Mateus 6:10 - Kaxinawá Bíblia (BR)

¹⁰ Nai anushũ mĩ yunua haska txibãmisbu keska wakĩ nenushũri dasibibũri hau mĩ xinã besti txibãkubainũbũwẽ.

Kashinawa : Diosun Jesúswen taexun yuba bena yiniki

¹⁰ Nai anuxun min yunua jaska chibanmisbu keska wakin nenuxundi dasibibundi jau min shinan besti chibankubainunbunwen.

Mateus 6:10 Referencias Cruzadas

Salmos 2:6

“Ha Shanẽ Ibu ẽ katuni ẽ yunushanai ha meribi mae pepa mati Sião anu shanẽ ibushanikiki”,

Salmos 40:8

Ẽ shanẽ ibu Deusuũ, eã mia benimawakinã, haska shinãkĩ mĩ betxipaiaiwẽ ẽ mia ashũkatsis ikaii. Mĩ hatu yusinirã, ẽ huĩti merã ẽ haya niaki!

Isaías 2:2

Hanu bari hawẽ henei ma kemaya ha mati anu Senhor Deus kẽwãti hiwe hayakẽ Deus hakiri hãtxakĩ mestẽwãshanikiki. Ha mati binua anushũ hakiri pe shinãkĩ mati tibi binua anu nawa shukua betsa betsapa beshãkanikiki.

Jeremias 23:5

txanima Senhor Deusũ mestẽwãkĩ ana yuikĩ: “Ha shaba betsatiã shanẽ ibu hunũbarikiki, Davĩ baba betsa shanẽ ibuhaira ẽ washanaii, hawẽ mai pakea anua hawẽ yunuti kushipawẽ unanepakĩ hatu yunukĩ parananãma pepas wakubaĩshanikiki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Mateus 12:50

Ha inũ, Deusũ hãtxa tsuabũra nĩkatã ikũwãkĩ ashũmisburã, habiabu ẽ betsabu inũ ẽ puibu inũ ẽ ewaburiki— hatu waniki.

Mateus 16:28

—Ikũ kayabi ẽ matu yuiai nĩkakãwẽ. Na habia mã ebe mapuaburã, mã betsa betsapa mawariamakẽ ẽ matũ Hutxi Kayabi Iuwa ẽ matu Shanẽ Ibui taeshunai mã uĩshanaii— nuku aniki.

Mateus 26:42

ana Deusbe hãtxai kashũ yuikĩ: —Ẽ Epa Deusuũ, ẽ yumãyamanũ ea unãti wakĩ mĩ henekatsi ikamarã, peki. Mĩ xinãnẽ besti ea ashãwẽ— atã

Mateus 4:17

Hanushũ Jesusũ yusĩkĩ taewakĩ hatu yuikĩ: —Nukũ Shanẽ Ibu nai anua matuki bayui ma kemaikiki. Mã Deuskiri txakabumis henetã xinã betsa watã hanũ bekãwẽ— hatu wakubainiki.

Mateus 7:21

—Ha inũ, tsuabũra hatũ kesha bestiwẽ ea kenakĩ: “Shanẽ Ibuũ, Shanẽ Ibuũ”, ea wabiakĩ haska xinaĩsbumarã, habũ ẽ Epã hãtxa txibãma nai anu nukube hiweama ishãkanikiki. Hakia ẽ Epa nai anuatũ hawara yununi inũ abuai txibãkĩ akubaĩmisbu besti nukube hiweshãkanikiki.

Marcos 11:10

Nukũ shenipabu Davi ipauni keska shanẽ ibuhairai huikiki. Deus kẽwãshunãkãwẽ— akubaini bui

Marcos 3:35

Ha inũ, Deusũ hãtxa tsuabũra nĩkatã ikũwãkĩ habũ txibãbaĩkĩ ashuaĩburã, habiabu ẽ betsabu inũ, ẽ puibu inũ, ẽ ewaburiki— hatu anikiaki.

Lucas 19:11

yura itxapabũ Jesusũ yusĩaĩ nĩkakubaĩkĩ xinãkĩ: “Jerusalém anu kematã nawabu nitxĩtã Deus samama shanẽ ibuhairai kaimẽkaĩ”, iwanã, yuiaibuwẽ taeshũ

Lucas 19:38

yuibaĩkĩ: —Aitxu! Aitxu! Ha Shanẽ Ibu Deusũ kena kuxipaya huairã, benimakĩ kẽwanãkãwẽ. Naiuria unãnuma hiwea inũ kuxipa binu keyua unãkĩ hau kẽwãnũbũwẽ— ikubainaibũ

Lucas 22:42

yuikĩ: —Epaã, hamapai dasibi mĩ atiru ẽ unaiĩ. Ẽ mawayamanũ mĩ nematirubia ẽ xinaĩ keska ea akama mĩ xinãnẽ besti ea ashãwẽ— ikaya

João 4:34

Jesusũ nuku ana yuikĩ: —Hatũ ea yununitũ xinã ẽ hayawẽ taea hawẽ daya keyui ẽ kuxipamiski, yani wa keskairã

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

João 7:17

Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.

