shukua anua haska Deusũ yuinaka betxipai keska menushũtirubu damaki. Ha inũ, habianuri karu washũ ha yuinaka menutirubu damariki.

Jeremias 6:20

Sabá mai pakea anua sheni ininipa inũ mai pakea betsa txaikea mibã hua inĩhaira haskakĩ mã ea beshũmisbumẽ, ea benimawanũ, iwananã? Ea duawanũ, iwanã, ẽ txi tapu anushũ inabu mã ea menushũmisbu inũ hawẽ sheni mã ea kuashũmisburã, eã ẽ ha ana betxipai hawẽ benimamaki”, iwanã,

Amós 5:22

Yuinaka sheni inũ shekiwã trigo duru kuakĩ mã hawẽ ea duawakĩ kẽwãkatsis ibiaya ẽ ana ha betxipaiamaki. Ea ana daewanũ ishũ ina awa bake shuarãwã tesẽshũ hawẽ yura hirabi mã ea menu keyubiashuna hawẽ nue danãkĩ ẽ ana hakiri pe shinãma ishanaii.

Filemom 1:12

Onésimo ẽ abuhairai mia anu ẽ ana nitxiã kaikiki. Haki dakeama mĩ ea atiru xinãkĩ haska keska washãwẽ.

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.