Miquéias 5:4 - Kaxinawá Bíblia (BR)

⁴ Ha huni kaini ewatã shanẽ ibu kaĩkĩ hawenabu mekekatsi hawẽ mekenika Senhor Deusũ kushipawẽ hawenabu mekekubaĩshanikiki, nuku unanuma hiwemakinã. Mai hirabi kesua anushũ Senhor Deus kẽwãkubainaibuwẽ taeshũ

Miquéias 5:4 Referencias Cruzadas

Salmos 22:27

Senhor Deusrã, ha nukũ shanẽ ibu kayabiki. Mae pakea tibi hatu shanẽ ibushũmiski. Haskawẽ taeshũ mai hirabi anu hiwebaunabu yura betsa betsapa shukuabũ Senhor Deus shinãtã ha bebũ dãti ishũ hau kẽwaĩ beshanũbũwẽ.

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 49:5

Senhor ẽ Deuski. Haskawẽ taeshũ ea duawaya hawẽ kushipa hanua ẽ bimiski. Ẽ hawẽ tsuma ikũkainaya Jacó enabu Israelbũ shinã betsa watã hau hanu bei haki dasishanũbũ Senhor Deusũ ea yunukatsi katutã ẽ ewã bake nãtiki ea dami wakĩ naneniki, ikaya

Isaías 52:10

Senhor Deusũ hawẽ kushipa hatu uĩmashanikiki, dasibi mai pakea nawa shukua tibi anu manibaũshũ uiaĩbunã. Dasibi mai hirabi anushũ ma nukũ Deusũ nuku mekekĩ piskuma nĩkakĩ unãshãkanikiki.

Isaías 52:13

Senhor Deusũ ana hatu yuikĩ: “Ẽ tsumapã dasibi binukĩ keyuaya shanẽ ibuhaira wakĩ dasibi hatu binumatã ẽ tsaũshanaii.

Isaías 8:7

Haskawẽ taeshũ Hene Eufrates Senhor Deusũ mata wakĩ hatu atximashanikiki. Haska yuiarã, Assíria shanẽ ibũ hawẽ kushipawẽ hatu atxi keyushanikiki. Hawẽ pashku teshesha tibiwẽ hene hikibaĩkĩ dasibi kẽku mataismabia atxikĩ keyukĩ

Miquéias 7:14

Mai pepa kesua anu hi shukua anu txashuwã huĩrukũmisbu keskai minabu hau tari hiwekubaĩshanũbũ mĩ aniki. Senhor Deusuũ, ha minaburã, hatu mekeshũ uĩrakubaĩshãwẽ. Mae Basã inũ mae Gileade anu basi pepa anu hatũ shenipabu mĩ hatu iyuni keska wakĩ pepas anu hatu ana iyushãwẽ.

Malaquias 1:5

Esaú ẽ haska wani habias matũ beruwẽ mã uĩtirubuki. Hanushũ matu Israelbũ yuikĩ: “Nukũ Senhor Deusũ kushiparã, nukũ mai pakea binua hawẽ kushipa uĩtirubuki, nenu bestimarã, iwanã, mã yuikubaĩshanaii”, iniki, Senhor Deusrã.

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Mateus 25:31

na miyuiwẽ nuku ana yusĩ pewakĩ: —Ẽ matũ Hutxi Kayabi Iuwa Shanẽ Ibu txashahaira hui ẽ nai tsumabube hushũ yurabu hãtxa betsa betsapa tibi shukuabu unãti watanũ ika Shanẽ Ibũ tsauti pepaki ẽ tsaukẽ

Lucas 1:32

Hamẽ Shanẽ Ibu kuxipahairakũkainaya habũ yuikĩ: “Yushĩ kuxipa hatu binuatũ bakeki”, iwanã, kenakubaĩshãkanikiki. Ha inũ, haska matũ shenipabu shanẽ ibu Davi shanẽ ibu ini keskai

João 10:38

Hakia ẽ Epã pepawai keska ẽ akai ẽ hãtxa mã ikũwãma ibiakĩ ẽ Epã kuxipawẽ ẽ dami pepawai ikũwãkãwẽ. Ha dami ikũwãkĩ ẽ Epa ebe imis inũ ẽ haberi imis mã unãtirubuki— hatu waya

João 20:17

Jesusũ nemakĩ: —Ẽ Epa anu kariama uatiã ẽ matube hiwemis keskai ẽ ana matube itirumaki. Ea tsumakĩ ea baxiyamawe— iwanã, —Ẽ betsabu anu kashũ ẽ mia yuishu hatu yuiritãwẽ. Matu merabewai ẽ Epa anu dasinũ ika ẽ kashanaii. Ẽ Eparã, habia matũ Epariki. Ẽ Deus mekenikarã, habia matũ Deus mekenikariki— aka

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