Miquéias 5:3 - Kaxinawá Bíblia (BR)

³ Haskabiashanaya natiã nawabũ matu itxakawakĩ hau matu kupinũbũ Senhor Deusũ ana matu mekeama Israelĩ enabu Senhor Deusũ matu ma heneaki. Hakia aĩbu tuyakẽ hawẽ huni bake kaiaĩ manaibũ Israelĩ enabu txaihaira anu hatu iyunibu hatũ matu txĩtũwãbirã ana matunabube matu dasiwashanikiki.

Miquéias 5:3 Referencias Cruzadas

Salmos 67:3

Deusuũ, mae tibi anushũ hau mia kẽwanũbũwẽ. Mai hirabi anushũri hau mia kẽwãriabaunũbũwẽ!

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Jeremias 23:5

txanima Senhor Deusũ mestẽwãkĩ ana yuikĩ: “Ha shaba betsatiã shanẽ ibu hunũbarikiki, Davĩ baba betsa shanẽ ibuhaira ẽ washanaii, hawẽ mai pakea anua hawẽ yunuti kushipawẽ unanepakĩ hatu yunukĩ parananãma pepas wakubaĩshanikiki.

Amós 5:15

Danãkinã, txakabu besti akubaĩkãwẽ, pepa besti betxipaikinã. Ha inũ, habũ pepa inũ txakabu unãti wanikabũ hau ana matu itxakawama matu pe bestiwẽ manakushũkubainũbũ hatu uĩrakubaĩkãwẽ. Hamẽ mã haskaibu mã Israelĩ enabu nortekiria matu teshewabainimaburã, Mekenika Deus kushipahaira dasibi binu keyua Senhor Deus matuwẽ ana nuikĩ matu merabewatirumẽkaĩ.

Miquéias 4:4

Haskawẽ taea dasibi ana hawawẽ dateama hiwekubaĩshãkanikiki. Hatũ uva bana nishi manaũri beshea inũ hatũ hi figueira bimi batapaya namã uta unanuma huĩrukuĩ manishãkanikiki. Senhor Deus kushipahaira dasibi binu keyuatũ huni betsã hãtxawẽma hawẽ hãtxawẽ ibubis matu yuikiki.

Miquéias 5:7

Yura shukuabu betsa betsapa mirima anu Jacó enabu hatube hiwebaunaburã, eskashãkanikiki. Ha haskaiburã, basnũ Senhor Deusũ yunumis inũ, basi anu ui ikai tsuã haskai hawẽ shinanẽ nematiruma keskai Jacó enabu keyukubaini eskarabes tesheshãkanikiki.

Miquéias 5:8

Haskabiaibũ yuinaka shukua inu betsa leãonẽ hatu atxitiruki. Ina txashuwã shukuaburi hatu atxiriakĩ hawa betsa heneama tetsã akĩ tenãmisbu keskai yurabu shukuabu betsa betsapa mirima anu Jacó enabu hiwebaunabu habiaskariai kushipariashãkanikiki.

Miquéias 6:14

Ẽ matu kupikubainaya pibiai mã hawa yaniwatã pepeama buni pae tenei mã nuitapakũkaĩshanaii. Hawara matu mebinũ ika beaibu matũ bai anua piti bishũ hune hatuki datekĩ mã hani pashawatiruma ishanaii. Hawara piti teshe ha pikatsi mã mekekatsi hune arubiakẽ hau yamawai benũbũ nawa detenamenikabu ẽ hatu yunushanaii.

Mateus 1:21

Ha huni bake kaĩtã ewatã hawenabu Deuski petxia txakabumisbu hau hatũ ana Deus txibanũbũ hatu merabewashanaiwẽ taeshũ kenakĩ: ‘Jesus’, washãwẽ”, aka Josẽ haska nĩkatã xinãnikiaki.

Mateus 12:50

Ha inũ, Deusũ hãtxa tsuabũra nĩkatã ikũwãkĩ ashũmisburã, habiabu ẽ betsabu inũ ẽ puibu inũ ẽ ewaburiki— hatu waniki.

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Romanos 8:29

Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.