Mateus 7:22 - Kaxinawá Bíblia (BR)

²² Na haska ẽ matu yuiai keska enabu kayabi hatu itxawanũ ika ẽ ana huaya itxapabũ ea yuikĩ: “Shanẽ Ibuũ, Shanẽ Ibuũ, mikiri yusĩkubaĩkĩ mĩ kena kuxipawẽ yuikĩ yushĩ txakabu nitxĩkĩ dami atimaska betsa betsapa nũ mia ashũkubaĩmiski. Nukuri katuriwe”, ea akaibu

Kashinawa : Diosun Jesúswen taexun yuba bena yiniki

²² Na jaska en matu yuiai keska enabu kayabi jatu ichawanun ika en ana juaya ichapabun ea yuikin: “Xanen Ibuun, Xanen Ibuun, mikidi yusinkubainkin min kena kushipawen yuikin yushin chakabu nichinkin dami atimaska betsa betsapa nun mia axunkubainmiski. Nukudi katudiwe”, ea akaibu

Mateus 7:22 Referencias Cruzadas

Números 24:4

Nishi pae atã uiã keska shabakabi ẽ uĩshuki. Deus kushipahaira dasibi binuatũ ea hãtxa inã nama keskawẽ ẽ ma uiãki.

Mateus 10:15

Ikũ ẽ matu yuiaii. Hanu Deusũ yurabu dasibi hatu kupiaitiã haska Sodoma inũ Gomorra ha mae ewapa dabe txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— iwanã,

Mateus 24:36

Hanua hawatiãra ẽ ana hushanai tsuã unãmaki. Deusũ nai tsumabũ unãma inũ ea Deusũ bakẽ ẽ hawa unãmariki. Hakia Epa Deus ha bestitũ unaĩkiki.

Mateus 25:11

hanua ha katxu ha txipax unãnepama beshũ hatu kenakĩ yuikĩ: “Shanẽ ibuũ, nũ mibe hikiai nuku bepẽshũwẽ”, akabu

Mateus 7:21

—Ha inũ, tsuabũra hatũ kesha bestiwẽ ea kenakĩ: “Shanẽ Ibuũ, Shanẽ Ibuũ”, ea wabiakĩ haska xinaĩsbumarã, habũ ẽ Epã hãtxa txibãma nai anu nukube hiweama ishãkanikiki. Hakia ẽ Epa nai anuatũ hawara yununi inũ abuai txibãkĩ akubaĩmisbu besti nukube hiweshãkanikiki.

Lucas 10:12

Hamẽ betsarã, hanu Deusũ yurabu dasibi hatu kupiaitiã haska Sodoma txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— hatu watã

João 11:51

Haska yubakaibu xinãmakinã, ibubis Caifásĩ xinãma hakia na habia baritiã Deusbe nukunabu hãtxashunika shanẽ ibuhairawẽ taeshũ: “Jesus judeubu mawashũtiruki”, akĩ Deusũ Caifás hatu yuimaniki.

1 Tesalonicenses 5:4

Hamẽ ẽ betsabu inũ ẽ puibuũ, maturã, mã ma unãnepabuki, tsuãra kakape tapĩkĩ ikũwãkatsi ikabuma keskamarã. Hatiãra nukũ Shanẽ Ibu hui haskakirãshanikiri ana matu yuinũ nĩkakãwẽ. Huni yumetsunũ ika hawaira hatiãra tsuã unãmakẽ humis keskai nukũ Shanẽ Ibu bebũkiri tsua yuiama hawairakirã tashnishanikiki. Haskaya habũ ikũwãkatsi isbuma mexu merã hiweabu keska teku iki: “Habaa!” ishãkanikiki. Hakia habũ ikũwaĩbu hawa dateama ishãkanikiki, nũ ha manakamis huayarã.

2 Tesalonicenses 1:10

Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.

2 Timóteo 1:12

Ea haska wanikẽ Deusũ hãtxa ẽ yusĩkubaũmiswẽ taeshũ itxakawakĩ ea bitxibiabũ ẽ Jesus ikũwãkĩ taewaya ea mekenitũ bari hawẽ heneaitiã ea mekekubaĩshanai unaĩ ẽ dakeamaki.

2 Timóteo 1:18

Éfeso anushũ Onesíforõ nuku merabewakubaini mĩ unãhairaii. Bari hawẽ heneaitiã Deusũ yurabu hatu unãti waitiã nukũ Shanẽ Ibũ hau Onesíforo duawashanũwẽ.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.