Mateus 6:24 - Kaxinawá Bíblia (BR)

²⁴ —Ha inũ, haratura dayarũ hawẽ shanẽ ibu dabe dayashũkĩ ha dabe merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri txibãkĩ ha dabe haska washũ mã duawatirumaki— iwanã,

Kashinawa : Diosun Jesúswen taexun yuba bena yiniki

²⁴ —Ja inun, jadatuda dayadun jawen xanen ibu dabe dayaxunkin ja dabe medabewatidumaki, betsa bechipaikin chibankin betsa bechipaima danankin ninkamadan. Jabiaskadi wakin pei inun Diosdi chibankin ja dabe jaska waxun man duawatidumaki— iwanan,

Mateus 6:24 Referencias Cruzadas

Gênesis 47:17

haska nĩkabaĩ Egito nawabũ hatũ cavalo inũ, hatũ txashuwã inũ, hatũ ina awa inũ, hatũ jumento beshũpakeaibuwẽ taeshũ José shekiwãwẽ taeshũ ina hatu biãkubaĩkĩ bari bestitxai nitxĩtã

1 Reis 18:21

Israelĩ enabu dasibibu ma itxabu anu Elias hatu dapi kashũ yuikĩ: —Na shinã daberã, hatiã kaya mã ana taewabaĩshanai? Senhor Deusrã, hawẽ mekenika Yushĩ Kayabikenã, ha besti txibãkubaĩkãwẽ. Hakia Baalrã, hawẽ mekenika Yushĩ Kayabikenã, ha bestiri mã txibãkubaĩtirubuki. Haratura katukãwẽ, ha dabe txibãmarã— hatu wa ha yurabu hawa hãtxa betsa taska yuimabumakẽ

Mateus 4:10

ana nemakĩ Jesusũ yuikĩ: —Haska Deusũ hãtxa kenenibu ana nĩkawe: “Matũ mekenika yushĩ Deus besti duawakĩ kẽwãkubaĩshãkãwẽ, yushĩ betsaki meseamarã”, aniwẽ taeshũ ha mĩ haska yuiairã, ẽ mia akamaki. Satanásaã, kariwe— aka

Lucas 16:11

Haskakẽ mai anua mabuwẽ kemukĩ mã pe meketirumakẽ Deusũ daya pepahaira matu yunuamari ishanikiki.

Lucas 16:13

Ha inũ, haratura dayarũ hawẽ shanẽ ibu dabe dayashũkĩ merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri xinãkĩ ha dabe haska washũ mã duawatirumaki— hatu waya

Lucas 16:9

Haskawẽ taeshũ mabuyatã mã haskakubaĩshanũbũ matu yusĩnũ nĩkakãwẽ. Mabuwẽ kemua mesebiakẽ ha mabu mã hayawẽ merabenãkĩ yurabu haibuwakĩ mã beyawatirurã, yurabube inãnãnaĩ pepashãkãwẽ. Matũ mabu keyuaya hanua mã ea txibãkĩ haska hatu ashũmiswẽ taea Deus matuwẽ benimakĩ nai anu hiweti kayabi inãkĩ matu manakushanikiki.

Gálatas 1:10

Matũmebi xinã pewakãwẽ. Tsua ẽ benimawaimẽkainã? Ea ikirã, yurabu ẽ datã akĩ kẽwãmakatsi ikamaki. Hakia Deus besti datã akĩ ẽ hatu kẽwãmakatsis ikaii, yurabũ hau ea kẽwãnũ hatu abumairã. Haska abuaibu keska ẽ hatubetã pewakeanaii. Hatubetã haska akirã, ẽ Cristõ tsuma ikeanamaki.

1 Timóteo 6:17

Tsuãra ikũwaĩ hawẽ pei inũ hawẽ mabu itxapa hayabũ xinaĩ: “Natiã ẽ mabu ẽ hayawẽ ẽ hawẽ hiwei peaki”, ikĩ hau ana haskakiri xinaĩ hawẽ kẽyamanũbũ hatu yuiwe. Ha haskakiri xinãmisburã, hatũ mabu txapumiswẽ hatu mestẽwãtã hiwematirumaki. Haskakẽ uatiã imisbu haska xinãma hakia natianã, Deusũ nuku benimawakĩ hatũ hamapai betsa betsapa yauxiama nuku inãkubaĩmis haska besti bi hau hiwekubainũbũwẽ.

2 Timóteo 4:10

Demas hawẽ hiweawẽ besti inũ mabuwẽ kemukĩ ea henebaini Tessalônica mae ewapa anu kaxiãki. Crescente Galácia mai pakea anuri kariaxinaki. Tito Dalmácia mai pakea anuri kaxiãki.

Santiago 4:4

Haskati kemaĩ yurabũ mã ikũwãkĩ pewabumaã, haskai Deus haibu wabiatã matũmebi hawara Deusũ danaĩ mã akubainai? Haskakẽ tsuabũra hawara Deusũ abuama abukĩ Deus danaĩ ana habe haibunamekatsi ikabumaki, ana txĩtũtã haki sinatamairã.

Josué 24:15

Hakia Senhor Deus mã duawakatsi ikama haratu yushinĩ hãtxa mã txibãkatsi ikimẽkaĩ, ikis katukãwẽ. Henewã Eufrates ukeri matũ shenipabũ yushĩ betsa betsapa habũ kẽwãpauniburã, habumẽkaĩ. Nenu hiweshũ Amorreu nawabũ yushĩ betsa betsapa habũ kẽwaĩbumẽkaĩ, matũ shinãkãwẽ. Hakia ẽ aĩ inũ ẽ bakebubetanã, Senhor Deus duawakĩ nũ txibãpakeshanaii, heneamarã— hatu waya

1 Samuel 7:3

hatu hẽ akamawẽ taeshũ Samuelĩ hawenabu hatu yunukĩ yuikĩ: “Matũ huĩti hirabiwẽ inũ matũ shinã hirabiwẽ Senhor Deus anu ana txĩtũtã mã txibãkatsis ikairã, ea nĩkakãwẽ. Nawabu matu dapi hiwebaunabũ yushibu dami kẽwãti betsa betsapa mã haya ana kẽwãma henekĩ putakãwẽ. Ha inũ, yushĩ Astarote dami putakĩ keyutã matũ hiwea hirabiwẽ Senhor Deus besti duawakĩ nĩkakĩ kẽwãkubaĩshãkãwẽ. Mã haska wakubainaya Filisteu nawabũ matu atxinishũ matu yunumisbu matu ana yunumama Senhor Deusũ Filisteu nawabu babu watã matu mebikinãshanikiki”, hatu wa