Mateus 7:22 - Kashinawa : Diosun Jesúswen taexun yuba bena yiniki

²² Na jaska en matu yuiai keska enabu kayabi jatu ichawanun ika en ana juaya ichapabun ea yuikin: “Xanen Ibuun, Xanen Ibuun, mikidi yusinkubainkin min kena kushipawen yuikin yushin chakabu nichinkin dami atimaska betsa betsapa nun mia axunkubainmiski. Nukudi katudiwe”, ea akaibu

Kaxinawá Bíblia (BR)

²² Na haska ẽ matu yuiai keska enabu kayabi hatu itxawanũ ika ẽ ana huaya itxapabũ ea yuikĩ: “Shanẽ Ibuũ, Shanẽ Ibuũ, mikiri yusĩkubaĩkĩ mĩ kena kuxipawẽ yuikĩ yushĩ txakabu nitxĩkĩ dami atimaska betsa betsapa nũ mia ashũkubaĩmiski. Nukuri katuriwe”, ea akaibu

Mateus 7:22 Referencias Cruzadas

Mateus 10:15

Chanima en matu yuiaii. Janu Diosun yudabu dasibi jatu kupiaitian jaska Sodoma inun Gomorra ja maewan dabe chiwen Diosun jatu kupikin jaska wani binumakin jabun matu dananibu Diosun jatu kupijaidaxanikiki— iwanan,

Mateus 24:36

Janua jawatianda en ana juxanai tsuan unanmaki. Diosun nai tsumabun unanma inun ea Diosun baken en jawa unanmadiki. Jakia Epa Dios ja bestitun unainkiki.

Mateus 25:11

janua ja kachu ja chipash unanepama bexun jatu kenakin yuikin: “Xanen ibuun, nun mibe jikiai nuku bepenxunwen”, akabu

Mateus 7:21

—Ja inun, tsuabunda jatun kexa bestiwen ea kenakin: “Xanen Ibuun, Xanen Ibuun”, ea wabiakin jaska shinainsbumadan, jabun en Epan jancha chibanma nai anu nukube jiweama ixankanikiki. Jakia en Epa nai anuatun jawada yununi inun bechipaiai chibankin akubainmisbu besti nukube jiwexankanikiki.

Lucas 10:12

Jamen betsadan, janu Diosun yudabu dasibi jatu kupiaitian jaska Sodoma chiwen Diosun jatu kupikin jaska wani binumakin jabun matu dananibu Diosun jatu kupijaidaxanikiki— jatu watan

João 11:51

Jaska yubakaibu shinanmakinan, ibubis Caifásin shinanma jakia na jabia baditian Diosbe nukunabu janchaxunika xanen ibujaidawen taexun: “Jesús judiobu mawaxuntiduki”, akin Diosun Caifás jatu yuimaniki.

1 Tesalonicenses 5:4

Jamen en betsabu inun en puibuun, matudan, man ma unanepabuki, tsuanda kakape tapinkin ikunwankatsi ikabuma keskamadan. Jatianda nukun Xanen Ibu jui jaskakidanxanikidi ana matu yuinun ninkakanwen. Juni yumetsunun ika jawaida jatianda tsuan unanmaken jumis keskai nukun Xanen Ibu bebunkidi tsua yuiama jawaidakidan taxnixanikiki. Jaskaya jabun ikunwankatsi isbuma meshu medan jiweabu keska teku iki: “Jabaa!” ixankanikiki. Jakia jabun ikunwainbu jawa dateama ixankanikiki, nun ja manakamis juayadan.

2 Tesalonicenses 1:10

Jaskaken jawada nukun Xanen Ibukidi nun matu yusin chanitanima man ikunwainwen taexun jatianda nukun Xanen Ibu janu juaitian dasibi mai jidabi anuxun nun ikunwanbaunaibun chanima uintan duawakin nun kenwanxankanaii.

2 Timóteo 1:12

Ea jaska waniken Diosun jancha en yusinkubaunmiswen taexun ichakawakin ea bichibiabun en Jesús ikunwankin taewaya ea mekenitun badi jawen jeneaitian ea mekekubainxanai unain en dakeamaki.

2 Timóteo 1:18

Éfeso anuxun Onesíforon nuku medabewakubaini min unanjaidaii. Badi jawen jeneaitian Diosun yudabu jatu unanti waitian nukun Xanen Ibun jau Onesíforo duawaxanunwen.

2 Timóteo 4:8

Natian en dayaxunkunkainmiswen taexun jaska jayanun ika en imis en maiti manakuti pepa Diosun ea mekexunkubainmis badi jawen jeneaitian jancha pewanika duapatun Jesucriston ea inanxanai en manaii. Jaska wakinan, ea besti inanma dasibi jabun Jesucristo ana chintunkidanxanai bechipaikin manaibudi jatu inanxanikiki.