Hechos 13:22

hanushũ Saulõ Deus ana pe txibãmawẽ taeshũ ana Deusũ merabewama hawẽ kuxipa mebĩtã hanushũ Jessẽ bake Davi hau ha mai hirabi shanẽ ibunũ, iwanã, kẽwãkĩ Deusũ yuikĩ: “Davĩ haska ẽ akatsi ikai akĩ ea benimawamistũ ẽ hãtxa txibãkĩ hatũ Israelbu pe mekekubaĩshanikiki”, hatu waniki.

Hechos 21:14

haska washũ hawẽ xinã betsa wamatima hau haskaratanũ nema henetã yuikĩ: —Nukũ Shanẽ Ibũ xinãnẽ iwe— nũ wa

Hechos 22:14

ana ea yuikĩ: “Ha nukũ Deus nukũ shenipabũ kẽwãpaunibu habiatũri mia katunishũ mia unãkĩ hau hawẽ xinãwẽ hawẽ bake pepa Jesus mĩ uĩnũ hawẽ huiwẽ mia hãtxa waxinaki.

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

Efésios 6:6

Haskakẽ matũ tsuma pe dayashũkĩ duawairã, hatũ berubi uĩaĩ bestiwẽma hakia uĩyamarikẽ pe dayashũkubaĩkãwẽ, Cristõ dayarukĩ hawara hawẽ Epa Deusũ abumis haska xinaĩ ashũkinã.

Colosenses 1:13

Uatiã nũ Deus unãma mexu txakabũ nuku tsumabiakẽ Deusũ nuku putamaniki, hawẽ bake ha abuaitũ hawẽ shanẽ anu nuku iyukinã.

Colosenses 1:9

Haskawẽ taea mã abunameaikiri nĩkatã Deusbe hãtxakĩ nũ matu yukakĩ heneshuĩsmaki, Deusũ hau hawẽ xinã shabakabi matu unãmakĩ haskai unãnepati tibi inũ nĩkati xara matu wamakĩ hawẽ Yushĩ Pepatũ hau matu inãmakĩ unãmakubainunã.

1 Tesalonicenses 4:3

Haskakẽ Deusũ matu pepa besti wanũ, iwanã, matu yunukĩ: “Aĩbu mĩ aĩmawẽ kemuama inũ, huni mĩ benemawẽ kemuama haska ha dabe mã haya hatũ aĩbe besti hau txutanamekubainũbũwẽ”, iwanã, xinãmiski, Deusunã.

1 Tesalonicenses 5:18

Hawara tibi mã haya inũ mã hayama haska Deusũ matu unaĩwẽ taeshũ ha besti kẽwãkubaĩkãwẽ, mã haskaibu Deusũ matu abuikiki, mã Jesus Cristo ikũwaĩbuwẽ taeshunã.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

Hebreus 10:7

Haskakẽ eska unãtã haska ekiri keneniburã, mĩ xinãnẽ besti anũ ika ẽ ma tashniaki”, aniki.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

1 Pedro 2:15

Eska Deusũ matukiri abukĩ xinaĩkiki. Mã pe besti wai hatu uĩmakubaĩkãwẽ, habũ matu yuaĩbu inũ hãtxa unãmabia unaĩsmapai matukiri sinatai hãtxa txakabumisbu hau beshtekei ana matukiri hãtxayamanũbunã.

1 Pedro 4:2

Hatishũ matũ kemu na mai anushũ henetã hatishũra matũ hiweawẽ besti haska Deusũ xinãkĩ abuai matũ hiweawẽ dayashuni hiweyukãwẽ.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 12:10

hanua hui kuxipa nai anua kaĩaĩ ẽ nĩkaya yuikĩ: “Nukũ betsabu habũ ikũwaĩbu bariri inũ mexu merã Deus bebũshũ nuku hatu txitẽkĩ yuãmis ma putabuki. Pehairaki. Natiã Deus shanẽ ibuaya hawẽ bake Messias Jesus Cristo habe shanẽ ibukĩ hatũ kuxipahairawẽ nuku mekekĩ taewakanikiki, ha yauxikĩ ana hawenabu benutimarã.

Apocalipse 19:6

Hanushũ ẽ nĩkaya yura mirimabu hãtxai hene diri ikai keskawẽ inũ tĩ ikaĩkainai keskawẽ yuikĩ: “Aleluya! Nukũ Epa Deus kuxipahaira dasibi binu keyua ha bestitũ nuku dasibi mekei ma shanẽ ibui taeikiki. Pehairaki. Kẽwanãkãwẽ.

Apocalipse 20:4

Hanushũ habũ hatu unãti washanai haki tsaushũ unãti wati habũ hatũ kuxipa biaibu ẽ uĩshuki. Ha dikabi Deusũ yusĩa txibãkĩ txĩtuãma Jesuskiri yusĩkubainaibu habũ bushka teshteabu hatũ yushĩ ẽ uĩshuki. Habu ikirã, ha yuinaka mese atimapahaira inũ, hawẽ dami kẽwãbuma inũ, yuinaka mese atimapahairatũ enabu unãti habũ betũkuki inũ hatũ mekẽ petxiki hatũ kene netãmakĩ amama ikubainimabuki. Haskawẽ taea ana besteĩ benibaũ 1.000 ano Jesus Cristobe shanẽ ibushãkanikiki. Haskaibu ẽ uĩshuki,