Mateus 20:16 - Kaxinawá Bíblia (BR)

¹⁶ Haskawẽ taeshũ yurabu babuaibũ xinã pepakĩ ea danãma ẽ hãtxa txibãkĩ taewaibu pepawẽ ẽ hatu mekeshanaii. Hakia bari itxapa ẽ hãtxa txibaĩ ikũwãmisbu ha katxukea habu keskari ẽ hatu mekekubaĩshanaii— nuku waniki.

Kashinawa : Diosun Jesúswen taexun yuba bena yiniki

¹⁶ Jaskawen taexun yudabu babuaibun shinan pepakin ea dananma en jancha chibankin taewaibu pepawen en jatu mekexanaii. Jakia badi ichapa en jancha chibain ikunwanmisbu ja kachukea jabu keskadi en jatu mekekubainxanaii— nuku waniki.

Mateus 20:16 Referencias Cruzadas

Mateus 19:30

Haska inũ, yura itxapabu na habiatiã kẽkĩ yunumisburã, Deusũ hatu kẽwãma ishanikiki. Hakia betsabu na habiatiãri hawa kẽkĩ yunuisbumarã, Deusũ hatu kẽwãkĩ shanẽ ibuhairawashanikiki— iwanã,

Mateus 21:31

Haskakenã, matu yukapa? Haratutũ hawẽ epã yunua nĩkatã ashuĩmamẽ?— hatu wa —Ha ha dukũ yunuimatũ nĩkakĩ ashũtanimaki— akabu Jesusũ hatu yuikĩ: —Eskatiã ikũ ẽ matu yuiaii. Naximanika João tashnimashũ haskai hiwei peti matu yusĩbia hawa matũ xinã betsa watã mã ikũwãma ikimabuki. Hakia ha governo pei bishunika txakabubu inũ aĩbu hininipabũ Joãonẽ hãtxa nĩkakĩ ikũwaĩbu uĩbiakĩ matũ mã xinã betsa wama ikubaĩxinabuki. Habiaskariai natiã nawa pei bishunikabu inũ aĩbu hininipabu Deusũ hãtxa ẽ yusĩaĩ habũ nĩkaibu Deusũ hawenabu hatu waikiki, matu binukinã— iwanã,

Mateus 22:14

Deus shanẽ ibuaitianã, habiaskari washanikiki. Itxapabu Deusũ hatu kenabiapakeaya itxapamatũ nĩkatã ikũwaĩbu ha hawenawakĩ hatu katumiski— hatu waya

Mateus 7:13

ana hatu yuikĩ: —Txi nukaismakiri kairã, hanu hikiti shui inũ hawẽ kati bai hashpa keska hawẽ kai bikamawẽ taea yushĩ txakabũ bai abui yurã kaiã itxapa hawẽ bumisbuki. Hamẽ hiwekuĩakiri kairã, hanu hikiti shui inũ hawẽ kati bai haxu bika keskawẽ taea ha bai benakubaini atimas nukutã yura eskarabes hawẽ bumisbuki. Maturã, ha bai haxuki nukutã hawẽ bukĩ ea txibãkubaĩkãwẽ— itã

Marcos 10:31

Ha inũ, yura itxapabu na habiatiã kẽkĩ yunumisburã, Deusũ hatu kẽwãma ishanikiki. Hakia betsabu na habiatiãri hawa kẽkĩ yunuisbumarã, Deusũ hatu kẽwãkĩ shanẽ ibuhairawashanikiki— hatu anikiaki.

Lucas 14:24

Txanima habu dukũ ẽ yubaxinabũ ẽ piti piabumaki”, akĩ hawẽ tsuma yuiniki. Deus shanẽ ibunũ bariaitianã, Deusũ habiaskari washanikiki— akĩ Jesusũ hatu yusĩnikiaki.

Lucas 15:7

Txanima habiaskari imisbu ẽ matu yuiaii. 99 yura itxapabũ ea ikũwaĩ pepakubaĩmisbuwẽ taea nai anu habu Deusbe hiweabu benimabiamisbũ hakia bestitxai benua keska txakabui hiwekũkaĩmistũ hawẽ txakabu henetã hawẽ xinã betsa wakẽ hawẽ benimatxakayamai xinã txãkãhairamisbuki— iwanã,

Lucas 7:47

Haskakẽ ewẽ nuikĩ ea abuhairaiwẽ taeshũ hawẽ txakabu mirimabiakẽ ma ẽ buashuna mĩ unãtiruki. Hamẽ tsuãra txakabu eskarabes nũ buashuna mawaira ea inũ ẽ Epa xinã mirĩmisbuki— iwanã,

Romanos 5:20

Hanua haskai yurabu txakabu bestiwẽ hiwei mesei atimapahairakubainaibũ Deusũ hawẽ yunuti inũ hawẽ nemati nukũ shenipabu Moisés yusĩmakinã, ana hatũ txakabu ewawati waniki. Hanua txakabui pikubiaibũ Deus hatuwẽ nuikĩ hatũ txakabu binumakĩ hawẽ pepahaira hatu unãti wamakĩ hatu duawaniki.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Romanos 9:30

Haskakẽ Deusũ yunuti judeubumã txibãkĩ Deusũ pashati benamabia habũ Jesus Cristo hatũ xinãnẽ besti ikũwaĩbu hatũ txakabu Deusũ ma hatu buashũtã ana hatukiri txakabu xinãma ikũkainikiki.

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.