Miquéias 6:6 - Kaxinawá Bíblia (BR)

⁶ Senhor Deus daewanũ ishũ eska mã shinãmisbuki. Daewakĩ Senhor Deus manaũri hiwea kẽwãkĩ hawa pepa ẽ inãkuĩtirumẽ? Ina awa bene ano bestitxaiya tesẽtã hawẽ nami inũ hawẽ sheni Senhor Deus kẽwãkĩ hau ea kuashunũbũ, iwanã, nukunabu Deusbe hãtxashunikabu yunukĩ ẽ daewatirumẽ? ishũ mã haska shinãmismẽ?

Miquéias 6:6 Referencias Cruzadas

Salmos 22:29

Dasibi shanẽ ibu kushipabu hatũ hamapai mirima haya hawẽ hiwekanikiki. Hakia dasibibu mawai ana mai mishpushanaibuwẽ taeshũ dasibibũ dãti ishũ hau Senhor Deus besti kẽwãshanũbũwẽ, habu ibubis hiwea hayatirubumakirã.

Êxodo 12:5

Txashuwã bene bari bestitxaiya hawa isĩ hayama hawẽ yura dasibi pe keyu hau bishanũbũwẽ. Txashuwã bake kayabi pepa hayamakẽ ina txashu betsa cabra bake bitirubuki.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Isaías 40:16

Mai pakea Líbano dasibi ni shukua anua haska Deusũ yuinaka betxipai keska menushũtirubu damaki. Ha inũ, habianuri karu washũ ha yuinaka menutirubu damariki.

Jeremias 6:20

Sabá mai pakea anua sheni ininipa inũ mai pakea betsa txaikea mibã hua inĩhaira haskakĩ mã ea beshũmisbumẽ, ea benimawanũ, iwananã? Ea duawanũ, iwanã, ẽ txi tapu anushũ inabu mã ea menushũmisbu inũ hawẽ sheni mã ea kuashũmisburã, eã ẽ ha ana betxipai hawẽ benimamaki”, iwanã,

Daniel 3:26

hãtxakĩ yuikubaini kai, hanu karu kuamisbu kini kesha anu kemashũ hui kushipawẽ hatu kenakĩ: —Sadraque inũ, Mesaque inũ, Abede-Nego Deus dasibi binuatũ tsumabuũ, tashnibirani nenu eanu bekãwẽ— hatu wa, txi here anua ha dabe inũ besti mapekei kaĩbiranaibũ

Daniel 4:9

‘Yushibubu yukamisbu shanẽ ibu Beltessazarĩ, Deus meribi yushinẽ mia unãmakubaĩmiswẽ taeshũ dasibi tsuã unãtirubuma mĩ unã keyuaii, eã ẽ unanã. Haska ẽ nama ẽ uĩshina ẽ mia yuia nĩkatã haska hariri yuiti ea yuiwe.

Daniel 5:18

Ẽ mia yuishunai ea nĩkawe. Hawẽ hãtxa nĩkakĩ dasibibũ hau hawẽ kena unãkubaĩshanũbũ mĩ hutxi Nabucodonosor kushipa wakĩ Deus kushipa dasibi hatu binuatũ shanẽ ibuhaira wanishũ duawakubainiki.

Daniel 5:21

hau tari hiweyukũkaĩshanũ nitxiãbu dami betsai yuinaka keskai jumento inamabe hiweshũ ina awa keskakĩ basi pikubaini basnũmã hawẽ yura txa akubaina Deus kushipahaira dasibi hatu binuatũ yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis tapĩriama yuinaka keskai hiwekũkaĩkĩ atimas mĩ hutxĩ tapĩkĩ unaniki.

Amós 5:22

Yuinaka sheni inũ shekiwã trigo duru kuakĩ mã hawẽ ea duawakĩ kẽwãkatsis ibiaya ẽ ana ha betxipaiamaki. Ea ana daewanũ ishũ ina awa bake shuarãwã tesẽshũ hawẽ yura hirabi mã ea menu keyubiashuna hawẽ nue danãkĩ ẽ ana hakiri pe shinãma ishanaii.

