Mateus 11:23 - Kaxinawá Bíblia (BR)

²³ Ha inũ, Cafarnaum anu hiweabũ mã xinãkĩ: “Nũ pepabuwẽ taeshũ Deusũ nuku kẽwãshanikiki”, ibiakĩ mã ea ikũwãbumawẽ taeshũ hanu txi nukaisma anu Deusũ matu yunushanikiki. Hakia Cafarnaum anushũ hawẽ unãti dami kuxipa betsa betsapa ẽ matu uĩmakubainima keska Sodoma anu hiweabutiãri haskari uĩtã hatũ txakabu henenibunã, hatũ bababuri nuku dapi hiwekeãkanaii.

Kashinawa : Diosun Jesúswen taexun yuba bena yiniki

²³ Ja inun, Cafarnaúm anu jiweabun man shinankin: “Nun pepabuwen taexun Diosun nuku kenwanxanikiki”, ibiakin man ea ikunwanbumawen taexun janu chi nukaisma anu Diosun matu yunuxanikiki. Jakia Cafarnaúm anuxun jawen unanti dami kushipa betsa betsapa en matu uinmakubainima keska Sodoma anu jiweabutiandi jaskadi uintan jatun chakabu jenenibunan, jatun bababudi nuku dapi jiwekeankanaii.

Mateus 11:23 Referencias Cruzadas

Gênesis 13:13

Hanua Sodoma nawabu hiweaburã, hunibu txakabu atimapahairakĩ Senhor Deus danaĩ txakakubainibukiaki.

Mateus 10:15

Ikũ ẽ matu yuiaii. Hanu Deusũ yurabu dasibi hatu kupiaitiã haska Sodoma inũ Gomorra ha mae ewapa dabe txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— iwanã,

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Mateus 17:24

Ana kai hawẽ mae Cafarnaum anu nũ hawẽ tsumabu Jesusũ nuku iyukẽ Templo pei bishunikabũ Jesus betxibaini kashũ Pedro yukakĩ: —Matũ yusĩnanã, hawẽ Templo mekekĩ pewati pei bari betsa tibi pakakubaĩmismẽ?— akabu

Mateus 4:13

Nazaré anu kai baxikuama hanua mai pakea dabe anu Jacõ bake Zebulom inũ Naftali hatũ bababu shukuabu namakis iã kesha mae betsa Cafarnaum anu ka hanus hiwekirãkirãpauniki.

Mateus 8:5

Hanua Jesus Cafarnaum mae anu hikiaya ea anũ, iwanã, Romano capitão Jesuski nukushũ

Lucas 10:15

Ha inũ, Cafarnaum anu hiweabũ mã xinãkĩ: “Nũ pepabuwẽ taeshũ Deusũ nuku kẽwãshanikiki”, ibiakĩ mã ea ikũwãbumawẽ taeshũ hanu txi nukaisma anu Deusũ matu yunushanikiki— iwanã,

Lucas 14:11

Habiaskari wakĩ tsuara ibubis kẽmis Deusũ dake washanikiki. Hakia tsuara ibubis keĩsma Deusũ kẽwãshanikiki. Nĩkairakãwẽ— iwanã,

Lucas 16:23

hanu mawabu bumisbu anu huni mabuhairayaima nuitapai yumãkĩ uĩbaũkĩ txaikea Abraãonẽ Lázaro duawai betxitã

Lucas 4:23

Jesusũ ana hatu yuikĩ: —Mã ea itimaska kaya wai ẽ uĩaiĩ. Unanepa hãtxawẽ mã ea yuikĩ: “Mĩ huni dauyakiaki. Mimebi shushakĩ mĩ kuxipa nuku uĩmawe”, ea akĩ, “Cafarnaum anushũ hawẽ unãmati dami kuxipa mĩ hatu uĩmaxinakiaki. Mĩ axiã keska wakĩ na mĩ mae anushũri nuku ashũriawe, nũ uĩnunã”, akĩ mã ea yuitirubuki— iwanã,

Hechos 2:27

Mawabu hanu dasibi bumisbu anu ka mĩ meribi mĩ tsumapã yura maiwati tãpe anu hau dakai txapuyamashanũ mĩ nemashanaii.

Hechos 2:31

Deusũ hãtxa yuishunika Davi bebũkiri Deusũ xinãmakĩ Messiaskiri hãtxamakĩ hatu yuimakĩ: “Messias Cristo mawa hawẽ yura txapuama inũ mawabu anu hawẽ yura baxiama ana bestẽwãshanikiki”, ika hakiri hãtxaniki.

Judas 1:7

Ha hawẽ nai tsumabu hatu ashanai keskari wakĩ nawabu Sodoma inũ Gomorra mae ewapa inũ hatu dapi mae urama anu hiweabu txutawẽ kemukĩ hunibu habe hunibe txutanameaibu Deusũ hatu kupikĩ hawẽ yusĩa danaĩbu txi nukaismawẽ hatu kupishanai keska wakĩ shabakabi Sodoma inũ Gomorra hatu kupinikiaki, habias nukubũri dasibibũ hatuwẽ taeshũ nũ unãshanũbũ hatu kupikinã.

Apocalipse 1:18

Ea ẽ hiwea ẽ mawani natiã ana ẽ bestẽni niti ikama ẽ hiwepakeaii. Ha inũ, hiwemati kuxipa inũ kupiti kuxiparã, ea besti ẽ hayaki. Hanu mawai ikibi ishanaibu anurã, eã besti ẽ yunutiruki.

Apocalipse 11:8

Jerusalém bai kaya namaki habũ yura datãbu na haskairã, hanushũ hatũ Shanẽ Ibu cruzki mastanibu anu ha mae ewapa Jerusalém anu yura hiweabũ Deusũ hãtxa danãkĩ nĩkaisbuma Sodoma inũ Egito anu hiwenibu keska ikubainaibu anu hatũ yura dakakẽ

Apocalipse 20:13

iãnẽwã batapa anua mawanibu inũ hanu mawabu bumisbu anua mawanibu habu Deusũ bestẽwãtã itxawashũ haskarara hiwekubainibu habu tibi unãti wakĩ pepabu inũ txakabubu hatu kupiaya

Apocalipse 6:8

ẽ uĩayã hanua cavalo betsa paxĩ beshunaki tsuara betsa hawẽ kena Mawamanika haki katsauwa inũ hanu mawabu bumisbu habũ shanẽ ibu hatxũ huai ẽ uĩayã Deusũ mai hirabi anuabu yurabu shukua tibi habu anua pashkakeakekĩ ha dabe shanẽ ibu watã ha quarta parte hatu inãkĩ kuxipa wakĩ yunukĩ nupewẽ hau detenamenũbũ inũ, buniwẽ hau tenãmanũbũ inũ, isĩ betsa betsapawẽ hau tenãmanũbũ inũ, yuinaka pubẽbũ hau hatu pimanũbũ ha kuxipa inã bibainaya