Miquéias 6:9 - Kaxinawá Bíblia (BR)

⁹ Maewã anu hiweabu Senhor Deusũ hãtxa kaiãyã tsuara datekĩ nĩkakubaĩmis harã, unanepaki. Senhor Deusũ matu ana yuikĩ: “Maewã anu hiweabu inũ unanepa merabenanikabuũ, ea nĩkakãwẽ.

Miquéias 6:9 Referencias Cruzadas

Jó 5:17

Hau hiwei penũbũ yusĩkĩ tsuara Deusũ hatu nemakubaina shinã txãkãmisbuki. Haskawẽ taeshũ Deus kushipahairatũ mia nemai hawẽ hãtxa hawa danãyamawe.

Provérbios 22:3

Tsuara bebũkiri shinã pewanikabũ hawara mese uĩkĩ dũkekubaĩmisbuki. Hakia tsuara bebũkiri hawa shinaĩsbumã mese uĩbiai nĩkamas nakubaini hamapai sharabu bika tenekubaĩmisbuki.

Jeremias 26:18

“Judá enabu anua Ezequias shanẽ ibuhairakĩ hatu yunukubainaitiã mae betsa Moresete anua yumeni Deusũ hãtxa yuishunika Miquéiasĩ Judá enabu Senhor Deus hãtxashũkĩ: Eska Senhor Deus kushipahaira dasibi binuatũ matu yuikiki. Nĩkakãwẽ: ‘Mati Sião betsairã, hanu dayati bai besti ishanikiki. Jerusalém tekei keyui di ika hanus hawẽ mishki mania ikũkaĩshanikiki. Templo mati anurã, txaka besti benei besheshanikiki’, hatu waya,

Jeremias 26:6

haska Siló anushũ ẽ tari hiwe meribibiakẽ txakabuwakĩ ẽ yamawani keska wakĩ na Templo hiweri ẽ habiaskari washanaii. Mai hirabi anu nawa betsa betsapa shukuabu tibitũ hau ha uĩkĩ shinãpakeshanũbũ na maewã Jerusalémri txakabuwakĩ ẽ atimapa washanaii. Haska ẽ hãtxa ea hatu yuishũtãwẽ’, ea wa”,

Amós 6:1

Sião anu hawa bika teneama mã hiwei pebiamisburã, mã peirashãkãwã! Samaria anu hawa dateama hatuki txiti ika mã hiwebiamisrã, mã peirashãkãwã! Matũ mae shanẽ ibu kushipabu yununikabũ Israelĩ enabũ mã hatu benamisburã, haburã, mã peirariashãkãwã!

Miquéias 3:12

Matubũ mã kanekubainaiwẽ taeshũ Mati Sião anu maewã Jerusalém berãkĩ keyuaibu betsai mishki besti hanus mania bai wanishũ ana akatsi heneyuimabu keska anu mananã hanu Deuski nukuti hiwe wanibu anu txaka besti benea hawama dakashanikiki.”

Miquéias 6:10

Habu itxakanikabũ hatu atimapa wakĩ mabu inũ pei itxawakubainaibu huni txakabubũ hiwe anu hayabuki. Yaushi mabuwẽ kemui hawa hatu tana pewashũ inãma yumetsuaibu ẽ hatu betxipaismahairaki.

Miquéias 6:8

Hunibuũ, Senhor Deus daewakĩ mã haska watirumahairaki. Hawara pepakiri Senhor Deusũ ma matu yuinishũ matu manaikiki. Hawẽ yunuti kushipa kaneama inũ, pepa aki betxipainamei yura betsabuwẽ nuikũkaini inũ, ibubis keãma matũ mekenika Deusũ hãtxa nĩkakĩ ha besti txibãkubaĩkãwẽ, matu waniki.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.