Mateus 19:16

hanua berunã betsa mabu inũ bai mirimaya Jesus anu kashũ yukakĩ: —Yusĩnaã, mia yukapa? Hiwea kayabi bikinã, hawa pepa akubaĩkĩ ẽ hiwea kayabi ẽ bitirumẽ? Ea yuiwe— aka

Marcos 12:33

Haska inũ, nukũ huĩti inũ, nukũ yushĩ dasibiwẽ inũ, nukũ xinã dasibiwẽ inũ, dasibi nukũ kuxipawẽ Epa Deus duawai haska nukũmebi nũ nuimis keskai yura betsabu tibiwẽ nũ nuiaiwẽ taeshũ Deusũ nuku abuhairaikiki. Hamẽ haskama hatira yuinaka deteshũ kuakĩ Deus nũ inãkuĩmis inũ hatira inãkuĩti betsa betsapa Deus kẽwãti hiwe anu nũ bumisrã, hawama keska Deusũ xinãmiski— akaya

Marcos 5:7

Jesusũ yuikĩ: —Yushĩ txakabuũ, ha huni anua kaĩwẽ— atã yukakĩ: —Harakiri mĩ kena ikai?— aka yuikĩ: —Ẽ kenarã, “Itxapahaira Ẽ Hayaki”, ẽ yushĩ mirimayarã— iwanã, bis ikĩ hãtxa kuxipawẽ yuikĩ: —Jesusuũ, mĩ Deus kuxipahairatũ bakerã, ẽ unaiĩ. Deusũ nuku uĩayã nukurã, kupikĩ nuku nuitapawayamawe!— itã bis ikĩ

Lucas 10:25

mapushũ nĩkaibũ Moisés keneni yusĩnanãmistũ Jesus unãti wanũ ika benikawã yukakĩ: —Yusĩnaã, hiwea kayabi bikatsi ikĩ Deus benimawakĩ haska washãpa?— aka

João 6:26

Jesusũ hatu yuikĩ: —Mã unãti wakĩ kayatapĩnũ dami haskabiama wakĩ ẽ matu ashuaĩ uĩxina ha tapĩkĩ mã xinãmawẽ taea hakia misi pikĩ yani waxĩshũ haskas pinũ ishũ mã ea benai bei ikanaii.

Hechos 16:17

nuku txibãbaĩkĩ metubaĩkĩ mapuabu dasibi unãshubima hui kuxipawẽ hatu yuikĩ: —Ha huniburã, Deus kuxipa dasibi binua hawẽ tsumabũ ha dayashũkanikiki. Hanu kupiaitiã tsuãra matu nemashũtiru hawẽ txanima pashati bai matu unãmakanikiki— akĩ

Hechos 16:30

hanushũ kaĩmatã hatu yukakĩ: —Shanẽ ibubuũ, hanu kupiaitiã ẽ Deus daewakatsis ikaii. Haskapa, hau ea mekeshanunã?— hatu wa

Hechos 2:37

hanu hatube itxabũ nĩkai haskatimẽ? ika hatũ huĩti nixmahairai bika tenekĩ xinãkĩ Pedro inũ Jesusũ tsuma kuxipaya betsabu hatu yukakĩ: —Betsabuũ, haskatã nũ haskatirumẽ?— hatu wabu

Efésios 3:14

Haskawẽ taea mã judeubumakiri nukũ Epa Deus bebũ dãti itã ẽ matu kuxipa yukashũmiski,

Hebreus 10:11

Haska inũ, hatũ txakabu hatu buashunũ, iwanã, inãkuĩ betsa betsapa Deus inãkĩ habias bestikima yuinaka kuai bikamisbuki, haskawẽ hatũ txakabu tere akĩ keyutirubumabia Deuski nukuti Templo hemaĩtĩ anu dayakĩ bari tibi nukunabu Deusbe hãtxashunikabũ habiawẽs daewati wakubaĩmisbuki.

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.